Kisah Para Rasul 13:43 - Allah Wene Hurumbik Keron

⁴³ Yig isaruk apareg, it aphe nin wilip atuk iseheg, it nin Yahudi ap inim, eke it Yahudi aben wene yig isarukmu, warukon epmano inim, it Paulus Barnabas inombolim lebag. Laruk apagma, it mondep isebahon epmanowen yig isaruk wilil, “At Allah hinabua hisarukon awene etno eberoko waruk amiek-o,” ulug inesanggo wapag.

Kisah Para Rasul 13:43 ပူးပေါင်းရင်းမြစ်များ

Matius 23:15

Eke hit wene unde epmano inim, eke hit Farisi ap epmano inim hinenggal-at uruk ahep du hinabua-o. Eke at ap misihen nit Yahudi ap ninawene etno wawag ulug so fam ik laut ikma laheg, eke o ahik ya da laheg suruk ahebon ari, fobik arat waruk halug, hit o dagma lahubon epmanowen at ebe o dagma lawag ulug dag surukon etno-at yanggul ituk ahep-o.

Kisah Para Rasul 11:23

Laruk apareg, At Allahen aphe duma ahien arat inobam imbisi, ulug ahla buruk apareg, yig isaruk wilil, “Hit hinindi At Ninowe Yesus obam ebetuk wilil, hinim hinindi hunduhuk welamiek-o,” ulug yig isebag.

Kisah Para Rasul 13:50

Su atuk apagma, it Yahudi aben it hweap suon Yahudi wene warukon epmano inim, eke it o epma inowesi suon inim yig isaruk wilil, “It Paulus Barnabas du war inabiek-o,” ulug yig isaruk apagma, it epmanowen Paulus Barnabas muko wilip isebag.

Kisah Para Rasul 14:22

Laruk apareg, it aphe o epma Allah wene warukon epmano inesanggo watuk wilil, “Hit At Allah weregma kuhuben yi wene di wene dahon epmano hinobam umburuk iseheg, At Yesusen wene ebahon epmano fanoroho eberoko waruk amuk-o,” ulug yanggul isaruk apareg,

Kisah Para Rasul 14:3

Inindi kahaltuk apagma, it mondep isebahon epmano o epma ininggik anggolo inim wilil, At Yesus wene etno inakol elegsoho yig isebag. Yig isaruk iseheg, At Yesus etnowen iren urukon demat inahla bukag ulug inoag weregsoho imbisaruk apagma, elalintoho sukfugangge suruk apag.

Kisah Para Rasul 16:14

Ninim wene urukukon etno at misig inuk Lidia, ibam Tiatiraon etno at ebe sum huluon fanowon at ambeg onggo baltukon welatisi. Eke at hwe etno Allah wene warukon oke, At Allahen fikfag esanggo warepfirisimu, at Paulusen irision etno indimu eberoko warisi.

Kisah Para Rasul 17:17

Ambit atuk atisireg, it Yahudi ap o Allah wene uruk ambeg etno kuruk atisireg, it Yahudi ap inim, it Allah wene warukon nin inim, it onggo hundutuk ambeg nintul nantul waharuk atuson epmano inim wene yig isarukmu, iren onggo yig ereheg suruk atusa.

Kisah Para Rasul 17:34

Wilip atuk atisimu, it ap ninen wene eberoko waruk atusareg, inim larusa. Inim laruson epmano, misig inuk Dionisius o Areopagus wene urukon etno inim, eke misig hwe inuk Damaris etno inim eke it nin inim larusa.

Kisah Para Rasul 17:4

Yig isaruk atisimu, it nin wene etno waruk atusareg, it Paulus Silas inim welatusa. Eke it Yunani ap Allah wene warukon inim, eke it inowesi anggolo inim wene etno ariroho waruk atusareg inim welatusa.

Kisah Para Rasul 18:7

sohorep isalug, at ap selemon Allah wene warukon inuk Titius Yustus etno ibam welatisi. At Titius Yustus etno ibam it Yahudi ap o Allah wene uruk ambeg femag fil weregma, inim welatusa.

Kisah Para Rasul 2:10

eke Frigia ap inim, eke Pamfilia ap inim, eke Mesir ap inim, eke horog Kirene o Libia ap inim, eke nit Romaen waharukukon inim,

Kisah Para Rasul 28:23

Yig ituk atusama, o ari sambit wene uhuk, ulug at Paulus inim uruk atusareg, it inebe obog at Paulus wereg ambeg wonggalik waharusa. Wonggalik waharuk atusama, at Paulusen Allah weregma sukon wene etno ilikia hubet yig isarisi. Yig isaruk mondog weregma, o hupmu atisi. Eke o ari fam yanggul isaruk wilil, at Musaen ebahon etno yig iseheg, eke it nabien wene holal embebahon epmano yig iseheg suruk wilil, At Yesus ari Kristus at-o ulug iren eberoko wawag ulug yig isarisi.

Kisah Para Rasul 6:5

Ulug it mondep isebahon epmanowen yig isaruk apagma, it obohen, “Ari fano ehep-o,” ulug yig isaruk apareg, ap inebe sabiren angge heako imbisebag. It heako imbisebahon epmano ininuk misig at Stefanus Roh Kudus indimu kuruk apagma, Allah wene fanoroho webahon etno inim, eke misig inuk Filipus etno inim, eke misig inuk Prokhorus etno inim, eke misig inuk Nikanor etno inim, eke misig inuk Timon etno inim, eke misig inuk Barmenas etno inim, eke misig inuk Nikolaus o Antiokhia epmen Allah wene apeleg neken wilil, fobik it Yahudi aben wene urukmu webahon etno inim, heako imbisebag.

Roma 11:6

Ariroho fuloko imbisarisi ari, iren suruson epmano fam fuloko imbisarisi fug-o. We Aren inabua suruk apag etno fam fuloko imbisarisi-o. Eke it apheyen surukon epmano fam At Allahen fuloko imbiselepmen, Aren inabua isarukon we hai neken-at inabua iselep-o.

Roma 3:24

Eke ariroho wereg iseheg, At Allahen inabua isaruk wilil, iren onggo umbulug eleg-at At Kristus Yesus etnowen inili webareg fam, At Allahen alem dahon inobam werehon epmano elehepfuruk-o.

Roma 5:2

Eke ariroho At obam ebetuk atukukseg fam, At Allahen ninabua nisawag ulug og ninaplug waharisi-o. Ariroho og ninaplug waharisireg fam, kidia At Allahen ninabua nisaruk heheg minduhuk neken welahe-o. Ariroho wilil, At Allah ninim suon neken welamuhuk-o ulug ninahientoho ninahla buruk ahe-o.

Roma 5:21

Eke ari halug, alem dag surukon etnowen alem waratukon oag werehepfebag etno hag, alem At Allahen ninabua nisarukon etnowen alem dahon ninobam weregma elehepfukon etno oag werehepfuruk-o. Eke ariroho alem dahon ninobam weregma elehep nisaharisireg, At Yesus Kristus inuk fam ninitog mondog niniluk welamon etno-at og nisaruk-o.

2 Korintus 5:11

Eke At Ninowe ebe ninakoltoho welamon etno niniluk halug, it aphe obog At obam ebebukag ulug yig isaruk ahe-o. Eke At Allahen ninebe obog-at iluk wereg etno hag, hiren nit ninobabut surukon epmano hiniluk wereg ulug nahla buruk ahi-o.

2 Korintus 6:1

Eke At Allah ninim eyabuk suruk aheon epmanowen yig hisaruk ahe-o, “Eke hit At Allahen hinabua hisarisimu, At obam eberoko warikibon ari werlek-at warukuk ulug ehep ha nowen,” ulug yig hisehe-o.

Galatia 5:1

Nit ninebe seberoho neken welamon etno sohorep isalug, arat ninili ohowon welahe-o. Eke At Kristusen ninili warisi-o. Eke ari halug, ap inili ohowon neken minduhuk welamuk-o. Ariroho wilil, nin fobik inim seberep hisahuk nowen ulug yaharoho welamuk-o.

Galatia 5:4

Eke hit ninen it Yahudi aben wene duroho suruk amuk eke duroho suruk am fug ulug ebahon etno ilitoho suruk wilil, At Allahen alem dahon hinobam werehon epmano elehepfukag ulug suruk ahebon halug, At Kristus hinim healsaruk ahep-o. Ariroho suruk ahep ari, At Allahen hinabua hisawon etno elegsoho imbisaruk ahep-o.

Efesus 2:8

Eke At Allahen hinabua hisebareg fam hit demat ulug eberoko warukmu hinili warisi-o. Eke hit fano suruk hisalug, hinili warisi fug-o. We yuhun-at hinili warukon etno og hisarisi-o.

Filipi 3:16

Ariroho yanggul hisahuon oke, eke bilin Allah wene etno fam motoho larukuk etno hag, fobik ilitoho-at lahuk ari fano at-o, nomini.

Filipi 4:1

Hit nomini nindi hunduhukon wai. Hit bik hisa wamon nahla buruk wilil, nahien hisaruk ahi-o. Eke hit hag Allah wene yig hisarikikon etno eberoko warikip-o, nomini. Eke At Ninowe awene etno waruk wilil, ariroho suk ulug yig hisihion etno ilitoho suruk wilil hinoag weregsoho suruk amuk-o.

Kolose 1:23

Eke wene fano wene etno waruk wilil, yahuk korlag suruk eleg hisalug, fobik fano hinabuhuon etno og hisahu, ulug hurumbik etno yig hisarusa. Eke an Paulus wene fano wene etno anggimbu neken wilil, yig isil larikik-o. Eke it ninen o ahik ya da yig isil laruk-o.

Kolose 1:28

Ari fam, At Kristus inuk etno aphe obog-at yig isaruk ahe-o. Eke At Kristus etnowen aphe obog fano inaptuk amag ulug inesanggo wareheg, eke wene yanggul iseheg suruk ahi-o.

Titus 2:11

At Allah indi hunduhuken og nisebahon etno it yi aphe di aphe inili wawag ulug selegma apag-o.

Ibrani 12:15

Eke hit obog At Allahen hinabua hisaruk heheg, at misig nambit ulug wilip am nowen hit hit hinesanggo war war uruk amuk-o. Eke hit e bim engga fag halug olok haruk ahep etno hag, at hinomin misig indi minduhukon halug, hit obog hinindi olok am nowen hit hit hinindi ayeg war war uruk amuk-o.

Ibrani 13:9

Eke it ap ninen wene urunanggeroho dahan fahan yig hiseheg mug inaplug la fug-o. At Allahen ninabua nisarukon wene etno hag hinindi oag werehep hisahuk ari fano-o. Eke At wene yi angge di angge nao usa-o, ulug urukon etnowen aphe inindi fano inaptuk eleg-o. Ariroho suruk eleg ari fam, aren hit hinindi oag werehep hisahuk ari hai-o.

1 Petrus 5:12

Eke holal og hisihi ari, at nomin Allah inuk warukon Silwanus etno ninimen embehe-o. Hinindi oag wereg amag ulug yig hisaruk wilil, At Allahen ninabua nisaruk halug, hinoag werehep hisaruk aruhu-o. Eke ari halug, hit kidia hinoag weregsoho welamiek-o.

2 Petrus 3:14

Ari halug nomini-o, At waruhuon etno aso wilil suruk aheon etno At Allahen ilanggen nisalug ninaren baltuk weregma, hit hinobabut fanoroho suruk wilil, hinim dambulig welamiek-o.

1 Yohanes 2:28

At Yesus-at inim welam fano. Eke At fobik waruhumu, ninenggali elegsoho unda yatuk wilil, Ninowe-o, ulug heahi wabuhuk-o.

2 Yohanes 1:9

Ap misihen At Kristus yanggul nisebahon etno sohorep isalug, obam seberoho yig nisaruk halug, At Allah inuk apeleg wilil yig nisaruk-o. At Kristusen yanggul nisebahon etno-at yig nisaruk halug, At Allah Amloho etno inim indi hunduhuk wereg-o.