Kisah Para Rasul 13:5 - Allah Wene Hurumbik Keron

⁵ Kuruk apareg, eke fobik o Salamis etno wapag. Waharuk apareg, it Yahudi ap wereg ambeg epmano at Yohanes Markus etno inim Allah wene yig isebag.

Kisah Para Rasul 13:5 ပူးပေါင်းရင်းမြစ်များ

Matius 20:26

Ariroho imbisarukon oke, iren suruk ari hag, hit ariroho suk fug-o. Ap hiron misig suon welam hinindi halug, at ebe inanduanangge neken wilil suruk amag-o.

Kisah Para Rasul 12:12

Ahla buruk apareg, hwe inuk Maria, at Yohanes Markus isina ibam etno liog ulug suruk heheg, at hwe etno ibam epmano aphe anggolo wonggaloko sembahyang ebag.

Kisah Para Rasul 12:25

Eke fobik it Barnabas, Saulus etanowen uang walug lebahon epmano it aphe epmano og isaruk apareg, at Yohanes Markus etno walug o Yerusalemen iniog suhuluk wapag.

Kisah Para Rasul 13:14

Laruk apagma, eke it nin epmano o Perga epmanowen o Antiokhia Pisidia etno wapag. Waharuk apareg, o hari Sabat fam it o Allah wene uruk ambeg etno kuruk apareg, horie ebag.

Kisah Para Rasul 13:46

Enggali watuk apagma, it Paulus Barnabas etanowen inakol elegsoho yig isaruk wilil, “At Allah awene etno bilin hit-at yig hisuog ulug welahe-o. Ariroho yig hisuog ulug welahe oke, eke hiren ninambit-o ulug uruk wilil, hinili wawon etno sohorep isehepseg fam, niren hit yig hisao sohorep hisahalug, it Allah wene inapelehon epmano-at yig isa lahuk-o.

Kisah Para Rasul 14:1

It Paulus Barnabas etano o Ikonium wilil, it Yahudi Allah wene uruk ambeg epmano kuruk apareg, wene yig isaruk apagma, it Yahudi ap inim eke it Allah wene inapelehon inim anggolo-at eberoko waruk apag.

Kisah Para Rasul 15:37

at Barnabas etnowen yig ituk wilil, “Nit at Yohanes Markus ninim lahuk-o,” ulug yig ituk apagma,

Kisah Para Rasul 17:17

Ambit atuk atisireg, it Yahudi ap o Allah wene uruk ambeg etno kuruk atisireg, it Yahudi ap inim, it Allah wene warukon nin inim, it onggo hundutuk ambeg nintul nantul waharuk atuson epmano inim wene yig isarukmu, iren onggo yig ereheg suruk atusa.

Kisah Para Rasul 18:4

Og ituk atusareg weregma, at Paulus etno it Yahudi ap inim, it Yunani ap inim, wene wawag ulug nintul nantul it Yahudi ap o Allah wene uruk ambeg epmano kuruk atisi.

Kisah Para Rasul 19:22

at yalmag harukon biren ininuk Timotius Erastus inim o Makedonia arat lahap isaruk atisireg, at ebe o Asia welatisi.

Kisah Para Rasul 19:29

Inune uruk wilil, it Gayus, Aristarkhus o Makedoniaen at Paulus inim waharuson etano sen inaptuk atusareg, og inaplug it wene uruk ambeg etno imbisa larusa.

Kisah Para Rasul 19:8

Uruk atusama, at Paulus etno it o Allah wene uruk ambeg kuruk atisireg, bikalem henahan wilil, it aphe epmano At Allah weregma welamon wene etno wawag ulug yig isarukmu, iren onggo yig ereheg, suruk atusa.

Kisah Para Rasul 9:20

it o Allah wene uruk ambeg epmano kuruk apareg, At Yesus awene etno yig isebag. Yig isaruk wilil, “At Yesus etno Allah Amloho at-o,” ulug yig isebag.

Kolose 4:10

Eke at Aristarkhus ninim hele waroko kolap ninaptuson etnowen wahinaniog ulug heahi war hinaptuk-o. Eke at Barnabas omin Markus etno duroho heahi wabuhup ulug arat holal imbirikikon etno inim,

2 Timotius 4:11

Larusama, eke at Lukas akeleg-at ninim welahe-o. Eke at Markus ebe hag, yabuk ninim suruk amag ulug walug waruhun-o.