Kisah Para Rasul 15:32 - Allah Wene Hurumbik Keron

³² Inahien haruk apagma, it Yudas Silas Allah wene yig isarukon etano inomini inim ininggik anggolo wilil, it epmano inoag wereg amag ulug, Allah wene yig isaruk apag.

Kisah Para Rasul 15:32 ပူးပေါင်းရင်းမြစ်များ

Matius 23:34

Ari halug, Anden yig hisamin-o. Anden it nabi ap inim, it ap inindi enggaron inim, eke it yanggul isarukon epmano inim hinambeg lahap isahukmu, hiren nin warep iseheg, it nin e fam lenggalep isalug paku waroko imbiseheg, eke it nin hit wene uruk ahep ambeg epmanowen hele lambisog war inabeheg, eke it nin o misihen muko wilip iseheg, o misihen wilip iseheg suruk amuhup-o.

Lukas 11:49

Eke At Allah yi angge di angge obog ilukon etnowen amuk yig isaruk wilil,

Kisah Para Rasul 11:23

Laruk apareg, At Allahen aphe duma ahien arat inobam imbisi, ulug ahla buruk apareg, yig isaruk wilil, “Hit hinindi At Ninowe Yesus obam ebetuk wilil, hinim hinindi hunduhuk welamiek-o,” ulug yig isebag.

Kisah Para Rasul 11:27

Soal inaptuk apareg wilil, it nabi ap inebe dorat o Yerusalemen Antiokhia wapag.

Kisah Para Rasul 13:1

Eke it o Antiokhia aphe Yesus wene webahon epmano inanggelegma wilil, Allah wene yig iseheg, eke yi wene di wene yanggul iseheg surukon epmano ininuk Barnabas inim, Simeon eke inuk misig Niger etno inim, eke at Lukius, Kirene ap etno inim, eke at Menahem, inowe Herodes endag inapahon etno misig inim, eke at Saulus etno inim it obog welapag.

Kisah Para Rasul 14:22

Laruk apareg, it aphe o epma Allah wene warukon epmano inesanggo watuk wilil, “Hit At Allah weregma kuhuben yi wene di wene dahon epmano hinobam umburuk iseheg, At Yesusen wene ebahon epmano fanoroho eberoko waruk amuk-o,” ulug yanggul isaruk apareg,

Kisah Para Rasul 15:1

Fobik it ap nin o Yerusalemen Antiokhia waharuk apareg, o epma it aphe Allah wene warukon epmano yig isaruk wilil, “At Musaen hinudaki iniyunggul ambilik baliuk ulug yig isebahon etno baltuk eleg hisalug, fobik hinili wahu fug-o,” ulug yig isaruk apagma,

Kisah Para Rasul 15:22

Yig isaruk apagma, it mondep isebahon epmano inim, eke it ap inaso werehon epmano inim, it Allah wene warukon obog inim wene baltuk apareg, nit obog ninanggelegmen it ap misig misig fuloko imbisalug, it Paulus Barnabas inim o Antiokhia epma lahap isul-o, ulug uruk apareg, at Yudas, inuk Barsabas inim eke at Silas inim it biren etano inobabut fano isaruk apareg, heag inapag. Heag inaptuk apareg, holal etno og isebag.

Kisah Para Rasul 15:27

it Yudas Silas inimen inune fam yig hisawag ulug lahap isa wahe-o.

Kisah Para Rasul 15:3

it etano o Fenisia, Samaria epmano laruk wilil, “It Allah wene inapelehon epmano obog-at warusa-o,” ulug yig isaruk apagma, inomini obog inahien hebag.

Kisah Para Rasul 15:31

Og isaruk apagma, wane suruk wilil, wene holal embebahon etno haruk apareg, wene ari anggin elehon fanowon etno-at yig nisehesa-o, ulug inahien hebag.

Kisah Para Rasul 15:41

Laruk apareg, o Siria, Kilikia inim ya keheg sil laruk wilil, it Allah wene warukon epmano inindi oag wereg amag ulug yig isaruk apag.

Kisah Para Rasul 18:23

Laruk atisireg, o epma inggik anggolo welatisireg, sohorep isalug o Galatia inim, Frigia inim ya keheg suruk wilil, it aphe Allah wene warukon epmano inindi oag wereg amag ulug yig isil waharisi.

Kisah Para Rasul 2:40

Yig isaruk apareg, inesanggo watuk wilil, “It dag surukon du fobik dagma imbisahu-o. Eke hit ariroho hinombisahuk nowen ulug hinahap wendat saruk amiek-o,” ulug yig isebag.

Kisah Para Rasul 20:2

Waharuk atisireg, o epmano ya keheg wene yig isil nuruk wilil, it aphe obog inesanggo watil nuruk atisi. Inesanggo watil nuruk atisireg, fobik o Akhaya waharisi.

Roma 12:6

Eke ari halug, At Allahen ninabua nisaruk wilil, nineyabuk ninakeleg sik og nisarision epmano-at suruk amuk-o. Eke Allah wene etno yig isaruk amag ulug nineyabuk og nisarisi halug, niren demat ulug ninahla buruk aheon etno ilitoho-at yig isaruk amuk-o.

Roma 12:8

Eke nineyabuk aphe inindi oag werehep isawon etno og nisarisi halug, etno ilitoho-at suruk amuk-o. Eke yi angge di angge menag isaruk amon etno, ninindi seberoho-at wilil, menag isaruk amuk-o. Eke aphe inindi aso welamon etno yabuk ninarug fanoroho-at suruk amuk-o. Eke it aphe inabuen surukon epmano ninindi ninahientoho-at suruk amuk-o.

1 Korintus 1:8

Eke At Ninowe Yesus Kristus waruhu ari sambit hit hinobam dag seko umbukon mondog eleg amag ulug, At awan waharuk eleg heheg, hinindi oag weregsoho hinombisaharuk-o.

1 Korintus 14:29

Eke it Allah wene inindimuen walug yig isarukon epmano, it biren henahanen uruk iseheg, it ninen keroho uruk ulug inesanggo holtuk amag-o.

1 Korintus 14:3

Eke at ap Allah wene indimuen walug yig isarukon arien aphe-at yig isaruk wilil, inindi oag wereg amag ulug inesanggo wareheg, eke une fanoroho yig iseheg, suruk-o.

1 Korintus 14:32

Eke at misig Allah wene indimuen walug yig isarukon etno onggarehen duroho ik ulug ahla burukon etno-at welamag-o.

Efesus 3:5

Eke o amuk wene heraho welapahon etno aphe yig isebag fug oke, kidia At Allahen Roh Kudus etno fam it At awene yig isil lawag ulug mondep isebahon epmano inim, eke it nabi epmano inim bukaloko yig isarisi-o.

1 Tesalonika 2:11

Eke iniknisien inudaki fanoroho yig isaruk etno hag, yig hisaruk atukukon etno hit hiniluk-o.

1 Tesalonika 3:2

O epma wilil, at Timotius Kristus awene fanowon yig isil lawon etno ninim Allah yabuk suruk aheon etno lahapfik waharukuk-o. At lahapfik waharukuk ari, it ninen dahon etno hinobam umburukmu, hit hinindi dag atlug, Allah wene etno hinapeleg am nowen ulug at Timotiusen hinindi werehep hisahakeg, Allah wene etno yig hisaruk amag ulug lahapfik waharukuk-o.

1 Tesalonika 4:1

Nomini-o, At Allah ahien hisawagsoho hit keroho welamuhup ulug arat yanggul hisarukuk-o. Arat yanggul hisarukukon oke, eke kidia At Ninowe Yesus inuk fam keroho suk ulug hinesanggo watuk wilil, yig hisaruk ahe-o.

1 Tesalonika 5:14

Eke it yabuk seheg eleg yuhun-at sil nurukon epmano inesanggo wareheg, eke it ap inindi angginon epmano inahlahairep iseheg, eke it inindi oag elehon epmano inindi oag werehep iseheg, eke it obog hinune fanowon-at yig iseheg suruk amag ulug yig hisihi-o.

1 Tesalonika 5:20

Eke it aben Allah wene yig hisamin ulug demat uruk halug, ninambit uk fug-o.

2 Tesalonika 3:12

Eke it ap inaborali werehon epmano inaplohok elegsoho wilil, inaharom iren angge-at nawag ulug At Ninowe Yesus Kristus inuk fam yig hisaruk ahe-o.

1 Timotius 2:1

Bilin yig hipminon ari, it yi aphe di aphe obog-at inake At Allah kino yig ereheg eke sembahyang eheg eke Ninikni wa ulug yig ereheg suruk amag ulug yig hituk ahi-o.

2 Timotius 4:2

kidia At awene etno yig iseheg, eke it ninen ninindi eheg, eke it ninen ninambit eheg urukon epmano nintul nantul yig iseheg suruk amag ulug yig hituk ahi-o. Eke it inenggal urukon epmano winimug yig iseheg, eke it dahan fahan surukon epmano ariroho siuk ulug yig iseheg, eke it inesanggo wareheg, eke hindi seberoho wilil yanggul iseheg suruk amag ulug yig hituk ahi-o.

1 Petrus 5:1

Eke kidia an Allah wene yig isaruk ahion etnowen hit Allah wene yig isaruk ahebon epmano an wene misig yig hisaruk ahi-o. An At Kristus obam dahon umburukmu nilanggen harikikon etno fobik At ninim ilitoho welamuhuk-o, ulug yig hisaruk ahi-o.

1 Petrus 5:10

Eke kidia horog dorat dahon etno hinobam umburukmu, fobik At Allah ninabua nisarukon etnowen fano hinabuhu-o. Aren At Kristus hinim ilitoho wilil, hinoag weregsoho welamuhuben ulug fano hinabuhu-o.

1 Petrus 5:12

Eke holal og hisihi ari, at nomin Allah inuk warukon Silwanus etno ninimen embehe-o. Hinindi oag wereg amag ulug yig hisaruk wilil, At Allahen ninabua nisaruk halug, hinoag werehep hisaruk aruhu-o. Eke ari halug, hit kidia hinoag weregsoho welamiek-o.