Kisah Para Rasul 14:15 - Allah Wene Hurumbik Keron

¹⁵ “Nit ninebe aphe-at oke, hit keroho ulug yi angge di angge uson epmano nininuksoho og nisuog ulug suruk ahep-o? Ariroho suruk ahebon oke, ebe uson etno hiren elegsoho umbukag ulug wene fano wene etno yig hisa wahe ari, At Allah iluk mondog werehon etnowen bohol inim, kwean inim, ik inim, eke yi angge di angge inim obog-at wal hebahon epmano inuk wahuben ulug yig hisa wahe-o.

Kisah Para Rasul 14:15 ပူးပေါင်းရင်းမြစ်များ

Yakobus 5:17

Eke bilin at Elia nit ilitoho welapag etno hinindi ebetuk amiek-o. Aren bilin osit waharukon bok amag ulug sembahyang uruk apagma, tiga setengah tahun osit waheg eleg welapag, ariroho weregma,

1 Korintus 8:4

Eke alem misig, wam inu fam kwanangge usa suruk wilil narukon epmano, monggat ebe kweanma duma misig wereg eleg-o. At Allah akeleg-at suon wereg ulug niniluk welahe-o.

Kisah Para Rasul 10:26

Ariroho heahi watuk apagma, at Petrus etnowen inggik senoko minduhupfuruk apareg yig ituk wilil, “An ap atma, hat hebe minamin-o,” ulug awan yig ituk wilil, at Kornelius inim ibam etno kebag.

Wahyu 14:7

“Hit At Allah hinakoltoho wilil, At inuk-at suontep­furuk amiek-o. Kidia Aren aphe inaren balukon etno horog fang­gog ehek-o. Ari halug, At Allahen bohol inim, kwean inim, ik inim obog-at wal hebahon epmano olohotma wilil, hinut wanduk­soho sembahyang uruk amiek-o,” ulug at malaikat etnowen irisi-o.

1 Tesalonika 1:9

Eke nit hit bik hisa waharukmu, heahi war ninaptuk atikibon epmano inim, eke At Allah ilukon awene etno demat ulug ebetuk wilil, anggimbu welamuog ulug hinongganangge epmano obog sohorep isalug At Allah obam ebetikibon etno inim,

Efesus 4:17

Eke ari halug, At Ninowe inuk fam nune oag weregsoho yig hisaruk ahi-o, eke it ap Allah wene inapelehon epmano inindimu urunanggeroho ebetuk wilil o hikmu werehon epmano ilitoho suruk am fug-o.

Kisah Para Rasul 4:24

Yig isaruk apagma, it epmano inesanggo holtuk apareg, it obog dambuksoho sembahyang uruk wilil, “Ninikni Allah wa. Haren bohol inim, kwean inim, ik inim, yi angge di angge boholma, kweanma, ikma werehon epmano obog Haren-at wal haruk senag-o.

Matius 16:16

at Simon Petrus etnowen yig ituk wilil, “Hat hebe Kristus, Allah iluk werehon Amloho-at-o,” ulug yig epag.

Ibrani 3:12

Ari halug, hit hinindi dahon wilil, wene eberoko walug eleg-at At Allah iluk werehon etno sohorep isehe ha nowen ulug hinonggarehen hinindi aso fanoroho welamuk-o.

1 Timotius 3:15

At Allah iluk werehon udaki etno ari wene demat urukon etno waruk wilil, o wut oag helep neken aplohok uruk elehon belabeg etno ilitoho wereg-o.

Kisah Para Rasul 14:21

It Paulus, Barnabas etano o Derbe wene fano wene etno yig isaruk apagma, it obohen wene etno eberoko webag. Waruk apagma, it etano iniog suhuluk o Listra laheg, Ikonium laheg suruk apareg, fobik o Antiokhia etno lebag.

Yohanes 7:18

Eke at ap misig onggareg ahla burukon etno-at yig isaruk ari, at ebe-at suontepatiog ulug suruk-o. Eke ap misig at lahap nabik waharision etno inuk-at suontepfukag ulug ahla buruk wilil surukon ari, indi seberoho wereg etno fam, enggal wene yig isaruk eleg-o.

Wahyu 22:9

Nut kunuk uruk atikikmu, eke aren yig nituk wilil, “Eleg-o. An hag, hat homini it nabi ap inim, it Allah wene inesanggo holtukon inim, nit obog Allah anggimbu-at wela­he-o. Allah akeleg-at obam sembahyang uruk amuk-o,” ulug yig nitisi-o.

Wahyu 19:19

Yig isaruk atisimu, at walo suon etno inim, eke it kweanmon inowesi suon epmano inim, it inosi obog inim wong­galik waharusareg, at wam kuda huluon amboloag fam larukon osi epmano inim wim abuog ulug surusa-o.

Wahyu 19:10

Ariroho yig nituk atisimu, eke anden nut wanduksoho wilil, malaikat etno obam sembahyang iug ulug sirikikmu, eke aren yig nituk wilil, “Eleg-o. Eke an hag hat inim, eke hat homini inim, eke it obog At Yesusen yig isebahon demat ulug eberoko warukon epmano inim, nit obog At Allah anggimbu-at welahe-o. Ari halug, haren At Allah obam-at sembahyang imihin-o,” ulug yig nitisi-o. Ariro­ho yig nitisi ari, At Yesusen yig isebahon etno demat ulug eberoko webag etno fam, it nabi aben Allah wene yig isebag-o.

Kisah Para Rasul 27:25

Ari halug, nomini-o, hit hinakol ha fug-o. At Allahen yig nitision etno ilitoho suhu ulug nindi ebetuk ahi-o.

Kisah Para Rasul 27:21

Ariroho ninahla buruk atukukseg, nininggik anggolo orom nenggeg eleg welatukukseg, at Paulus etno minatlug yig isaruk wilil, “Nomini-o, hit an nune holtepsehen, o Kreta epmen watlep fugmen, yi angge di angge eleg atision epmano eleg atlep fug-o.

Kisah Para Rasul 27:10

“Nomini-o, kidia nit dumen laruk nisalug, so dahagsoho dag atuk wilil, ninebe inim, eke yi angge di angge inim ikma belap ninabuk nowen, kidia lao hai hihi-o,” ulug at Paulusen inesanggo watision oke,

Kisah Para Rasul 16:30

Horie uruk atisireg, fobik minatlug it etano ininggik senoko selema wilip isaruk atisireg, yig isaruk wilil, “Niknisi-o, an nili wawag ulug keroho sik-o?” ulug yig isaruk atisimu,

Kisah Para Rasul 14:7

wene fano wene etno yig isil nuruk apag.

Kisah Para Rasul 13:32

Eke nit hag wene fanowon etno hit-at yig hisuog ulug welahe-o. Eke bilin At Allahen it ninetamuki ariroho suhuk ulug hurumbik yig isebahon etno kidia nit inetamuki epmano ninake sirisi-o. Ariroho sirisi ari, At Yesus-at iluksoho minduhupfirisi-o.

Kisah Para Rasul 7:26

noholug ilikia it omini Israel ap biren yikangge aptukmu ilanggen isebag. Isaruk apareg, dambul inabiog ulug suruk wilil, ‘Holiek-o. Hit an nominien yikangge aptuk ahep du keroho ulug suruk ahep-o?’ ulug yig isaruk apagma,

Yohanes 5:26

Eke At Ikni iniluk welamon unde wereg etno hag, At Amloho etno iniluk welamon ari-at unde welamag ulug nobam imbirisi-o.

Wahyu 4:11

Umburuk atusareg, di watuk wilil, “Ninikni Allah wa. It aphe obohen Hat hebe wa ulug suontep hahu­kag-o. Eke Haren yi angge di angge obog wal haruk senag etno fam, hahla bulug yi angge di angge obog iniluksoho imbisaruk senag-o,” ulug di misig urukmu isarikik-o.