Kisah Para Rasul 13:2 - Allah Wene Hurumbik Keron

² It obog dambuksoho wilil, orom nenggeg eleg Allah yabuk-at surukmu, At Roh Kudus etnowen yig isaruk wilil, “It Barnabas, Saulus yabuk Anden yanggul isarikikon epmano sukag ulug fuloko minduhup isiek-o,” ulug yig isaruk apagma,

Kisah Para Rasul 13:2 ပူးပေါင်းရင်းမြစ်များ

Matius 17:21

Eke setan suon etno wilipfuog ulug suruk hisalug, orom nenggeg eleg wilil, sembahyang nintul nantul uruk amiek-o. Yi angge di angge werlekon sukon epmano fam setan suon etno wilipfuk ari hai-o,” ulug yig isebag.

Matius 6:16

At Yesusen yig isaruk wilil, “Hit orom nenggeg eleg wilil bok welamuog ulug suruk ahep ari, it nin inindi inenggal neken werehon epmanowen suruk hag hit suk fug-o. It epmano orom nenggeg eleg wilil, bok welamuog ulug suruk ari, apheyen ini­langgen nisawag ulug inolohore dag atuk-o. Ari halug, onggo fanowon etno fobik og isahu fug-o, ulug An demat yig hisaruk ahi-o.

Matius 9:38

At orom yabuk unde wereg etnowen ap orom yabuk surukon obam seberoho og hisawag ulug kino yig imuk-o,” ulug At Yesusen omini epmano yig isebag.

Lukas 10:1

Eke fobik At Ninowe etnowen ap inebe tujuh puluh dua fuloko imbisaruk apareg, inebe biren biren dombog heheg, o At lao ambeg epmano it bilin laruk amag ulug lahap isiog ulug yig isaruk wilil,

Lukas 2:37

Welapareg, fobik ahun etno waratuk apagma, suhwe wilil, delapan puluh empat tahun welapareg, arat sabal apag. Sabal atuk apareg wilil, o At Allah ibam etno sohorep isalug wilip aheg eleg nintul nantul orom nenggeg eleg, sembahyang-at uruk wilil, Allah inuk-at suontepfebag.

Kisah Para Rasul 10:19

at Petrus etno an ebe belabik waharukmu hihi etno keroho yig nerehek, ulug indi ebetukmu, At Roh Kudus etnowen yig ituk wilil, “Kidia it ap henahan etno hat heag habil wahesa-o.

Kisah Para Rasul 10:30

Yig isaruk apagma, at Kornelius etnowen yig ituk wilil, “An nibamen o uwa etno hupmu jam tiga fam sembahyang uruk atikikseg weregma, ap misig asum huluon yihikon etno nolohotma binagsoho waharisireg,

Kisah Para Rasul 13:3

it etano orom nenggeg eleg wilil, inungguluag ininggik senoko sembahyang uruk apareg, lahap isebag.

Kisah Para Rasul 13:4

It Barnabas Saulus etano At Roh Kudusen lahap isaruk apagma, o Seleukia etno ambik waharuk apareg, epmanowen so fam o ik anggenma misig inuk Siprus etno kebag.

Kisah Para Rasul 14:26

Laruk apareg, it etno ikma so fam o Antiokhia etno lebag. Ari, it bilin o epmen Allah wene yig isil lawag ulug inake sembahyang uruk apareg lahap isebag etno fam iniog suhuluk lebag.

Kisah Para Rasul 20:28

Eke hinonggarehen hinindi aso welahep etno hag, At Roh Kudusen aphe inaso welamag ulug minduhup hisaharision etno aphe inaso fanoroho welamuk-o. At Allah Amloho waratisi etno fam At udaki heako imbisarision epmano inaso fanoroho welamuk-o.

Kisah Para Rasul 22:21

eke Aren yig nituk wilil, ‘Hat hebe it aphe Allah wene waruk elehon epmano inambeg lahap hahakireg fam, kidia lag-o,’ ulug At Allahen yig nitukmu holtikik-o,” ulug at Paulusen yig isarisi.

Kisah Para Rasul 4:36

It ninen og isa lebag etno hag, at ap misig inuk Yusuf, ungguluag Lewi, ibam o Siprus epmen endag apahon etno waharuk apagma, it mondep isebahon epmanowen ninindi fano ninaptukon ulug inuk Barnabas soalfag.

Kisah Para Rasul 6:4

Minduhup isaruk amulteg, niren it aphe wene yig iseheg, sembahyang eheg suruk amuhuk-o.”

Kisah Para Rasul 8:29

Wane suruk weregma, At Roh Kudus etnowen Filipus etno yig ituk wilil, “Kereta ari kwalema salkal uruk apmihinteg, hinim wene baltihip-o,” ulug yig epareg fam,

Kisah Para Rasul 9:15

At Allah etnowen yig ituk wilil, “Eleg-o, aren An ninuk etno it nawene waruk elehon inim, it ap suon suon inim, eke it Yahudi ap inim yig isaruk amag ulug heako imbirikik-o.

Roma 1:1

An Paulus At Yesus Kristus anggimbu wilil, wene fano wene yig isil nuruk aruhunen ulug At Allahen wol naptisireg, minduhup naharisimu an wene du yig hisaruk ahi-o.

Roma 10:15

Eke it wene yig isil nuruk amag ulug mondep isaruk eleg halug, wene etno keroho yig isil nuruk amuhup-o? Eke ari halug, Alkitab etnowen yig nisaruk wilil, “It wene fano wene yig isil wamon etno inahientoho wereg-o,” ulug yig nisaruk-o.

Roma 15:16

it aphe bilin Allah wene inapeleg welatuson epmano yig isawag ulug At Yesus Kristus anggimbu neken minduhup naharisi-o. Ariroho minduhup naharisireg fam it aphe bilin wene inapeleg welatuson epmano anden Allah wene fanowon etno yig isaruk wilil, it epmano At Roh Kudusen inindi yabuk suruk halug, At Allah il fam inobabut fano amag ulug neyabuk suruk ahi ari, it ap Allah unde epmanowen bilin Allah ake fanoroho umburuk apag epmano hag suruk ahi-o.

1 Korintus 12:11

Eke yi angge di angge obog og nisarukon epmano ilitoho suruk amag ulug At Roh Kudus misig etnowen-at og nisaruk ari, At ahla buluhen nit yi aphe di aphe nineyabuk dombog-at og nisaruk-o.

1 Korintus 7:5

Eke hit hinebe hinim nohuog ulug nambit hambit uruk am fug-o. Eke hit hinindi misig-at wilil, sembahyang ninakeleg siken uruk amuhuken, ulug o misihim hinebe hinakeleg sik welam fano-at oke, eke hinindi oag eleg neken wereg hisalug, at setan etnowen hinindi kahaluk nowen ulug fobik hinim dambuksoho welamuk-o.

2 Korintus 11:27

Eke an nebe yabuk angginon sat anggolo seheg, eke an nohukon etno sohorep isalug welaheg, eke naharom nahik obok heheg, hunik-at welaheg, eke nibam nowatke elegma sohik heheg, eke nasum elehen dahon-at wantoho neabie neken-at sil nuruk atikik-o.

2 Korintus 6:5

Eke it ninen yikangge war ninabeheg, eke aphe dahon imbisaruk ambeg epmano kolap nisahakeg, eke muko wilip nisahakeg suruk-o. Eke nit hag, nohuk sohorep isalug, eke yabuk sat anggolo seheg, eke yi angge di angge nenggeg eleg suruk ahe-o.

Galatia 1:15

Eke ariroho suruk atikikon oke, At Allahen nabua nearuk wilil, an nebe awan endoho eleg neyeheg fuloko nombahabareg fam, fobik at anggimbu wilil eyabuk suruk amag ulug wol naptisi-o.

Efesus 3:7

Eke an wene yig isil lawag ulug noag weregsoho nombaharisireg, og nitisi etno fam wene fano wene etno anggimbu neken welahi-o.

Kolose 4:17

Eke at Arkhipus etno, Allah yabuk suruk amag ulug yig hitision etno fanoroho-at suhun-o, ulug yig imuk-o.

1 Timotius 2:7

Eke wene fano wene ari it ap wene inapelehon epmano eberoko wimiek ulug yig isahunen ulug an mondep naharisi-o, ulug an nenggal ihi fug-o, demat yig hirihi-o.

2 Timotius 1:11

Eke wene fano wene yig isil laruk wilil, yanggul isaruk amag ulug At Allahen minduhup naharisireg fam, an kidia hele war naptusa-o.

2 Timotius 2:2

Ariroho wilil anden it aphe anggolo wene yig isarukmu holtikikon etno, it aphe ninen it nin yig iseheg, it nin yig iseheg suruk amag ulug wene ari it aphe inobabut fanowon epmano yig isaruk aruhun-o.

2 Timotius 4:11

Larusama, eke at Lukas akeleg-at ninim welahe-o. Eke at Markus ebe hag, yabuk ninim suruk amag ulug walug waruhun-o.

2 Timotius 4:5

Ariroho suruk amuhubon oke, eke hat hag nintul nantul hindi aso fanoroho welamuk-o; eke wene fano wene yig isil larukon yabuk etno-at suruk amin-o; eke hat hebe At Allah anggimbu wilil yabuk fanoroho suruk heyeheg, it ninen dahon hobam umburuk isalug, hahla bugsoho welamin-o.

Ibrani 5:4

Eke at misig onggarehen an Allah unde ninuk suon welaruhuken ulug ful saruk eleg-o. At Harun Allah unde suon welamag ulug wol hebag etno hag, At Allahen-at ap nin Allah unde suon welamag ulug wol isaruk-o.