Kisah Para Rasul 13:25 - Allah Wene Hurumbik Keron

²⁵ Yig isaruk apareg, at ebe horog eleg ariog ulug suruk wilil yig isebag, ‘Hit an nebe sa buruk ahep-o? At aso welahebon etno an eleg-o. Eke At waruhuon etno hinilanggen welamiek-o. At ebe an nombolim fobik waruhuon ari, anden iog eset etno hele homahowon etno hibiluk hai-o. An At apma-at welahi-o,’ ulug at Yohanesen Yesus farim yig isebag.

Kisah Para Rasul 13:25 ပူးပေါင်းရင်းမြစ်များ

Matius 3:11

Eke anden hinindi wereg amag ulug ikma belap hinaptuk ahion oke, eke At an nombolim waruhuon etno, At suon an doron ulug iog eset Aren angge walug lao ari an nakol-o. At etno­wen Roh Kudus og hisaruk wilil, hondok ambulpul neken hinobam belabik waruhu-o.

Markus 1:7

Eke at etnowen it aphe epmano inindi kahaloko yig isaruk wilil, “An nebe udag doron-at welahi-o. Eke At ap suon etno hag an nombolim fobik waharuon etno an iog ahul hele homahowon kunuk ulug hibiluk ari an nakol-o.

Yohanes 1:29

Ikma belap isebareg, noholug ilikia at Yohanesen Yesus etno at ambeg waharukmu ilanggen haruk apareg, yig isaruk wilil, “Nit aphe o kweanma duma dag suruk nisalug, ninobam ninapelegsoho apma ninombisahukag ulug At Allahen anggom domba neken og nisarision etno ebe du at-o.

Yohanes 1:34

Nilanggen hihireg, anden ap du Allah Amloho demat-o ulug yig hisaruk ahi-o,” ulug at Yohanes etnowen yig isebag.

Yohanes 1:36

At Yesus larukmu ilanggen haruk apareg, yig isaruk wilil, “At Allahen anggom domba udag og nisarision du hinilanggen himiek-o,” ulug yig isaruk apagma,

Yohanes 4:34

eke At Yesusen yig isaruk wilil, “An ebe naruk ahion ari, At lahap nabik waharision etnowen ahla burukon etno ilitoho seheg, eke An yabuk suruk amag ulug og nitision etno arat seheg suruk ahi ari fam, naharom neken nalug welahi-o,” ulug yig isebag.

Yohanes 7:18

Eke at ap misig onggareg ahla burukon etno-at yig isaruk ari, at ebe-at suontepatiog ulug suruk-o. Eke ap misig at lahap nabik waharision etno inuk-at suontepfukag ulug ahla buruk wilil surukon ari, indi seberoho wereg etno fam, enggal wene yig isaruk eleg-o.

Kisah Para Rasul 19:4

Yig ituk atusama, at Paulusen yig isaruk wilil, “At Yohanesen bilin it aphe ikma belap inapag etno, it aphe iren dag surukon epmano sohorep iseheg inindi demat ebetukon hag fuloko ikma belap inaptuk apag-o. Eke at Yohanesen yig isaruk wilil, ‘Ap suon etno an nombolim waruhureg fam, inuk eberoko waruk amuhup-o,’ ulug at Yohanesen yig isebag etno hag, At Yesus inuk-at eberoko waruk amuk-o,” ulug at Paulusen yig isarisi.

Kisah Para Rasul 20:24

Ariroho yig nitisimu, an nebe niluk wilil, nili holao ulug yig hisaruk ahi fug-o. Eke At Ninikni Allahen ninabua nisarukon wene fano wene etno it aphe obog yig isawag ulug At Ninowe Yesusen an nebe etno minduhup naharisi-o. Ariroho yig nitisi famen an neyabuk og nitision etno-at suhuk ulug nahla buruk ahi-o.

2 Korintus 4:5

Eke nit hag nit ninobam-at ebetuk amuk ulug yig isaruk eleg wilil, At Ninowe Yesus Kristus-at obam ebetuk amuk ulug yig isaruk ahe-o. Eke nit ninebe ari At Yesus inuk fam hit hinanggimbu neken-at welahe-o, ulug yig isaruk ahe-o.

2 Timotius 4:7

Eke it aben onggo huluog ulug buahen laruk etno hag, an nebe wene demat urukon etno nintul nantul eberoko waruk wilil, neyabuk og nitision etno obog-at suruk atikikseg, kidia onggo fanowon etno huliog ulug suruk ahi-o.

Wahyu 11:7

Minduhup isarisimu, eke iren At Allahen hurumbik suhuon etno aphe obog yig isarusa-o. Yig isaruk atusa­ma, eke fobik kwean kahaleg ambeg epmanowen walo etno lahik waharisireg, inim wim aptusa-o. Inim wim aptuk atusama, at walo etnowen war inaptisi-o.