Kisah Para Rasul 13:46 - Allah Wene Hurumbik Keron

⁴⁶ Enggali watuk apagma, it Paulus Barnabas etanowen inakol elegsoho yig isaruk wilil, “At Allah awene etno bilin hit-at yig hisuog ulug welahe-o. Ariroho yig hisuog ulug welahe oke, eke hiren ninambit-o ulug uruk wilil, hinili wawon etno sohorep isehepseg fam, niren hit yig hisao sohorep hisahalug, it Allah wene inapelehon epmano-at yig isa lahuk-o.

Kisah Para Rasul 13:46 ပူးပေါင်းရင်းမြစ်များ

Matius 10:6

It Israel aphe wam domba nuk atuson epma­no-at heag inabil aliek-o.

Matius 21:41

it etnowen yig ituk wilil, “At ebe waharuk aruhureg, it ap dag sebahon etno warep isaruk aruhureg, eke it nin fobik anggur onggo bal imuhubon etnowen-at yabuk aso welamag ulug heako imbisahureg, ohop isahu-o,” ulug yig epag.

Matius 21:43

Ari halug, An wene misig yig hisamin-o. Hit At Allah wereg ambeg kukon etno og hiselebon oke, suhuluk holahu-o. Holaruk aruhureg, it aphe anggen fano yihikubon etno hag og isahu-o.

Matius 25:46

Ariroho yig isaruk aruhukmu, it epmano o hondok olokma initog mondog welam ambeg epmano-at lahup-o. Eke it inobabut fanowon epmano hag, o fanoma iniluk mondog welamuhup ambeg epmano-at lahup-o,” ulug yig isebag.

Lukas 24:47

Minduhupfuruk aruhumu, At inuk fam it apheyen dag surukon epmano sohorep isalug, inobam inapelegsoho imbisawon wene etno it Yerusalem aphe bilin yig iseheg, eke it aphe o kweanma inungguluag obog werehon epmano fobik yig iseheg suruk amuhup-o, ulug nahurumbik bilin embebahon epmano yig hisihi-o.

Yohanes 1:11

Inahla beheg eleg weregma, At ibam endag apag ambeg epmano yig isa lebahon oke, it aphe At ibam welapahon epmanowen At obam ebetuk apag fug-o.

Yohanes 4:22

Eke hit Samaria aphe epmano at du obam sembahyang uruk ahe ulug hinapeleg oke, nit Yahudi ap epmano hag ninili wawon etno unde neken welahe etno fam, at du obam sembahyang uruk ahe ulug niniluk-o.

Kisah Para Rasul 13:14

Laruk apagma, eke it nin epmano o Perga epmanowen o Antiokhia Pisidia etno wapag. Waharuk apareg, o hari Sabat fam it o Allah wene uruk ambeg etno kuruk apareg, horie ebag.

Kisah Para Rasul 13:26

Ariroho yig isebag etno hag, eke kidia yig hisaruk ahi-o. Eke hit nomini Abraham etamuki inim, eke hit o duma Allah wene waruk ahebon inim obog-at yig hisamin-o. Wene ninili wawon etno nit-at yig nisaruk-o.

Kisah Para Rasul 13:5

Kuruk apareg, eke fobik o Salamis etno wapag. Waharuk apareg, it Yahudi ap wereg ambeg epmano at Yohanes Markus etno inim Allah wene yig isebag.

Kisah Para Rasul 19:9

Ariroho surukmu, it nin inindi arikon epmano wene weheg eleg wilil, At Yesusen sebahon epmano it aphe obog inil fam seberoho embeheg suruk atusama, at Paulus etno it sohorep isaruk atisireg, it omini epmano og inaplug at Tiranusen sekolah yanggul isaruk ambeg etnowen nintul nantul inim uruk atusa.

Kisah Para Rasul 22:21

eke Aren yig nituk wilil, ‘Hat hebe it aphe Allah wene waruk elehon epmano inambeg lahap hahakireg fam, kidia lag-o,’ ulug At Allahen yig nitukmu holtikik-o,” ulug at Paulusen yig isarisi.

Kisah Para Rasul 26:20

Demat ulug nindimu ebetuk atikikseg, bilin o Damsyik inim, o Yerusalem inim, eke fobik o Yudea obog inim, eke it o ahik ya da Allah wene inapeleg ambeg inim obog-at yig isil nuruk wilil, hit dag suruk atikibon epmano sohorep isalug, hinindi weregsoho At Allah inuk waruk wilil, nit demat wene waruk ahe ulug hiniluk amagsoho fanowon etno-at suruk amuk-o, ulug yig isil nuruk atikik.

Kisah Para Rasul 28:28

ulug at Paulusen yig isaruk wilil, “Ari halug, At Allahen ninili wawon wene etno it Allah wene inapelehon epmanowen demat ulug eberoko wawag ulug yig isaruk wereg-o,” ulug yig isaruk atisimu,

Kisah Para Rasul 3:26

At Amloho iluksoho minduhupfirisimu, bilin hit obog yi dag di dag suruk atikibon epmano sohorep isalug fano hinabukag ulug belap hisa waharisi-o,” ulug at Petrusen yig isaruk apag.

Kisah Para Rasul 4:13

it Yahudi ap inowesi epmanowen uruk wilil, it Petrus Yohanes du sekolah inapelehon-at oke, inakol elegsoho yig nisaruk du bilin At Yesus omini-at welatusa-o, ulug inahla burukmu,

Kisah Para Rasul 7:51

Hiniluk heheg oke, urunanggeroho suruk ahep-o. Eke hit ariroho suruk ahep ari, it Allah wene waruk elehonen suruk epmano hag suruk ahep-o. Ariroho suruk wilil, Allah wene etno hinindimu ebetuk eleg wilil, it hinetamukien bilin Roh Kudus sebe suruk apag etno hag, suruk ahep hisihi-o.

Kisah Para Rasul 9:20

it o Allah wene uruk ambeg epmano kuruk apareg, At Yesus awene etno yig isebag. Yig isaruk wilil, “At Yesus etno Allah Amloho at-o,” ulug yig isebag.

Roma 1:16

Eke At Allahen oag weregsoho inili wawon wene etno it Yahudi aben bilin eberoko weheg, eke it aphe Allah wene inapeleg welatuson epmanowen fobik eberoko waruk isalug, inili wahu etno fam, At Kristus awene fanowon etno nenggali elegsoho wilil yig isaruk ahi-o.

Roma 2:10

Ek it obog fano surukon epmano, At Allahen akeleg neken fuloko imbisalug, heahi waroko dambuk inaptuk aruhu ari, it Yahudi ap inim, eke it bilin Allah wene inapeleg welatuson epmano inim obog-at dambul inaptuk aruhu-o.

Filipi 1:14

Eke an nebe hele wareg welahi etno fam, it ninomini At Allah obam ebetuk atusareg, inahla bugsoho wilil, inakol elegsoho-at wene yig isil nuruk-o.

Ibrani 11:34

eke hondoken iniog ulug suruk halug, nangguksepfeheg, eke it aphe ninen karog fam bal inabuog ulug suruk isalug, inili holeheg, eke inebe inoag elehon-at oke, inoag wereg aheg, eke wim aptuk wilil, inoag weregsoho abeheg, eke ap inim wim aptukon epmanowen inusuog ulug waharuk isalug muko wilip iseheg suruk apag-o.