Kisah Para Rasul 13:30 - Allah Wene Hurumbik Keron

³⁰ Kolapfuruson oke, eke At Allahen it aphe warehon wereg ambehen iluksoho minduhupfirisimu, it aphe o Galileaen Yerusalem waharuson inebe anggolo epmanowen ebe harusa-o.

Kisah Para Rasul 13:30 ပူးပေါင်းရင်းမြစ်များ

Matius 28:6

eke Aren bilin uruk atisi etno ilitoho-at ebe iluk atlug minaha-o. Ariroho minahareg fam, At ebe umburusa welatisi ambeg epmano eleg du hinilanggen halihiben maniek-o.

Yohanes 10:17

Eke An fobik niluk ariog ulug nahla buruk ahi etno fam, At An Nikni etnowen An nebe indi hunduhuk wereg-o.

Yohanes 2:19

At Yesusen yig isaruk wilil, “Hiren o Allah ibam du mialoko umburuk hisalug, Anden ninggik henahanam faluhuk-o,” ulug yig isebag.

Kisah Para Rasul 10:40

Warepfuruson oke, eke At Allahen inggik henahanam-at welatisireg fam nit At awene yig isil nuruk amag ulug, At Allahen heako ninombisaharision etno-at ninilanggen hawag ulug At Allahen it aphe warehon wereg ambeg epmanowen iluksoho munduhupfirisi-o.

Kisah Para Rasul 13:33

Eke misig Mazmur dua fam wene holal embebahon etno yig hisaruk ahi-o, ‘Eke o yoho Hat hebe An Hiknien endohop hahakireg fam, Hat hebe An Namloho-at welahen-o,’ ulug At Allahen Yesus farim ebag etno hiniluk-o.

Kisah Para Rasul 13:34

Eke misig At Allahen ebe filik am nowen ulug minduhupfiog ulug suruk wilil, hurumbik ebahon etno yig hisamin-o, ‘Eke An Allahen at Daud yi angge di angge fanowon og hiruhuk ulug abug yig itikikon epmano hat-at og hiruhuk-o,’ ulug At Allahen Yesus yig epahon etno hiniluk-o.

Kisah Para Rasul 13:37

Eke At Allahen iluksoho minduhupfirision etno ebe filik atuk elegma-at minduhupfirisi-o.

Kisah Para Rasul 17:31

Eke fobik ap misig aren fuloko og nisebahon etnowen nit kweanmon yi aphe di aphe obog-at fanoroho ninaren baltuk atlug ninombisahaku ulug hurumbik arat yig nisarisi-o. Ariroho yig nisarision etno demat ulug ninindi ebebukag ulug ap etno it warehon wereg ambehen iluksoho minduhupfirisi-o,” ulug yig isarisi.

Kisah Para Rasul 2:24

Ariroho watikibon oke, eke At Allahen it warehon wereg ambeg epmanowen iluksoho minduhupfirisi-o. Minduhupfirisi ari it warehon hinel watuk ambeg welam hai buruk atisireg, minduhupfirisi-o.

Kisah Para Rasul 2:32

At Allahen Yesus it aphe warehon wereg ambeg epmanowen minduhupfirisi-o. Ariroho minduhupfirision etno niniluk wilil yig hisaruk ahe-o.

Kisah Para Rasul 3:13

Bilin At Allah inuk it ninetamuki Abraham, Ishak, Yakub iren webahon, At Allahen bilin it ninetamuki Abraham, Ishak, Yakub inabua isebag etno ilitoho kidia At Amloho Yesus etno inuk suontepfirisi-o. Suontepfirision oke, eke hiren At ebe wabukag ulug at Pilatus etno inggikmu imbirikip-o. Imbirikipmu, at Pilatusen ebe hele hibiloko imbisiek ulug yig hisarision oke, hiren At niron eleg-o ulug irikip-o.

Kisah Para Rasul 3:15

At ap fanowon niniluk ninaptukon etno-at watikip-o. Watikibon oke, eke At Allahen it aphe warehon wereg ambehen iluksoho minduhupfirision etno hiniluk amag ulug yig hisaruk ahi-o.

Kisah Para Rasul 3:26

At Amloho iluksoho minduhupfirisimu, bilin hit obog yi dag di dag suruk atikibon epmano sohorep isalug fano hinabukag ulug belap hisa waharisi-o,” ulug at Petrusen yig isaruk apag.

Kisah Para Rasul 4:10

hit inim it Israel ap inim hit obog hiniluk amag ulug yig hisamin-o. At ap iog oag elehon fano atisireg wereg du, At Yesus Kristus Nazaret ap etno inuk fam oag weregsoho fano atisi-o. Eke At Yesus etno bilin hiren e fam lenggaloko watikibon oke, At Allahen it aphe warehon wereg ambeg epmanowen iluksoho minduhupfirisi-o.

Ibrani 13:20

At Allahen Ninowe Yesus etno it aphe warehon wereg ambeg epmanowen iluksoho minduhupfebag-o. Eke At Yesus etno udaki inake warapag ari, it aphe At Allah inim fano dambuksoho welamon etno oag weregsoho embebag-o. Ariroho umburuk apareg, At ebe etno anggom domba inaso wilil, Inowe suon-at wereg-o.