Kisah Para Rasul 13:16 - Allah Wene Hurumbik Keron

¹⁶ at Paulus etno minatuk apareg, yig isaruk wilil, “Hinune bok amiek-o. Hit nomini Israel ap inim, eke hit Allah wene warukon inim hit obog an wene yig hisaminen an nune hinesanggo holtuk amiek-o.

Kisah Para Rasul 13:16 ပူးပေါင်းရင်းမြစ်များ

Matius 11:15

Eke hinesanggo wereg halug, wene du fanoroho holtuk amiek-o.

Lukas 1:22

at etno wilip apareg, une yig iseheg eleg-at welapag. Weregma, it epmano inahla buruk wilil, wi, ap du o Allah ibam epmen i neken og hehek-o, ulug inahla buruk iseheg, at etno une ilik eleg wilil, inggiken-at aliek ulug yig isebag.

Lukas 1:50

Eke it bilin endag atuson inim, eke it fobik endag amuhubon inim At obam inindi ebetuk isalug, inabua isaruk-o.

Lukas 23:40

eke at dag sebahon misig e femag fil lenggaloko embebahon etnowen omin etno winimug yig ituk wilil, “Hat Allah hakol haruk ahen fug ano? Nit obog e fam lenggaloko ninombisahakeson oke,

Kisah Para Rasul 10:2

Ariroho wilil, at inim werehon epmano inim, Allah inuk suontepfeheg, it Yahudi ap inaharek elehon yi angge di angge og iseheg nintul nantul At Allah obam sembahyang eheg suruk apag.

Kisah Para Rasul 10:35

Ariroho weregma, nit At ebe ninakoltoho wilil, fano mondog suruk nisalug, Aren nudaki ulug nit yi aphe di aphe kweanma werehon obog-at heahi war ninaptuk-o.

Kisah Para Rasul 12:17

Inakol haruk apagma, at Petrus etno inggiken, “Hinune eleg amiek-o,” ulug yig isaruk apareg, eke fobik at ebe o aphe dag surukon wereg ambeg epmanowen Yesusen wilipfebahon etno dindiloko yig isaruk apag. Yig isaruk apareg, at Yakobus, omini nin inim yig isa aliek-o, ulug yig isaruk apareg sohorep isalug o misig lebag.

Kisah Para Rasul 13:26

Ariroho yig isebag etno hag, eke kidia yig hisaruk ahi-o. Eke hit nomini Abraham etamuki inim, eke hit o duma Allah wene waruk ahebon inim obog-at yig hisamin-o. Wene ninili wawon etno nit-at yig nisaruk-o.

Kisah Para Rasul 13:46

Enggali watuk apagma, it Paulus Barnabas etanowen inakol elegsoho yig isaruk wilil, “At Allah awene etno bilin hit-at yig hisuog ulug welahe-o. Ariroho yig hisuog ulug welahe oke, eke hiren ninambit-o ulug uruk wilil, hinili wawon etno sohorep isehepseg fam, niren hit yig hisao sohorep hisahalug, it Allah wene inapelehon epmano-at yig isa lahuk-o.

Kisah Para Rasul 19:33

Ariroho urukmu it Yahudi aben at Aleksander etno it aphe wonggaltuson epmano inolohotma umburuk atusama, it aphe ninen, “At Aleksander alem misig obam wereg hehe,” ulug yig ituk atusama, at Aleksanderen wene onggo yig isiog ulug suruk wilil, “Hit aphe hinune anggolo uruk ahebon du eleg amiek-o,” ulug yig isaruk atisimu, it ninen eleg-o.

Kisah Para Rasul 2:14

Inahunda yatuk apagma, at Petrus etno omini inim minatuk apareg, une suon yig isaruk wilil, “Hit nomini Yahudi ap inim, eke hit o Yerusalem welahebon inim an wene yig hisaminen hinesanggo holiek-o.

Kisah Para Rasul 2:22

Hit hinesanggo fanoroho holiek-o. Bilin At Yesus Nazaret ap etno hinim weregma, At Allahen Yesus inggik fam yanggul itukmu, sukfugangge seheg, eke elalintoho seheg, eke inakol hawon seheg surukmu, At Allahen lahabik waharision etno du-at ulug hit obog hiniluk atisi-o. Ari At ebe hinim wilil surukmu, hiniluk atisi-o.

Kisah Para Rasul 21:40

it inowe etnowen halug fano at-o, ulug yig ituk atisimu, at Paulus o yal helep fam belareg ambeg etno minatuk wilil, aphe inune eleg amag ulug yig isaruk atisimu, inune bok atusa.

Kisah Para Rasul 22:22

Yig isaruk atisimu, it aphe epmano ari fam inesanggo holtuk atusareg, inune suon uruk wilil, “Ap du iluk welam hai-o. Kidia waroko imbiek-o,”

Kisah Para Rasul 3:12

It wonggalik kebagma, at Petrusen ilanggen isaruk apareg, yig isaruk wilil, “Hit Israel ap du, keroho ulug hinakol haruk wilil, hinilanggen yet nisaruk ahep-o? At ap iog oag elehon etno fano sehe ari fam hiren it inobabut fano wilil, it inoag fam fano sehesa ulug buruk ahep? Eleg-o, nomini.

Wahyu 2:11

Eke hinesanggo wereg halug, At Roh Kudusen it jemaat yig isarukon epmano hinesanggo fanoroho holtuk amiek-o. Eke it inoag weregsoho welamuhubon halug, birenam waramon etno inobam umbuhu fug-o,” ulug yig nitisi-o.

Wahyu 2:17

Eke hine­sanggo wereg halug, At Roh Kudusen it jemaat yig isarukon epmano hinesanggo fanoroho holtuk amiek-o. Eke it inoag weregsoho anduhunmu welamuhubon halug, orom manna herahoma werehon epmano og isahuk-o. Og isaruk aruhukseg, obam seberoho helep huluon etno fam ininuk keron etno inakeleg sik iniluk amag ulug wene holal baloko og isahuk-o,” ulug yig nitisi-o.

Wahyu 2:29

Eke hinesanggo wereg halug, At Roh Kudusen it jemaat yig isarukon epmano hinesanggo fanoroho holtuk amiek-o,” ulug yig nitisi-o.

Wahyu 2:7

Eke hine­sanggo wereg halug, At Roh Kudusen it jemaat yig isarukon epmano hinesanggo fanoroho holtuk amiek-o. Eke it inoag weregsoho anduhunmu welamuhubon halug, At Allah eyabukmu e iniluk welamon etno anggen nawag ulug minduhup isahuk-o,” ulug yig nitisi-o.