Kisah Para Rasul 12:3 - Allah Wene Hurumbik Keron

³ Waroko umburuk apagma, it Yahudi ap epmano inahien surukmu isaruk apareg, eke fobik it Yahudi ap epmanowen roti su atuk elehon etno narukmu at Petrus etno hele waroko embebag.

Kisah Para Rasul 12:3 ပူးပေါင်းရင်းမြစ်များ

Matius 26:17

Indi ebetil laruk apagma, roti su atuk elehon etno esohopfulug ininggik misihim esoko naruk wilil, it omini etno At Yesus ambeg waharuk apareg, yig ituk wilil, “Nit wam domba waroko Paskah esebukon etno nit yi angge di angge esag habukag ulug kema lahap nisamihin-o?” ulug yig ituk apagma,

Yohanes 12:43

Ariroho selegma eheg eleg-at welapag ari, it apheyen suontep nisahuk ari hag fano oke, At Allahen suontep nisahuk ari we hai neken at-o, ulug inahla buruk wilil ariroho welapag.

Yohanes 19:11

Yig ituk apagma, At Yesusen yig ituk wilil, “Hat ariroho unde welahi ehen ari, At Allahen unde welamag ulug minduhup hahalep fugmen, An nebe ariroho sep nahukon etno unde welatlen fug-o. Ari halug at dahan fahan suruk ahenon oke, it ap An nebe sen nabukag ulug og hituson epmano dag anggolo-at surusa-o,” ulug yig epag.

Yohanes 21:18

Ari halug, Anden wene demat uruk amon etno kidia yig hisamin-o, hat hebe elege wilil, haserlog honggarehen-at ilunggun wataruk wilil, lamin ulug hahla buruk ambeg-at laruk atikin-o. Ariroho suruk atikinon oke, fobik sabal atuk aruhunteg, hinggik sikseg wereg healug, ap misihen hinggik hele waroko o misig lamin buhun fug ambeg-at hombahik lahu-o,” ulug yig epag.

Kisah Para Rasul 12:4

At Petrus etno hele waroko aphe dag surukon imbisaruk ambeg epmano kolapfuruk apareg, aso welamag ulug ap inebe enam belas epmano lehet walkiko minduhup isebag. Minduhup isaruk apareg, at Herodes etnowen o hari Paskah esebuhukon etno nalug at Petrus etno it Yahudi ap inil fam selegmen enggali wabuhuk ulug ahla bebag.

Kisah Para Rasul 2:14

Inahunda yatuk apagma, at Petrus etno omini inim minatuk apareg, une suon yig isaruk wilil, “Hit nomini Yahudi ap inim, eke hit o Yerusalem welahebon inim an wene yig hisaminen hinesanggo holiek-o.

Kisah Para Rasul 20:6

Ninaso weregma, nit roti su atuk elehon etno esoko narukukseg, o Filipien ikma so fam kurukukseg, nininggik fuaben angge o Troas waharukukseg, heahi waroko sembahyang misig ninim welatukuk.

Kisah Para Rasul 24:27

Eke fobik it etano tahun biren welatusareg, at ap misig inuk Perkius Festus etno at Feliks ubulukmu Gubernur suon welamag ulug minduhupfuog ulug suruk iseheg, at Feliks etno it Yahudi ap inim dambuksoho welamag ulug at Paulus hele wareg-at sohorep isarisi.

Kisah Para Rasul 25:9

Yig isaruk atisimu, at Festus etno it Yahudi ap inim dambuk uruk apareg, at Paulus etno yig ituk wilil, “Hat o Yerusalem lahunteg o epma weregma, iren inune dahon etno hobam denggeltuk isalug, anden haren baluhuk ano?”

Kisah Para Rasul 4:13

it Yahudi ap inowesi epmanowen uruk wilil, it Petrus Yohanes du sekolah inapelehon-at oke, inakol elegsoho yig nisaruk du bilin At Yesus omini-at welatusa-o, ulug inahla burukmu,

Galatia 1:10

Eke At Allah mutlug lawag ulug yig hisaruk ahi ano, eke ap misig mutlug lawag ulug yig hisiog ulug suruk ahi ano? Eke it aphe inahien neawag ulug suruk ahi ano? Ari eleg-o. Eke an hag it aphe inahien neawag ulug sil nuruk atlemen, At Kristus anggimbu welatle fug-o.

1 Tesalonika 2:4

Eke At Allahen ariroho iuk yig nisarukon etno ilitoho-at yig isaruk ahe-o. Eke wene fano wene etno niren aphe yig isawag ulug At Allahen ninaren baloko minduhup nisaharisireg fam, At Allah ahien nisawag ulug suruk ahe-o. Eke At Allahen ninaren baltuk heheg, aphe inahien nisawag ulug suruk ahe fug-o.