Kisah Para Rasul 15:29 - Allah Wene Hurumbik Keron

²⁹ Ariroho yig hisehereg fam, wam kwanangge anggom ulug waroko umburukon epmano na fug-o. Eke amep inim na fug-o. Wam amep eleg warehon na fug-o. Eke wanggik suk fug-o, ulug wene yig hiseheon du waruk wilil, hit hinebe fano-at welamag ulug yig hisehe-o.

Kisah Para Rasul 15:29 ပူးပေါင်းရင်းမြစ်များ

Lukas 9:61

Yig ituk apagma, eke at ap misihen yig ituk wilil, “Nowe-o, an Hat ninim lahuk oke, bilin an nomini nune fag inabiog ulug lamin-o,” ulug yig epag.

Kisah Para Rasul 15:20

Eke niren holal baloko og isaruk wilil, wene alem empat dia hiren suk fug ulug yig isuk; ari alem kwanangge anggom ulug waroko umburukon epmano na fug-o. Eke wanggik suk fug-o. Eke yi angge di angge amep eleg warehon na fug-o. Eke amep ebe inim na fug-o, ulug alem holal baloko umbulug og isa fano-o.

Kisah Para Rasul 18:21

aren, “Eleg-o, At Allahen yig nituk halug, fobik hinambeg waruhuk-o,” ulug yig isaruk atisireg, o Efesus epmen ik so fam larisi.

Kisah Para Rasul 21:25

It Yahudi ap ariroho uruk amuhubon oke, it bilin Allah wene inapeleg welatuson epmano hag, Allah wene waruk isalug, niren holal baloko og isarukuk. Eke holal etno fam wene umburuk wilil, ‘Wam kwanangge anggom ulug warehon etno na fug-o. Eke amep inim na fug-o. Eke wam amep wilibig eleg warehon na fug-o. Eke wanggik suk fug-o,’ ulug ariroho holal fam yig isarukuk,” ulug it ap inaso werehon etnowen at Paulus yig itusa.

Kisah Para Rasul 23:30

Eke fobik it Yahudi aben waroko umbuog ulug surukmu, nesanggo holtuk atikikseg, hat hambeg lahapfukon ulug nahla birikik-o. Eke it Yahudi ap epmano hag, hat hil fam obam denggelukag ulug yig isarikik-o, wa,” ulug holal baloko imbirisi.

2 Korintus 11:9

Eke an yi angge di angge elegma, it ninomini o Makedonia epmen waharuson epmanowen obog ilitoho-at og nirik waharusa-o. Eke an bilin og nimiek ulug yig hisarikik fug etno hag, fobik ariroho yig hisahuk fug-o.

2 Korintus 13:11

Ari halug, nomini, hit hinahien haruk wilil, hinindi oag wereg amag ulug suruk amuk-o. Ariroho suruk wilil, an nune yig hisihion etno hinesanggo holiuk-o, holtuk wilil, hit fikfag dambuksoho welamuk-o. Eke ari halug, At Allah indi hunduhuk wilil, dambuk ninaptukon etno hinim welamuhup-o.

1 Timotius 5:22

Eke at ap misig Allah yabuk suruk amag ulug ungguluag hinggik senoko dulum-at minduhupfuk fug-o. Eke at ap misig dag suruk halug, haren hinim ilitoho suk fug-o; hat hobabut akeleg-at wilil, fanoroho welamin-o.

Yakobus 1:27

Eke At Ninikni Allah etno awene waruk nisalug, duroho suk-o; it udag inisasi elehon halug orom og iseheg, eke it hweap suhweon halug yalmag iseheg, eke kweanmen surukon etno seberoho embeheg suruk amuk-o.

1 Yohanes 5:21

Nudaki-o, yi angge di angge du walhan suon-o ulug urukon epmano sohorep isalug fanoroho welamuk-o.

Yudas 1:24

At Ninikni dil ninaptukon etno ahien nisahureg, og ninaplug o fanoma ninombisahaku-o.

Wahyu 2:14

Ariroho waruk atikipseg fam, eke kidia alem misig fam hinesang­go warik-o. Alem ari, amuk it Israel aphe epmano wam uson neng­geg, wanggik seheg suruk amag ulug at Bileam etnowen at Balak etno yanggul epag etno hag, it nin ilitoho surukon hinim wela­hep-o.

Wahyu 2:20

Ari halug, alem misig du fam-at hinesanggo warik-o. Ari at hwe Isebel etnowen An At Allahen lahap nabik waharisi-o ulug urukon etno hinim-at welahep-o. Eke it nanggimbu epmano wanggik seheg, eke wam uson nenggeg suruk amag ulug at hwe etnowen yanggul isaruk wilil, inindi kahalik waharuk-o.