Kisah Para Rasul 13:14 - Allah Wene Hurumbik Keron

¹⁴ Laruk apagma, eke it nin epmano o Perga epmanowen o Antiokhia Pisidia etno wapag. Waharuk apareg, o hari Sabat fam it o Allah wene uruk ambeg etno kuruk apareg, horie ebag.

Kisah Para Rasul 13:14 ပူးပေါင်းရင်းမြစ်များ

Lukas 4:16

Eke fobik, At Yesus etno o Nazaret endag apag ambeg etno waharuk apareg, o hari Sabat it Yahudi ap sembahyang uruk fam, it o Allah wene uruk ambeg epmano kebag.

Kisah Para Rasul 13:42

Yig isaruk apagma, it Paulus, Barnabas o Allah wene uruk ambeg etnowen wilip atuk apagma, it aphe epmano yig isaruk wilil, “Wene ari sembahyang fobik uhukon etno fam inim dahagsoho yig nisahup-o,” ulug yig isebag.

Kisah Para Rasul 13:44

Watuk apagma, eke fobik sembahyang ebahon etno fam it aphe o epma werehon obog-at Allah wene inesanggo holuog ulug wonggalik wapag.

Kisah Para Rasul 13:46

Enggali watuk apagma, it Paulus Barnabas etanowen inakol elegsoho yig isaruk wilil, “At Allah awene etno bilin hit-at yig hisuog ulug welahe-o. Ariroho yig hisuog ulug welahe oke, eke hiren ninambit-o ulug uruk wilil, hinili wawon etno sohorep isehepseg fam, niren hit yig hisao sohorep hisahalug, it Allah wene inapelehon epmano-at yig isa lahuk-o.

Kisah Para Rasul 13:5

Kuruk apareg, eke fobik o Salamis etno wapag. Waharuk apareg, it Yahudi ap wereg ambeg epmano at Yohanes Markus etno inim Allah wene yig isebag.

Kisah Para Rasul 14:19

Sohorep isaruk apagma, it Yahudi ap o Antiokhia, o Ikonium epmanowen waharuk apareg, o Listra etno wapag. Waharuk apareg, aphe obog epmano dahal inaptuk wilil, at Paulus ebe helep fam warepfuruk apareg, ebe mondog waraha ulug inahla buruk wilil, lehet selema fil imbik wilip apag.

Kisah Para Rasul 16:13

Waharukukseg, nininggik dorat ninim wilil o sembahyang fam o sili etno sohorep isalug, it Yahudi ap ninim sembahyang uog ulug, o ik ayegma epmano amburukuk. Amburuk atukukseg, horie ulug weregma it hweap epma wonggaltuk atusama, ninim wene urukuk.

Kisah Para Rasul 17:2

at Paulus bilin sirisi etno hag, it o Allah wene uruk ambeg etno kirisi. Kuruk atisireg, sembahyang henahan wilil it aphe epma wene yig isarukmu, eke iren onggo yig ereheg suruk atusareg,

Kisah Para Rasul 18:4

Og ituk atusareg weregma, at Paulus etno it Yahudi ap inim, it Yunani ap inim, wene wawag ulug nintul nantul it Yahudi ap o Allah wene uruk ambeg epmano kuruk atisi.

Kisah Para Rasul 19:8

Uruk atusama, at Paulus etno it o Allah wene uruk ambeg kuruk atisireg, bikalem henahan wilil, it aphe epmano At Allah weregma welamon wene etno wawag ulug yig isarukmu, iren onggo yig ereheg, suruk atusa.

Kisah Para Rasul 9:20

it o Allah wene uruk ambeg epmano kuruk apareg, At Yesus awene etno yig isebag. Yig isaruk wilil, “At Yesus etno Allah Amloho at-o,” ulug yig isebag.

2 Timotius 3:11

Eke o Antiokhia inim, o Ikonium inim, eke o Listra inim dahon mondog nobam umburukmu welatikik etno hiluk-o. Eke iren dahon etno nobam umburuson oke, At Allahen nili warisi-o.