Kisah Para Rasul 16:12 - Allah Wene Hurumbik Keron

¹² Waharuk wilil, so etno sohorep isalug, o Filipi kwean Makedonia fam, it Roma ap unde wereg ambeg etno waharukuk.

Kisah Para Rasul 16:12 ပူးပေါင်းရင်းမြစ်များ

Kisah Para Rasul 16:10

I og haruk apareg, ahla buruk wilil, ari hihi ari, At Allahen o Makedonia wene fano wene etno yig isawag ulug wol nabehek hihi-o, ulug nahla buruk atikikseg, nit etno o Makedonia luog ulug yi angge di angge dig dug holaruk atukukseg larukuk.

Kisah Para Rasul 16:21

niren suruk ahe fuhon epmano yanggul nisaruk-o. Eke nit Roma aphe halug, iren suk urukon etno suhuk fug-o,” ulug yig isaruk atusama,

Kisah Para Rasul 16:9

I og haruk apag, duroho yig itukmu hebag it Makedonia ap misig minapareg, yanggap suruk wilil, “Hat o Makedonia duma nit yalmag ninabik waruhun-o,” ulug yig itukmu i og hebag.

Kisah Para Rasul 18:5

Kuruk atisireg weregma, fobik it Silas Timotius inim o Makedonia epmen waharuk atusama, at Paulus sum yihirukon etno sohorep isalug, it Yahudi ap yig isaruk wilil, “At Yesus ari Kristus at-o,” ulug wene etno mondog nintul nantul at yig isaruk atisi.

Kisah Para Rasul 19:21

Eke fobik Allah wene etno su atuk atisimu, at Paulus etno o Makedonia, Akhaya ya keheg sil o Yerusalem lahukseg, fobik o Roma waruhuk-o, ulug ahla buruk wilil,

Kisah Para Rasul 19:29

Inune uruk wilil, it Gayus, Aristarkhus o Makedoniaen at Paulus inim waharuson etano sen inaptuk atusareg, og inaplug it wene uruk ambeg etno imbisa larusa.

Kisah Para Rasul 20:1

Wilip isaruk atisimu, inibam larusa. Laruk atusama, at Paulusen it Allah wene warukon epmano wonggal inaptuk atisireg, hinindi oag weregsoho welamuk-o, ulug heahi warep isalug, o Makedonia waharisi.

Kisah Para Rasul 20:3

Waharuk atisireg, epma bikalem henahan welatisi. Bikalem henahan welatisireg, fobik o Siria liog ulug suruk wilil, it Yahudi aben nowabuog ulug suruk-o, ulug hurumbik iluk atuk atisireg, suhuluk o Makedonia wariog ulug suruk atisimu,

Kisah Para Rasul 20:6

Ninaso weregma, nit roti su atuk elehon etno esoko narukukseg, o Filipien ikma so fam kurukukseg, nininggik fuaben angge o Troas waharukukseg, heahi waroko sembahyang misig ninim welatukuk.

Kisah Para Rasul 27:2

Og ituk atusama, ikma so misig o Adramitium etnowen o Asia ik ayegma wariog ulug weregma, nit kuruk atukukseg waharukuk. Waharuk wilil, at Aristarkhus o Makedonia, Tesalonika ap etno ninim waharukuk.

Roma 15:26

Eke it Allah udaki o Makedonia Akhaya inim werehon epmanowen it Allah udaki o Yerusalemon inaharek elehon epmano yi angge di angge og isuog ulug Allah ake yi angge di angge umbuhuk inahla burusa ari,

Filipi 1:1

Nit Paulus Timotius At Kristus Yesus anggimbu etnowen hit Allah udaki At Kristus Yesus awene waruk wilil, o Filipi welahebon obog inim, eke hit hinindi aso welahebon inim, eke hit yalmag inaptukon epmano inim,

Filipi 1:5

Eke amuk inim, kidia inim wene fano wene yig isil lawon yabuk etno hiren yalmag naptikip etno fam, an nahientoho hinobam ebetuk ahi-o.

1 Tesalonika 2:2

Eke hit hinambeg o Tesalonika etno awan waharuk eleg niseheg, o Filipi etnowen inune yig nisaruk wilil, dahon etno ninobam umburusa ari hit hiniluk-o. Eke dahon etno ninobam umburuson oke, it nin hit wereg ambehen inim-at winimug yig nisaruk atusama, wene fano wene At Allahen yig nisarukon etno yig hisawag ulug At Allahen oag werehep nisaharisi-o.