Kisah Para Rasul 13:9 - Allah Wene Hurumbik Keron

⁹ Sahaltuk apagma, eke at Saulus, inuk fobik Paulus soalfahon etno Roh Kudus indimu kuruk apagma, ap uson etno ilanggen fikfag wenaharuk apareg

Kisah Para Rasul 13:9 ပူးပေါင်းရင်းမြစ်များ

Matius 10:20

Fobik hinonggarehen hinahla buhubon etno yig isaruk eleg heheg, At Hinikni Roh Kudus etnowen yig hisahuon etno-at yig isaruk amuhup-o.

Markus 3:5

Ariroho bok weregma, obam winimugsoho ilanggen bik iseheg, eke it aphe obog inindi dahon wereg isalug, inabua iseheg suruk apareg, ap inggik hunduhukon etno yig ituk wilil, “Hat kidia hinggik bung himin-o,” ulug yig ituk apagma, bung haruk apareg, inggik etno arat fano apag.

Markus 8:25

Yig ituk apagma, At Yesus etnowen fobik ilanggenma inggik sebe hebag. Sebe haruk apagma, ilanggen fenggen ariug ulug neken suruk apareg, demat fenggen apag. Fenggen atuk apareg, yi angge di angge obog-at fanoroho ilanggen hebag.

Lukas 20:17

eke At Yesus etnowen yet isaruk apareg, yig isaruk wilil, “Eleg ehep ari, eke Alkitab fam werehon etno-at yig hisamin oke, hiren ebe ariroho wereg ulug yig nitlihip-o. Alkitab wene baleg etnowen yig nisaruk wilil, ‘It o faltukon etnowen e du dahon-o ulug sohorep isebahon etno, fobik at misihen o isin neken-at lahapfebag-o,’ ulug Alkitab fam wereg heheg,

Kisah Para Rasul 2:4

Inilanggen hebareg weregma, eke fobik it Roh Kudus inindimu kebahon epmanowen yig isarukmu, it o ahik ya da inune iniluk wilil, inune yion dion obog-at uruk apag.

Kisah Para Rasul 4:31

Sembahyang uruk apagma, o yugul suruk wilil, o it wereg ambeg etno aplohok sebag. Aplohok suruk apagma, it epmano Roh Kudus inindimu kuruk wilil yig isarukmu, Allah wene inakol elegsoho yig isaruk apag.

Kisah Para Rasul 4:8

Hinog og inaptuk apagma, at Petrus etno Roh Kudus indimu kebareg yig itukmu yig isaruk wilil, “Hit Yahudi ap inowesi suon du wai.

Kisah Para Rasul 7:55

Inambit haruk iseheg, eke at Stefanus etno Roh Kudus indimu kuruk apagma, ilanggen boholma lahaboho wilil, At Yesus etno Allah inggik bikit fil inim weregma isebag.