Kisah Para Rasul 12:5 - Allah Wene Hurumbik Keron

⁵ Ahla buruk apareg weregma, at Petrus etno o aphe dag surukon imbisaruk ambeg epmano wereg heheg, it Allah wene warukon epmanowen at ake Allah obam sembahyang uruk apag.

Kisah Para Rasul 12:5 ပူးပေါင်းရင်းမြစ်များ

Matius 18:19

Ari halug, misig du inim-at yig hisaruk ahi-o. Hit biren o kweanma dumen alem ari sukag ulug ninebe dambuksoho sembahyang ul-o, ulug uruk hisalug, at An Nikni boholmon etnowen hit hinake ariroho-at suhu-o.

Lukas 18:1

Nin eke fobik it apheyen sembahyang nintul nantul uruk wilil, inindi arik atlug inahla bug am nowen ulug At Yesusen yanggul isebag.

Kisah Para Rasul 12:12

Ahla buruk apareg, hwe inuk Maria, at Yohanes Markus isina ibam etno liog ulug suruk heheg, at hwe etno ibam epmano aphe anggolo wonggaloko sembahyang ebag.

Kisah Para Rasul 12:4

At Petrus etno hele waroko aphe dag surukon imbisaruk ambeg epmano kolapfuruk apareg, aso welamag ulug ap inebe enam belas epmano lehet walkiko minduhup isebag. Minduhup isaruk apareg, at Herodes etnowen o hari Paskah esebuhukon etno nalug at Petrus etno it Yahudi ap inil fam selegmen enggali wabuhuk ulug ahla bebag.

Kisah Para Rasul 12:6

Eke at Herodes etnowen o sono enggali wabuhuk ulug ahla buruk weregma, at Petrus etno hele bisuemanggen fam inggik iog dambuksoho hele waroko umburuk apareg, it ap aso welamon epmano femag femag wereg iseheg,

1 Korintus 12:26

Eke inebe atog wataruk halug, atog atog obog-at olok atuk-o. Eke it apheyen atog misig suontepfuruk halug, atog atog obog-at inahien suruk-o.

2 Korintus 1:11

Eke hiren inili wahun ulug ninake sembahyang uruk wilil, yalmag ninaptuk ahep-o. Eke it aphe obohen ninake sembahyang urukon epmano At Allahen esanggo holtug ninili warisi etno fam, it obohen wa ulug ninake sembahyang uruk amuhup-o.

1 Tesalonika 5:17

Eke hit ilikia hupmu sembahyang uruk amuk-o.

Ibrani 13:3

Ari halug, it aphe hele waroko imbisarusa epmano, nit ninim-at hele wareg neken welahe-o, ulug inabua suruk wilil, inobam hinindi ebetuk amuk-o. Eke misig, it aphe nin dahon inobam umburuson epmano nit ninim neken-at ninobam umburusa ulug, inabua suruk wilil, inobam hinindi ebetuk amuk-o.

Yakobus 5:16

Ari halug, hiren dag suruk ahebon epmano hinomini inil fam bukaltuk amuhupmu, hinebe hinindi fano amag ulug hit obohen hinomini inake sembahyang uruk amuhup-o, eke at ap misihen demat ulug indimu ebetuk halug, aren sembahyang urukon etno oag weregsoho-at uruk-o.