Kisah Para Rasul 15:11 - Allah Wene Hurumbik Keron

¹¹ Eleg-o, nit At Yesus onggo eleg og nisebag etno fam ninili waruk-o. Eke it ari fam-at inili waruk-o,” ulug at Petrusen yig isebag.

Kisah Para Rasul 15:11 ပူးပေါင်းရင်းမြစ်များ

Roma 3:24

Eke ariroho wereg iseheg, At Allahen inabua isaruk wilil, iren onggo umbulug eleg-at At Kristus Yesus etnowen inili webareg fam, At Allahen alem dahon inobam werehon epmano elehepfuruk-o.

Roma 5:15

Ariroho welapahon oke, it biren epmano ilitoho welapag fug-o. Eke at Adam etnowen dag sebahon oke, At Allahen ninabua nisaruk wilil, werlek-at onggo eleg og nisarukon ari inim ilitoho wereg eleg-o. Eke at ap misihen dag sebareg fam, it aphe obog-at waratuk apahon oke, At Allahen nit obog-at ninabua nisaruk wilil og nisarukon etno anggolo-at og nisaruk-o. Ariroho og nisaruk ari, At Allahen ap misig Yesus Kristus etno abua hebareg fam, nit obog ninabua nisarukon onggo eleg-at og nisaruk-o.

Roma 6:23

Eke dag surukon ari onggo waratukon etno-at og isaruk-o. Eke At Allahen ninabua nisaruk wilil onggo eleg yuhun-at og nisarukon ari, At Ninowe Yesus Kristus ninim niniluk mondog welamon etno-at og nisaruk-o.

1 Korintus 16:23

Eke At Ninowe Yesus etnowen hinabua hisawag ulug yig hisihi-o.

2 Korintus 8:9

At etno aharek anggolo welapahon oke, hit hinake-at aharek elehon neken seg apag-o. Eke At etno ariroho aharek elehon neken seg apag ari, hit hinaharek anggolo werehep hisahiog ulug ariroho seg apag-o.

Galatia 1:6

Wi, an hit keroho wereg ulug nahla buruk ahi-o. Eke hit At Kristusen hinabua hisarukmu wol hisarision etno dulumsoho sohorep isalug, wene akelehon-at mutlug laruk ahep-o.

Galatia 2:16

Eke iren At Yesus Kristus obam ebetuk isalug etno fam alem dahon inobam werehon etno elehepfuruk-o. Eke nit ari ilitoho At Yesus Kristus obam ebetuk nisalug, alem dahon ninobam werehon epmano At Allahen elehepfukag ulug At Yesus Kristus obam ebetuk atukuk-o. Eke it Yahudi aben wene duroho suruk amuk eke duroho suruk am fug ulug ebahon etno ilitoho suruk ahe etno fam alem elehepfukag ulug surukuk fug-o. Eke ap misig it Yahudi aben wene duroho suruk amuk eke duroho suruk am fug ulug ebahon etno ilitoho suruk halug, ari fam At Allahen alem elehepfuruk eleg-o.

Titus 2:11

At Allah indi hunduhuken og nisebahon etno it yi aphe di aphe inili wawag ulug selegma apag-o.

Wahyu 5:9

Ininggikmu senetuk atusareg, di keron misig uruk wilil, “Hat hag holal baleg etno walug, hele homahowon etno yumbuk suk hoag wereg-o. Hat hebe howatuk apagma, aphe inake waratuk senareg fam, o ahik ya da inune inakeleg sik urukon inim, inungguluag dombog yi aphe di aphe obog inim At Allah og umon in­onggo baliog ulug amburuk senag-o.