Kisah Para Rasul 13:48 - Allah Wene Hurumbik Keron

⁴⁸ it Allah wene inapelehon epmano inahien anggolo haruk wilil, Allah wene etno demat ulug suontepfebag. Suontepfuruk apareg, eke it iniluk initog mondog welamag ulug heako imbisebahon epmano wene eberoko webag.

Kisah Para Rasul 13:48 ပူးပေါင်းရင်းမြစ်များ

Efesus 1:4

Eke o kweanma duma awan wal haruk eleg wilil, nit At Kristus inuk fam At Allah udaki welamag ulug Aren arat imig ninapag-o. Eke nit ninebe At il fam dag seheg eleg-at wilil ninobabut fano-at welamag ulug imig ninapag-o.

Roma 11:7

Eke ari halug, keroho uk-o? It Israel aphe epmanowen heahil laruson oke, ebe heaharusa fug-o. It nin At Allahen imig inapahon epmanowen-at heaharusa-o. Eke it nin hag inindi arikon mondog welatusa ari famen

Yohanes 10:16

Eke it An nanggom domba nin o werlekma lehet oko werehon epmano inim-at og inaplug waruhuk-o. Og inaplug waharuk aruhukmu, iren An nune inesanggo holtuk amuhupmu, inebe obog misigmu-at dambuksoho imbisalug, At inaso werehon etno misig-at welaruhu-o.

Yohanes 11:52

It Allah udaki o kweanma duma o ahik ya da werehon obog-at dambuksoho imbisawon epmano inake wararuhu ulug hurumbik yig isebag.

Efesus 1:19

eke nit Allah wene waruk aheon At Allahen oag weregsoho ninoag werehep nisaharukon etno inim, obog-at fanoroho ebebukag ulug yig hisihi-o. Eke nit ninoag werehep nisaharuk etno hag,

Kisah Para Rasul 2:41

Yig isaruk apagma, it obohen wene yig isebahon etno eberoko waruk apagma, it inebe tiga ribu obam seberoho belap inapag.

Kisah Para Rasul 22:10

Holeheg eleg weregma, eke anden yig ituk wilil, ‘Nowe-o, an keroho sik-o?’ ulug yig ituk atikikmu, At Nowe etnowen yig nituk wilil, ‘Hat minatlug o Damsyik wapmihinmu, haren sukon At Allahen ahla bebahon etno dindiloko yig himukon-o,’ ulug yig nituk atisimu,

Lukas 7:8

Eke an hag, ariroho-at nowe suon etno apma welahion at-o. Ariroho wilil, an napma nosi epmano wereg-o. Eke an nanggimbu misig, ‘Lag-o,’ ulug yig ituk nealug, laruk at-o. Eke, ‘Ma-o,’ ulug yig ituk nealug, waharuk at-o. Eke, ‘Ari sin,’ ulug yig ituk nealug, ilitoho suruk at-o,” ulug yig epag.

Roma 13:1

Eke it yi aphe di aphe obohen it inowesi pemerintah epmano inune inesanggo holukag-o. Eke At Allahen it inowesi pemerintah epmano wene baltuk amag ulug minduhup isarisi fuhon misig wereg eleg-o. Eke it pemerintah wene baltukon wereg epmano At Allahen-at minduhup isarisi-o.

Kisah Para Rasul 28:23

Yig ituk atusama, o ari sambit wene uhuk, ulug at Paulus inim uruk atusareg, it inebe obog at Paulus wereg ambeg wonggalik waharusa. Wonggalik waharuk atusama, at Paulusen Allah weregma sukon wene etno ilikia hubet yig isarisi. Yig isaruk mondog weregma, o hupmu atisi. Eke o ari fam yanggul isaruk wilil, at Musaen ebahon etno yig iseheg, eke it nabien wene holal embebahon epmano yig iseheg suruk wilil, At Yesus ari Kristus at-o ulug iren eberoko wawag ulug yig isarisi.

Kisah Para Rasul 2:47

Inahientoho wilil, At Allah wa ulug suontepfuruk weregma, it ninen inahien inobam embebag. Inahien isaruk apareg weregma, At Allahen nintul nantul it inili webahon epmano at misig obam seberoho embeheg, at misig obam seberoho embeheg suruk apag.

Kisah Para Rasul 20:13

Eke fobik ikma so fam kuruk atukukseg, o Asos waharuk atukukmu, at Paulus etno so fam ninambeg kirisi. Eke at Paulusen yig nisaruk wilil, “Hit ikma so fam o Asos aliek-o. Eke an fobik kweanke niog fene hinambeg waruhuk-o,” ulug yig nisarisimu, nit so fam ikma kurukukseg,

Matius 28:16

Eke fobik it omini sebelas epmano At Yesusen bilin o Galilea bunu ari fam alu-o ulug yig isebag ambeg etno-at wapag.

2 Tesalonika 3:1

Nomini-o, At Allah wene hit hinanggelegmen su atisi etno hag, o ahik ya da obog wawag ulug ninake sembahyang iuk-o.

1 Korintus 16:15

Eke at Stefanus omini epmano inim inobabut fanowon etna hiniluk-o. It epmano o Akhayaen bilin At Allah wene warusareg, it Allah udakion epmano fanoroho inaso wereg-o, nomini.

Kisah Para Rasul 15:31

Og isaruk apagma, wane suruk wilil, wene holal embebahon etno haruk apareg, wene ari anggin elehon fanowon etno-at yig nisehesa-o, ulug inahien hebag.

Kisah Para Rasul 15:2

alem ari fam it aphe epmanowen Paulus Barnabas inim winimug aptuk apagma, it ninen uruk wilil, “It Paulus Barnabas etano o Antiokhia ap nin inim alem ari fam it mondep isebahon epmano hinog og inabukag ulug o Yerusalem lawag-o,” ulug it Allah wene warukon epmanowen lahap isaruk apagma,

Kisah Para Rasul 13:42

Yig isaruk apagma, it Paulus, Barnabas o Allah wene uruk ambeg etnowen wilip atuk apagma, it aphe epmano yig isaruk wilil, “Wene ari sembahyang fobik uhukon etno fam inim dahagsoho yig nisahup-o,” ulug yig isebag.

Kisah Para Rasul 8:8

Inilanggen haruk apareg, it Samaria aphe epmano inahien anggolo hebag.

Matius 25:46

Ariroho yig isaruk aruhukmu, it epmano o hondok olokma initog mondog welam ambeg epmano-at lahup-o. Eke it inobabut fanowon epmano hag, o fanoma iniluk mondog welamuhup ambeg epmano-at lahup-o,” ulug yig isebag.

Kisah Para Rasul 13:12

Ariroho laruk apagma, at inowe Sergius Paulus etno ilanggen haruk apareg, wi ulug fog suruk wilil, Allah wene etno eberoko waruk apag.

Roma 8:28

Eke it At Allah obam inindi hunduhuk werehon epmano it ninen yi angge di angge dahon inobam umburuk-at oke, At Allahen fano inabiog ulug-at suruk-o. Eke it Allah udaki ari, At Allahen ahla buruk apareg-at wol isebag-o.

Efesus 1:5

Eke At Allah indi hunduhuken heako ninombisahabareg, At Yesus Kristus inuk fam At udaki inim welamon heako ninombisahiog ulug fuloko ninombisahabag-o. Ariroho fuloko ninombisahabag ari, At ahien haruk wilil, At akeleg-at ahla buruk apareg, fuloko ninombisahabag-o.

Efesus 1:11

Eke At Allahen yi angge di angge ariroho seg aruhu ulug ahla bebahon etno ilitoho-at seg aruhu-o. Eke At Allah bilin ahla buruk apareg, ariroho suhuk ulug ahla buruk wilil, it inebe dia Inowe At Kristus welaruhu-o, ulug At Allah udaki welamag ulug Aren fuloko ninombisahabag-o.