Kisah Para Rasul 13:38 - Allah Wene Hurumbik Keron

^38-39 Ari halug, nomini-o, hit dag suruk atikibon sohorep isawon wene etno At Yesus inuk fam hit obog-at yig hisaruk ahi-o. Eke at Musaen wene duroho suruk amuk eke duroho suruk am fug ulug ebahon etno hinesanggo holtuk wilil, dag-at surukmu, kidia hit obog Yesus inuk eberoko waruk hisalug, hiren dag suruk atikibon epmano sohorep isalug apma hinombisaharuk-o.

Kisah Para Rasul 13:38 ပူးပေါင်းရင်းမြစ်များ

Matius 1:21

Eke udag ebe endetuk halug, inuk Yesus-at soaluhun-o. Eke it apheyen dag surukon elegsoho apma imbisalug inili wahu halug, inuk ari-at soaluhun-o.

Lukas 24:47

Minduhupfuruk aruhumu, At inuk fam it apheyen dag surukon epmano sohorep isalug, inobam inapelegsoho imbisawon wene etno it Yerusalem aphe bilin yig iseheg, eke it aphe o kweanma inungguluag obog werehon epmano fobik yig iseheg suruk amuhup-o, ulug nahurumbik bilin embebahon epmano yig hisihi-o.

Yohanes 1:29

Ikma belap isebareg, noholug ilikia at Yohanesen Yesus etno at ambeg waharukmu ilanggen haruk apareg, yig isaruk wilil, “Nit aphe o kweanma duma dag suruk nisalug, ninobam ninapelegsoho apma ninombisahukag ulug At Allahen anggom domba neken og nisarision etno ebe du at-o.

Kisah Para Rasul 10:43

Ariroho yig nisarision etno it ap nabi epmanowen bilin At ahurumbik yig isaruk wilil, ‘It yi aphe di aphe At inuk eberoko waruk isalug, iren dag suruk atuson epmano inobam inapelegsoho At inuk fam apma imbisahu-o,’ ulug bilin it nabien ebahon epmano yig hisaruk ahi-o,” ulug at Petrusen yig isebag.

Kisah Para Rasul 2:14

Inahunda yatuk apagma, at Petrus etno omini inim minatuk apareg, une suon yig isaruk wilil, “Hit nomini Yahudi ap inim, eke hit o Yerusalem welahebon inim an wene yig hisaminen hinesanggo holiek-o.

Kisah Para Rasul 2:38

Yig isaruk apagma, at Petrus etnowen, “Hit hinakeleg hinakeleg dag suruk atikibon epmano sohorep isalihipmu, At Yesus Kristus inuk fam hinapelegsoho apma hinombisahukag ulug ikma belap hinabukag-o.

Kisah Para Rasul 28:28

ulug at Paulusen yig isaruk wilil, “Ari halug, At Allahen ninili wawon wene etno it Allah wene inapelehon epmanowen demat ulug eberoko wawag ulug yig isaruk wereg-o,” ulug yig isaruk atisimu,

Kisah Para Rasul 4:10

hit inim it Israel ap inim hit obog hiniluk amag ulug yig hisamin-o. At ap iog oag elehon fano atisireg wereg du, At Yesus Kristus Nazaret ap etno inuk fam oag weregsoho fano atisi-o. Eke At Yesus etno bilin hiren e fam lenggaloko watikibon oke, At Allahen it aphe warehon wereg ambeg epmanowen iluksoho minduhupfirisi-o.

Kisah Para Rasul 5:31

Minduhupfirisireg, At Allah inggik bikit fil imbik laharisi-o. Imbik laharisireg, At Yesus ap suon etnowen inili waruk wilil it Israel aphe inim iren dag surukon epmano sohorep isalug inapelegsoho apma imbiseheg suruk amag ulug imbik laharisi-o.

Efesus 1:7

Eke At Kristus etno amep deloko umbulug warapareg fam, nit hag ninili waruk wilil, dag suruk aheon epmano sohorep isalug, ninobam ninapelegsoho At apma ninombisaharuk-o.

Efesus 4:32

Dag surukon obog sohorep isalug, hit hit hinune fanoroho eheg, eke nabua habua seheg, eke At Allahen At Kristus inuk fam hiren dag suruk atikibon epmano hinapelegsoho apma hinombisaharisi etno hag, hiren dag suruk ahebon epmano at misihen at misig dag surukon etno obam apelegsoho sohorep isalug apma embeheg suruk amiek-o.

Kolose 1:14

At Amloho indi hunduhukon etno ninili wawag ulug og nisebareg fam, Aren nit dag suruk aheon epmano sohorep isalug ninapelegsoho apma seberoho imbisarisi-o.

Ibrani 8:6

Ariroho yig epahon oke, it ap kweanmon Allah unde epmanowen suruk ari, doron at-o. Eke At Yesus etno Allah unde suon wilil eyabuk akelehon-at suruk amag ulug minduhupfebag-o. Eke hurumbik amukon yig nisebahon ari doron at-o. Eke hurumbik keron etno hag, At Yesusen it aphe At Allah inim dambuksoho imbisebag etno fam, At Allahen yi angge di angge fanowon-at og hisahuk ulug abug yig nisarukon ari suon-at wereg-o.

Ibrani 9:22

Eke wene duroho suruk amuk eke duroho suruk am fug ulug ebahon etnowen yig nisaruk wilil, “Yi angge di angge amben inobam werehon epmano wam amep fam ho inaptuk-o. Eke it apheyen dag surukon epmano wam amep-at onggo umbukag-o,” ulug yig nisebag-o.

1 Yohanes 2:12

Nudaki-o, hit dag suruk ahebon epmano At Kristus inuk fam hinapelegsoho imbisarikip famen, anden holal du bal hisihi-o.