Kisah Para Rasul 14:23 - Allah Wene Hurumbik Keron

²³ it obog aphe inaso welamag ulug ap inaso werehon nin heako minduhup isil lebag. Minduhup isaruk apareg, orom nenggeg eleg wilil, At Allah obam ebetuk isaruk apareg, At Allahen inaso welamag ulug sembahyang ebag.

Kisah Para Rasul 14:23 ပူးပေါင်းရင်းမြစ်များ

Matius 17:21

Eke setan suon etno wilipfuog ulug suruk hisalug, orom nenggeg eleg wilil, sembahyang nintul nantul uruk amiek-o. Yi angge di angge werlekon sukon epmano fam setan suon etno wilipfuk ari hai-o,” ulug yig isebag.

Markus 3:14

Wol inaptuk apagma, At ambeg balu sik wapag. Balu sik waharuk apagma, it inebe dambuksoho minduhup isaruk apareg, yig isaruk wilil,

Lukas 2:37

Welapareg, fobik ahun etno waratuk apagma, suhwe wilil, delapan puluh empat tahun welapareg, arat sabal apag. Sabal atuk apareg wilil, o At Allah ibam etno sohorep isalug wilip aheg eleg nintul nantul orom nenggeg eleg, sembahyang-at uruk wilil, Allah inuk-at suontepfebag.

Lukas 23:46

Kahal atuk apagma, At Yesus etno une suon uruk wilil, “Nikni-o, An nahut Haren wimin-o,” ulug uruk apareg, warapag.

Kisah Para Rasul 1:24

Sembahyang uruk wilil, “Ninikni Allah wa. Yi aphe di aphe inindi burukon Hat hiluk halug, ap biren dia at misig du heako imbihi-o ulug yig nisimin-o.

Kisah Para Rasul 11:30

Uang etno balu suruk apareg, it Barnabas Saulus etanowen walug lawag ulug og isebagma, it etanowen og isa lebag.

Kisah Para Rasul 14:26

Laruk apareg, it etno ikma so fam o Antiokhia etno lebag. Ari, it bilin o epmen Allah wene yig isil lawag ulug inake sembahyang uruk apareg lahap isebag etno fam iniog suhuluk lebag.

Kisah Para Rasul 15:23

Holal etno og isuog ulug wene holal umburuk wilil, “Hit ninomini o Antiokhia, Siria, Kilikia epma wilil, Allah wene hinapeleg welatikipseg warikibon epmano nit hinomini At Yesusen mondep nisahebahon inim, eke nit ap inaso werehon inimen heahi war hinaptuk ahe-o.

Kisah Para Rasul 15:4

Inahien haruk apagma, it etano o Yerusalem kuruk apareg, it Allah wene warukon inim, eke it mondep isebahon inim, it ap inaso werehon epmano inim dambuksoho wene uruk apag. Wene uruk wilil, At Allah inim sil nuruk wilil suruk apahon epmano dindiloko yig isaruk apag.

Kisah Para Rasul 15:6

Yig isaruk apagma, it mondep isebahon inim eke it ap inaso werehon epmano inim wene ari baluog ulug wonggalfag. Wonggaltuk apareg, inune anggolo uruk apagma,

Kisah Para Rasul 20:17

Eke fobik at Paulus o Miletus epmanowen it Efesus ap inaso werehon epmano nambeg wamag-o ulug inayonggo lahap isarisimu,

Kisah Para Rasul 20:32

Eke kidia anden At Allah hinabua hisarukon etnowen hinaso welamag ulug At apma hinombisaharuk ahi-o. Ariroho hinombisaharukmu, eke Aren hinindi oag werehep hisaharuk wilil, At udaki ahien isaruk etno hag, hit ariroho-at ahien hisahu-o.

2 Korintus 8:19

Eke at ninomin ari an ninim lawag ulug it Allah udaki epmanowen fuloko umburusa-o. Ariroho fuloko umburusareg fam, niren At Allah inuk suontepfeheg, eke yalmag hinaptuk ahe ulug bukaloko yig iseheg suruk amuhuken ulug ninindi hunduhuk wilil sukon ari at ninomin etno ninim-at sil lahuk-o.

1 Timotius 5:1

Ap inanggohon halug hune fanggogsoho yig um sohorep isalug, hikni yig ituk ahen etno ilitoho hune wiogsoho-at esanggo watuk amin-o. Eke it ap elege epmano homini ilitoho yig isaruk amin-o.

1 Timotius 5:22

Eke at ap misig Allah yabuk suruk amag ulug ungguluag hinggik senoko dulum-at minduhupfuk fug-o. Eke at ap misig dag suruk halug, haren hinim ilitoho suk fug-o; hat hobabut akeleg-at wilil, fanoroho welamin-o.

2 Timotius 1:12

Hele war naptuson oke, nindi At Allah obam-at ebetuk wilil, At Allahen og hiruhuk ulug irision etno At Yesus waruhu sambit og niriog ulug naso wereg-o, ulug an nenggali elegsoho-at welahi-o.

2 Timotius 2:2

Ariroho wilil anden it aphe anggolo wene yig isarukmu holtikikon etno, it aphe ninen it nin yig iseheg, it nin yig iseheg suruk amag ulug wene ari it aphe inobabut fanowon epmano yig isaruk aruhun-o.

Titus 1:5

Eke haren yi angge di angge sukon etno suruk amag ulug yig hituk wilil, it aphe demat ulug ebetukon epmen it ap heako min inabu­hunen ulug o Kreta epma hombahalug waharikik-o. Eke an bilin ariroho suhun ulug yig hitikikon etno hindi ebetuk amin-o, eke ap Allah wene yig isarukon welamon etno it apheyen inune obam deng­geltuk eleg isalug, eke hwe misig-at ohowon halug,

Yakobus 5:14

Eke at hinomin misig uk wareg halug, it ap Allah wene yig isarukon epmano inayonggo umburuk amuk-o; inayonggo umburuk amuhupmu, it epmanowen e anggen ambusu etno obam deltuk wilil, At Ninowe inuk fam ake sembahyang uhup-o.

1 Petrus 5:1

Eke kidia an Allah wene yig isaruk ahion etnowen hit Allah wene yig isaruk ahebon epmano an wene misig yig hisaruk ahi-o. An At Kristus obam dahon umburukmu nilanggen harikikon etno fobik At ninim ilitoho welamuhuk-o, ulug yig hisaruk ahi-o.

1 Petrus 5:10

Eke kidia horog dorat dahon etno hinobam umburukmu, fobik At Allah ninabua nisarukon etnowen fano hinabuhu-o. Aren At Kristus hinim ilitoho wilil, hinoag weregsoho welamuhuben ulug fano hinabuhu-o.

2 Yohanes 1:1

Nahaloho-o, an ap Allah wene yig isarukon etnowen holal du baltuk ahi-o. An it Allah wene urukon epmano ninim wilil, hat inim, hat hudaki inim, hit obog nit ninindi hunduhuk welahe-o.

3 Yohanes 1:1

Nare Gayus wai. An ap Allah wene yig isarukon etnowen holal du baloko hombahaki.