Kisah Para Rasul 14:9 - Allah Wene Hurumbik Keron

⁹ Esanggo holtuk apareg, at etnowen niog fano nabukag ulug wene etno eberoko waruk apagma, at Paulus etnowen aren baltuk apareg, ilanggen fikfag wenaharuk apag.

Kisah Para Rasul 14:9 ပူးပေါင်းရင်းမြစ်များ

Matius 13:58

Yig isaruk apareg, ahla buruk wilil, it aphe duma An nobam ebetuk eleg hihi-o, ulug ahla buruk apareg, o epmen Aren sukfuganggeroho sukon etno nin hai apag.

Matius 15:28

Yig ituk apagma, At Yesusen yig ituk wilil, “Hat hwe du nobam demat ulug eberehenteg fam, haren kino yig nerehenon etno ilitoho fano arikon-o,” ulug yig ituk apagma, ebahon etno ilitoho ahaloho dulum-at fano apag.

Matius 8:10

Ariroho yig epahon etno At Yesusen wi ulug ahla buruk apareg, eke fobik it aphe inim lebahon epmano yig isaruk wilil, “At ap duen nobam ebetuk hag? It Israel aphe ariroho nobam ebetuk isaruk ahi fug-o, ulug An demat yig hisaruk ahi-o.

Matius 9:22

Sen haruk apagma, At Yesus etno olohore dahagsoho ilanggen kolap haruk wilil, “Nahaloho-o, hat hahientoho welamin-o. Hat An nobam eberehen etno fam, hebe fano ahen-o,” ulug yig ituk apagma, ebe arat fano apag.

Markus 10:52

Yig ituk apagma, At Yesus etnowen yig ituk wilil, “Hat An fano nabukag ulug nobam ebetuk ahen etno fam fanorep hahaki ari, hibam lag-o,” ulug yig ituk apagma, ilanggen buhon etno arat fenggen atuk apareg, At Yesus inim kwalema lebag.

Markus 2:5

Belapfuruk apagma, At Yesus etnowen At obam eberepfulug walug waharuk enggag isaruk apareg, ap oag elehon etno yig ituk wilil, “Namloho-o, hat dag suruk atikinon epmano sohorep isalug, hobam hapelegsoho napma hombahaki-o,” ulug yig ituk apagma,

Markus 8:25

Yig ituk apagma, At Yesus etnowen fobik ilanggenma inggik sebe hebag. Sebe haruk apagma, ilanggen fenggen ariug ulug neken suruk apareg, demat fenggen apag. Fenggen atuk apareg, yi angge di angge obog-at fanoroho ilanggen hebag.

Kisah Para Rasul 10:4

Ilanggen haruk apareg, akoltoho weregma, at malaikat etnowen yig ituk wilil, “Kornelius wai,” ulug yig ituk apagma, aren, “Hat nongge yig niriog ulug wahen-o?” ulug yig ituk apagma, at malaikat etnowen, “Haren sembahyang eheg, aphe inabuen yi angge di angge og iseheg surukmu, At Allahen habua hearisi-o.

Kisah Para Rasul 3:4

Yig isaruk apagma, it etanowen inilanggen fikfag bikharuk apareg, at Petrus etnowen yig ituk wilil, “Hat hilanggen yet nisimin-o,” ulug yig ituk apagma,