Kisah Para Rasul 15:7 - Allah Wene Hurumbik Keron

⁷ at Petrus etno minatuk apareg yig isaruk wilil, “Nomini-o, it Allah wene waruk elehon epmano yig isarukmu inesanggo holtug eberoko wawag ulug At Allahen amuk hit hinanggelegmen minduhup nahabag etno hiniluk-o.

Kisah Para Rasul 15:7 ပူးပေါင်းရင်းမြစ်များ

Yohanes 15:16

Eke An nebe hiren imig naptikip fug-o. Hit hag anggen fanowon itog mondog welamon yihikeg, eke o ahik ya da epmano yig isil laheg suruk amag ulug Anden imig hinaptikik-o. Eke hit An ninuk fam At Nikni etno ambeg ariroho simihin ulug kino yig ituk hisalug, Aren suhu at-o.

Yohanes 3:27

Yig ituk apagma, at Yohanes etnowen yig isaruk wilil, “At Allahen yi angge di angge og nisaruk eleg halug, it apheyen holao ari hai-o.

Kisah Para Rasul 1:16

“Nomini-o, at Yudas etno nit ninim At Yesus omin ulug heako minduhupfebahon oke, eke At Roh Kudus etnowen Daud yig itukmu ebag etno hag, at Yudasen fobik At Yesus ebe du at-o, ulug irisi famen, it ap Yesus hele watuson epmano inowe neken atisi ari Roh Kudus etnowen Daud yig itukmu iluk apag etno hag seg atisi-o.

Kisah Para Rasul 1:24

Sembahyang uruk wilil, “Ninikni Allah wa. Yi aphe di aphe inindi burukon Hat hiluk halug, ap biren dia at misig du heako imbihi-o ulug yig nisimin-o.

Kisah Para Rasul 10:19

at Petrus etno an ebe belabik waharukmu hihi etno keroho yig nerehek, ulug indi ebetukmu, At Roh Kudus etnowen yig ituk wilil, “Kidia it ap henahan etno hat heag habil wahesa-o.

Kisah Para Rasul 10:20

Heag habil wahesa ari Anden-at lahap isa waharikikseg fam hat hebe minatlug ambimihinteg, hinim lalihip-o,” ulug yig epag.

Kisah Para Rasul 13:2

It obog dambuksoho wilil, orom nenggeg eleg Allah yabuk-at surukmu, At Roh Kudus etnowen yig isaruk wilil, “It Barnabas, Saulus yabuk Anden yanggul isarikikon epmano sukag ulug fuloko minduhup isiek-o,” ulug yig isaruk apagma,

Kisah Para Rasul 15:14

At Simon bilin ehek ari, At Allahen it Allah wene waruk elehon inanggelegmen At udaki ful inaptision epmano yig nisehek-o.

Kisah Para Rasul 15:2

alem ari fam it aphe epmanowen Paulus Barnabas inim winimug aptuk apagma, it ninen uruk wilil, “It Paulus Barnabas etano o Antiokhia ap nin inim alem ari fam it mondep isebahon epmano hinog og inabukag ulug o Yerusalem lawag-o,” ulug it Allah wene warukon epmanowen lahap isaruk apagma,

Kisah Para Rasul 15:39

inim winimug aptuk apareg, inakeleg sik-at laruk wilil, at Barnabas etnowen Yohanes Markus walug ik so fam o Siprus etno lebag.

Kisah Para Rasul 20:24

Ariroho yig nitisimu, an nebe niluk wilil, nili holao ulug yig hisaruk ahi fug-o. Eke At Ninikni Allahen ninabua nisarukon wene fano wene etno it aphe obog yig isawag ulug At Ninowe Yesusen an nebe etno minduhup naharisi-o. Ariroho yig nitisi famen an neyabuk og nitision etno-at suhuk ulug nahla buruk ahi-o.

Kisah Para Rasul 21:16

Nit ariroho surukmu, it Kaisarea aphe Allah wene warukon ninen ninim lulen ulug suruk atusareg, og ninaplug ap inuk Manason ibam Sipruson Allah wene bilin warision etno ibam welamuk ulug mondep nisaharusa.

Kisah Para Rasul 3:18

Eke At Allahen bilin it nabi inune fam At Kristus wabuhup-o ulug hurumbik yig isebag-o. Hurumbik yig isebag etno ilitoho-at seg atisi etno hiniluk-o.

Kisah Para Rasul 4:25

Eke, at hanggimbu Daud nit ninetamu etno Roh Kudusen yig itukmu uruk wilil, ‘It selema wilil Hat hawene waruk elehon epmano keroho inusuog ulug suruk-o?

Kisah Para Rasul 9:15

At Allah etnowen yig ituk wilil, “Eleg-o, aren An ninuk etno it nawene waruk elehon inim, it ap suon suon inim, eke it Yahudi ap inim yig isaruk amag ulug heako imbirikik-o.

Filipi 2:14

Eke hiren yi angge di angge suruk wilil, nambit eheg, eke winimug neken abeheg, uk ari sohorep isalug, yamintal neken suruk elehon inim, eke apheyen hinobam denggeltuk elehon inim hit hinebe arion-at welamuk-o.