Kisah Para Rasul 13:32 - Allah Wene Hurumbik Keron

³² Eke nit hag wene fanowon etno hit-at yig hisuog ulug welahe-o. Eke bilin At Allahen it ninetamuki ariroho suhuk ulug hurumbik yig isebahon etno kidia nit inetamuki epmano ninake sirisi-o. Ariroho sirisi ari, At Yesus-at iluksoho minduhupfirisi-o.

Kisah Para Rasul 13:32 ပူးပေါင်းရင်းမြစ်များ

Lukas 1:19

eke at malaikat etnowen yig ituk wilil, “An ninuk Gabriel At Allah olohotma welahion etnowen wene fanowon wene du yig hemag ulug yonggo belap nabik waha-o.

Lukas 2:10

Inakol haruk apagma, at malaikat etnowen, “Hinakol ha fug-o. An wene fano wene ari aphe obog farim walug wahi-o. Inesanggo holuhupseg, inahien hahup-o.

Kisah Para Rasul 10:36

Eke At Yesus Kristus yi aphe di aphe obog Ninowe inuk suon etnowen yig nisarukmu, wene fano wene dambuk ninaptukon etno bilin it Israel aphe yig isa waharisi etno hit hiniluk-o.

Kisah Para Rasul 13:23

Uruk apareg, fobik at Daud etamu Yesus etno it Israel aphe inili wahu-o ulug hurumbik yig isebag.

Kisah Para Rasul 13:38

Ari halug, nomini-o, hit dag suruk atikibon sohorep isawon wene etno At Yesus inuk fam hit obog-at yig hisaruk ahi-o. Eke at Musaen wene duroho suruk amuk eke duroho suruk am fug ulug ebahon etno hinesanggo holtuk wilil, dag-at surukmu, kidia hit obog Yesus inuk eberoko waruk hisalug, hiren dag suruk atikibon epmano sohorep isalug apma hinombisaharuk-o.

Kisah Para Rasul 14:15

“Nit ninebe aphe-at oke, hit keroho ulug yi angge di angge uson epmano nininuksoho og nisuog ulug suruk ahep-o? Ariroho suruk ahebon oke, ebe uson etno hiren elegsoho umbukag ulug wene fano wene etno yig hisa wahe ari, At Allah iluk mondog werehon etnowen bohol inim, kwean inim, ik inim, eke yi angge di angge inim obog-at wal hebahon epmano inuk wahuben ulug yig hisa wahe-o.

Kisah Para Rasul 26:6

Ariroho waruk atikikon oke, eke kidia At Allahen bilin it ninetamuki hurumbik yig isebahon etno eberoko waruk atikikmu, inune dahon epmano nobam denggeltusa-o.

Kisah Para Rasul 3:19

Ariroho seg atision hiniluk wilil, hinindi wereg atuk amiek-o. Hiren dag suruk atikibon epmano sohorep isalug, At Allahen apma hinombisahukag ulug hiren seberepataruk amiek-o.

Kisah Para Rasul 5:42

Laruk ap nintul nantul o Allah ibam inim, it aphe inibam epmanowen Yesus Kristus awene fano wene etno yanggul isil nuruk apag.

Roma 1:2

Eke amuk it ap nabi epmano At Allahen yig isebahon etno urukmu, fobik wene fano wene etno yig hisahu-o, ulug hurumbik yig isarukmu, wene holal baltuk apag.

Roma 10:15

Eke it wene yig isil nuruk amag ulug mondep isaruk eleg halug, wene etno keroho yig isil nuruk amuhup-o? Eke ari halug, Alkitab etnowen yig nisaruk wilil, “It wene fano wene yig isil wamon etno inahientoho wereg-o,” ulug yig nisaruk-o.

Roma 4:13

Eke At Allahen hat Abraham hetamuki hinim o kweanma duma unde welamuhuben ulug og hisahuk-o, ulug abug yig epag etno, at Abrahamen wene duroho suruk amuk eke duroho suruk am fug ulug ebahon etno ilitoho surukmu yig epag fug-o. Eke at Abraham Allah obam ebetuk halug, inim dambulfag etno fam yig epag-o.

Roma 9:4

Eke it Israel ap ari At Allahen fuloko imbisebareg, At udaki welamag ulug endag inapag-o. Endag inaptuk wilil, inebe suontep iseheg, eke ninim welamuhuken ulug wene etno yig iseheg, eke wene duroho suruk amuk eke duroho suruk am fug ulug ebahon etno yig iseheg, eke hurumbik wene etno yig iseheg sebag-o.