Kisah Para Rasul 16:1 - Allah Wene Hurumbik Keron

¹ Nin eke at Paulus etno o Derbe inim, o Listra inim lebag. Laruk apareg weregma, ap Allah wene warukon misig inuk Titus etno isina Allah wene warukon ungguluag Yahudi hwe weregma, eke ikni ungguluag Yunani ap welapag.

Kisah Para Rasul 16:1 ပူးပေါင်းရင်းမြစ်များ

Kisah Para Rasul 14:1

It Paulus Barnabas etano o Ikonium wilil, it Yahudi Allah wene uruk ambeg epmano kuruk apareg, wene yig isaruk apagma, it Yahudi ap inim eke it Allah wene inapelehon inim anggolo-at eberoko waruk apag.

Kisah Para Rasul 14:21

It Paulus, Barnabas etano o Derbe wene fano wene etno yig isaruk apagma, it obohen wene etno eberoko webag. Waruk apagma, it etano iniog suhuluk o Listra laheg, Ikonium laheg suruk apareg, fobik o Antiokhia etno lebag.

Kisah Para Rasul 14:6

it mondep isebahon epmano inesanggo holtug, o Likaonia hite laruk apareg, epmanowen o Listra o Derbe o ahik ya da epmano ya keheg sil laruk wilil,

Kisah Para Rasul 17:14

Waharuk atusama, at Paulus omini epmanowen ebe dulum-at ik laut ayegma lahapfuruk atusareg, it Silas Timotius inim o Berea etno welatusa.

Kisah Para Rasul 18:5

Kuruk atisireg weregma, fobik it Silas Timotius inim o Makedonia epmen waharuk atusama, at Paulus sum yihirukon etno sohorep isalug, it Yahudi ap yig isaruk wilil, “At Yesus ari Kristus at-o,” ulug wene etno mondog nintul nantul at yig isaruk atisi.

Kisah Para Rasul 19:22

at yalmag harukon biren ininuk Timotius Erastus inim o Makedonia arat lahap isaruk atisireg, at ebe o Asia welatisi.

Roma 16:21

Eke at Timotius yabuk ninim suruk aheon etno inim, eke it an nungguluahon ininuk Lukius, Yason, Sosipater etano inimen heahi war hinaptuk-o.

1 Korintus 16:10

Eke fobik at Timotius hinambeg waruhu halug, fanoroho hinim welamuk-o. Eke an Allah yabuk suruk ahi etno hag, At Allah yabuk surukon-at heheg, ap misihen seberepfuk sohorep isalug, fanoroho mondepfuhup-o.

1 Korintus 4:17

Eke an At Kristus inuk fam o ahik ya da At Allah udaki wereg ambeg wene yanggul isaruk ahion epmano nobabut suruk ahion hinindi ebebukag ulug, an namloho Timotius indi oag weregsoho sil nurukon, At Ninowe inuk fam nindi hunduhukon etno hinambeg lahabik waharikik-o.

1 Korintus 7:14

Eke at ap Allah wene ebetuk elehon etno uhwe obabut fam Allah udaki inim horogsoho werehon neken atisi-o, eke at hwe Allah wene ebetuk elehon etno ahun obabut fam Allah udaki inim horogsoho werehon neken atisi-o. Eke ariroho eleg hahen, it hinudaki ap angge, hweap angge epmano it Allah wene inapelehon inudaki neken welatlebon oke, it inebe epmano kidia Allah udaki neken wereg-o.

2 Korintus 1:1

An Paulus At Allah ahla buruk apareg, At Yesus Kristus awene yig isil nuruk amag ulug mondep naharision etno inim, eke at ninomin Timotius etno ninimen, hit Allah udaki o Korintus inim eke o Akhaya obog welahebon etno holal du bal hisehe-o.

2 Korintus 1:19

Eke ariroho At Allah Amloho Yesus Kristus awene etno nit an, Silwanus Timotius ninimen yig hisarukukon etno enggal inim demat inim uruk eleg-o. Eke At Yesus inuk fam At Allahen demat ulug yig nisaruk-o.

Filipi 1:1

Nit Paulus Timotius At Kristus Yesus anggimbu etnowen hit Allah udaki At Kristus Yesus awene waruk wilil, o Filipi welahebon obog inim, eke hit hinindi aso welahebon inim, eke hit yalmag inaptukon epmano inim,

Filipi 2:19

Eke At Ninowe Yesusen fano-at uruk halug, at Timotius etno sono hao lahapfik waruhuk-o. Lahapfik waruhukmu, fobik suhuluk nambeg lahureg, nindi nahien hawag ulug it Filipi ap epmano fano wereg ulug yig niruhu-o.

Kolose 1:1

Nomini, hit o Kolose welahebon du wai. An Paulusen holal du hinombisaharuk ahi-o. Eke At Allah ahla burukmu, an At Yesus Kristus awene yig isarukon-at welahi-o. Eke at nomin Timotius ninimen holal du bal hisaruk ahe-o.

1 Tesalonika 1:1

Nit Paulus, Silas, Timotius etano ninimen, nit Ninikni Allah inim, Ninowe Yesus Kristus inim inudaki o Tesalonika welahebon epmano heahi war hinaptuk wilil, At Allahen hinabua hisaruk etno fam, hinim welamag ulug wene holal du bal hisehe-o.

1 Tesalonika 3:2

O epma wilil, at Timotius Kristus awene fanowon yig isil lawon etno ninim Allah yabuk suruk aheon etno lahapfik waharukuk-o. At lahapfik waharukuk ari, it ninen dahon etno hinobam umburukmu, hit hinindi dag atlug, Allah wene etno hinapeleg am nowen ulug at Timotiusen hinindi werehep hisahakeg, Allah wene etno yig hisaruk amag ulug lahapfik waharukuk-o.

1 Tesalonika 3:6

Lahapfik waharuk atikikmu, at Timotius etno hit wereg ambehen iog suhuluk ninambeg waharuk atisireg, it Tesalonika ap epma inindi hunduhuk wilil, Allah wene fano waruk-o, ulug yig nisarisi-o. Eke aren yig nisaruk wilil, “Hit it Tesalonika aben nintul nantul hinobam ebetuk-o. Eke hiren it bik isa lawon hinindi ebetuk ahep etno hag, iren hit bik hisa wamon ebetuk-o,” ulug ariroho yig nisaruk atisireg fam, nit ninahien harukuk-o.

2 Tesalonika 1:1

Nit Paulus, Silas, Timotius epmano ninimen, hit Ninikni Allah inim, Ninowe Yesus Kristus inim inudaki o Tesalonika welahebon epmano heahi war hinaptuk wilil,

1 Timotius 1:18

Eke hat hag, namloho Timotius wai. Bilin it ap nabien Allah ahurumbik yig isebahon etno ilitoho kidia yig hituk ahi-o. Eke iren demat ulug ebahon etno hindimuen eberoko waruk wilil, ap inim aptuk etno ilitoho iblis hinim wim fanoroho aptuk amag ulug yig hirihi-o.

1 Timotius 1:2

At Ninikni Allah inim, eke At Ninowe Yesus inimen inahien hobam embeheg, eke habua heyeheg suruk wilil, hinim welamag ulug yig hirihi-o.

2 Timotius 1:2

At Kristus Yesus ninim wilil niniluk welamon etno og hisahuk ulug hurumbik yig nisebahon wene etno-at yig isil nuruk ahi-o. Eke ari halug, At Ninikni Allah inim eke At Ninowe Kristus Yesus inim epmanowen inahien hobam embeheg, eke habua heyeheg suruk wilil, hinim welamag ulug yig hirihi-o.

2 Timotius 1:5

Eke hat humbia Lois inim, eke hat hisina Eunike inim Allah wene demat ulug eberoko webag etno hag hat ariroho-at Allah wene demat ulug eberoko waruk ahen etno niluk wilil, hobam nindi ebetuk ahi-o.

2 Timotius 3:11

Eke o Antiokhia inim, o Ikonium inim, eke o Listra inim dahon mondog nobam umburukmu welatikik etno hiluk-o. Eke iren dahon etno nobam umburuson oke, At Allahen nili warisi-o.

Filemon 1:1

An Paulus At Yesus Kristus awene yig isil larikikseg fam hele war naptuson etno inim, eke at ninomin Timotius etno inimen, hat ninomin Filemon ninim Allah yabuk suruk aheon etno inim, eke it aphe Allah wene warukon hat hambeg nintul nantul sembahyang ik waharukon epmano inim, eke at ninahaloho inuk Apfia etno inim, eke at Arkhipus, wim aptuk etno ilitoho At Yesus Kristus awene yig isil nurukon etno inim,

Ibrani 13:23

Eke at ninomin Timotius o aphe dahon imbisaruk ambeg epmanowen hele hibiloko wilipfurusa ari hit hiniluk amag ulug-at yig hisihi-o. Eke at etno ebe dulum-at waharuk halug, an ninim-at hinambeg bik hisa wamuhuk-o.