Kisah Para Rasul 12:7 - Allah Wene Hurumbik Keron

⁷ At Allah malaikat misig hetnogsoho o baharik at werehon etno fam waharuk apareg, o etno selegsepfebag. Selegsepfuruk apareg, at Petrus etno omalo seneg wilil, aplohoksoho ilukepfuruk apareg yig ituk wilil, “Hat dulum minamin-o,” ulug yig ituk apagma, hele etno abusag-at hibiloko ambebag.

Kisah Para Rasul 12:7 ပူးပေါင်းရင်းမြစ်များ

Matius 2:13

Inibam lebareg weregma, at Yusuf nohoruk wilil i og hebag. I og haruk wilil, at Allah malaikat etnowen yig itukmu i og hebag. At Allah malaikat etnowen yig ituk wilil, “Hat hebe minatlug, Udag ari isina inim og inaplug o Mesir herako alu-o. Epma weregma, eke anden yig hituk nealug suhuluk hinibam waru­hun-o. At Herodes etnowen Udag ari ebe wariog ulug heahil waru­hu-o,” ulug yig itukmu i og hebag.

Lukas 2:9

Inaso weregma, Allah malaikat etno inambeg ambik wapag. Ambik waharuk apagma, Allah apinag suruk apagma, inakol anggolo hebag.

Lukas 24:4

Eleg haruk apareg, keroho suk ulug inahla buruk wilil minduhuk weregma, it ap inasum huluon wantehon biren etano hetnogsoho inambeg minapag.

Kisah Para Rasul 10:30

Yig isaruk apagma, at Kornelius etnowen yig ituk wilil, “An nibamen o uwa etno hupmu jam tiga fam sembahyang uruk atikikseg weregma, ap misig asum huluon yihikon etno nolohotma binagsoho waharisireg,

Kisah Para Rasul 12:23

Yig ituk apagma, at Herodes Allah inuk suontepfuruk elegma, Allah malaikat misig hetnogsoho inambeg waharuk apareg, at Herodes etno uk obam imbiog ulug mumet haruk apagma, fobik at Herodes etno kolanggenen naruk heheg warapag.

Kisah Para Rasul 12:6

Eke at Herodes etnowen o sono enggali wabuhuk ulug ahla buruk weregma, at Petrus etno hele bisuemanggen fam inggik iog dambuksoho hele waroko umburuk apareg, it ap aso welamon epmano femag femag wereg iseheg,

Kisah Para Rasul 12:8

Hibiloko amburuk apagma, at malaikat etnowen yig ituk wilil, “Haserlog fikfag iluhun waroko wansalug, hiog eset inim wansimin-o,” ulug yig ituk apagma wantebag. Wantaruk apagma, at malaikat etnowen yig ituk wilil, “Hasum selemon wantaruk apmihinteg, ninim lulen ma-o,” ulug yig ituk apagma,

Kisah Para Rasul 16:26

Ariroho weregma, hetnogsoho o yugul suon misig suruk atisimu, o aphe dahon imbisaruk ambeg etno o andorli helep fam falehon etno satnog sirisi.

Kisah Para Rasul 2:24

Ariroho watikibon oke, eke At Allahen it warehon wereg ambeg epmanowen iluksoho minduhupfirisi-o. Minduhupfirisi ari it warehon hinel watuk ambeg welam hai buruk atisireg, minduhupfirisi-o.

Kisah Para Rasul 5:19

Kolap isaruk apagma, o hubanggo At Allah malaikat misig ambik waharuk apareg, it mondep isebahon hele wareg weregma, sok husoko selema wilip isebag. Wilip isaruk apareg, yig isaruk wilil,

Kisah Para Rasul 9:3

Yig ituk apareg, at etno o Damsyik liog ulug horogsoho weregma, boholmen sehenyabog neken yibag haruk apagma, it inolohotma seleg apag.

Efesus 5:14

Eke yi wene di wene bukaloko yig nisarukon ari o seleg etno ilitoho wereg-o. Eke ari fam Alkitab etnowen yig nisaruk wilil, “Hat nohoruk ahen du hiluk amin-o. Hiluk atlug it warehon wereg ambeg eke warehon neken welamon etno sohorep isalug, hiluksoho minamin-o.

Ibrani 1:14

Ari halug, it malaikat etno sa ilitoho wereg buruk ahep-o? It inebe ari, aphe inahut neken wilil, At Allah inuk yig isarukon At anggimbu-at wereg-o. Eke it aphe inili holahubon etno inaso welamag ulug At Allahen-at lahap isaruk-o. Ariroho lahap isaruk halug, it ineyabuk ari-at wereg-o.

Wahyu 18:1

Eke fobik malaikat misig boholmen ambik waharukmu, ni­lang­gen harikik-o. Ambik waharisireg, ebe suon wilil, at apinag etno kweanma obog yangguk atisi-o.