Kisah Para Rasul 13:47 - Allah Wene Hurumbik Keron

⁴⁷ Ariroho sukon etno At Ninoweyen yig nisaruk wilil, ‘It aphe Allah wene inapelehon epmano eral fisag inabuhuben ulug minduhup hisaharikik-o.’ Eke nin, ‘It aphe o kweanma werehon obog inili wawon wene etno yig isawag ulug lahap hisaharikik-o,’ ulug At Yesusen yig nisebahon wene etno yig hisaruk ahe-o,” ulug yig isaruk apagma,

Kisah Para Rasul 13:47 ပူးပေါင်းရင်းမြစ်များ

Matius 28:19

Ariroho minduhup naharisireg fam, hit hag it yi aphe di aphe o ahik ya da epmano wene yanggul isil laruk amuhupseg, hiren An Nikni inuk fam, eke An At Amloho ninuk fam, eke At Roh Kudus etno inuk fam inebe ikma belap iseheg,

Markus 16:15

Winimug yig isaruk apareg, eke fobik yig isaruk wilil, “Hit o kweanma o ahik ya da epmano laruk amuhupseg, it yi aphe di aphe epmano obog-at wene fano wene etno yig isil nuruk amuk-o.

Lukas 2:32

Eke ap selemon halug, o yangguk du fam iniluk aruhu-o. Eke it Hat hudaki Israel ap halug, ininuk suon aruhu-o,”

Lukas 24:47

Minduhupfuruk aruhumu, At inuk fam it apheyen dag surukon epmano sohorep isalug, inobam inapelegsoho imbisawon wene etno it Yerusalem aphe bilin yig iseheg, eke it aphe o kweanma inungguluag obog werehon epmano fobik yig iseheg suruk amuhup-o, ulug nahurumbik bilin embebahon epmano yig hisihi-o.

Kisah Para Rasul 1:8

Hinapelegsoho weregma, Roh Kudus oag werehon etno hinobam belabik waruhumu, hit An nawene-at yig isil nuruk amuhup-o. O Yerusalem, Yudea, Samaria inim, o kweanma obog yig isil nuruk amuhup-o,” ulug yig isebag.

Kisah Para Rasul 22:21

eke Aren yig nituk wilil, ‘Hat hebe it aphe Allah wene waruk elehon epmano inambeg lahap hahakireg fam, kidia lag-o,’ ulug At Allahen yig nitukmu holtikik-o,” ulug at Paulusen yig isarisi.

Kisah Para Rasul 26:23

‘At Kristus obam dahon etno umbulug watuk amuhupmu, At Ninowe manggia etno it aphe warehon wereg ambehen iluksoho minatlug, it Yahudi ap inim, eke it Allah wene inapelehon inim obog-at ninili wawon wene etno yig isaruk aruhu-o,’ ulug hurumbik ebahon etno yig hisaruk ahi-o,” ulug at Paulusen yig isarisi. At Paulusen wene ariroho yig isaruk atisimu,

Kisah Para Rasul 9:15

At Allah etnowen yig ituk wilil, “Eleg-o, aren An ninuk etno it nawene waruk elehon inim, it ap suon suon inim, eke it Yahudi ap inim yig isaruk amag ulug heako imbirikik-o.