Kisah Para Rasul 12:17 - Allah Wene Hurumbik Keron

¹⁷ Inakol haruk apagma, at Petrus etno inggiken, “Hinune eleg amiek-o,” ulug yig isaruk apareg, eke fobik at ebe o aphe dag surukon wereg ambeg epmanowen Yesusen wilipfebahon etno dindiloko yig isaruk apag. Yig isaruk apareg, at Yakobus, omini nin inim yig isa aliek-o, ulug yig isaruk apareg sohorep isalug o misig lebag.

Kisah Para Rasul 12:17 ပူးပေါင်းရင်းမြစ်များ

Matius 10:23

Eke hit hinebe o misihen hinusuog ulug suruk isalug, sohorep isalug o misig hite alu-o. Eke At Allah Amloho awan waharuk eleg heheg, yabuk o Israel epma suhup-o, ulug An demat yig hisaruk ahi-o.

Markus 6:3

Ari halug, At ebe at Maria amloho ap o faltukon etno-at ano? Eke At osi Yakobus, Yoses, Yudas, Simon etano eleg buruk ahep ano? Eke At aholani o duma ninim welahe epmano hinapeleg ano?

Lukas 1:22

at etno wilip apareg, une yig iseheg eleg-at welapag. Weregma, it epmano inahla buruk wilil, wi, ap du o Allah ibam epmen i neken og hehek-o, ulug inahla buruk iseheg, at etno une ilik eleg wilil, inggiken-at aliek ulug yig isebag.

Yohanes 10:40

Wilip atuk apareg, At Yesus etno ik Yordan baloko ayeg lema fil lebag. Laruk apareg, at Yohanesen bilin aphe ikma belap inaptuk ambeg epmano welapag.

Yohanes 11:54

Ariroho inahla buruk apagma, At Yesus etno ebe o Yudea ke laruk wilil, kwalema selegmaroho lebag fug, abitke-at herag herag laruk apareg, o etno sohorep isalug, o limu aphe eleg ambeg o doron misig inuk Efraim etno waharuk apareg, At omini dua belas epmano inim welapag.

Yohanes 13:24

Ariroho horieg weregma, at Simon Petrus etnowen ma ulug yanggap haruk apareg, yig ituk wilil, “Haren sa farim ehen ulug ambeg hinog wimin-o,” ulug yig ituk apagma, at omin misig etno Yesus ambeg hikip hikip laruk apareg, yig ituk wilil, “Nowe-o, Hat ariroho yig nisehen ari sa farim ehen-o?” ulug yig ituk apagma,

Yohanes 7:1

Eke fobik At Yesus etno o Galilea epmano ya keheg sil wapag. Ariroho sil wapag ari, it Yahudi aben ebe wabuog ulug suruk isalug, o Yudea etno lao amberaken o Galilea wapag.

Yohanes 8:59

Ariroho yig isaruk apagma, it etnowen wabuog ulug helep ininggikmu webahon oke, At Yesus ebe onggarehen herag atuk apareg, o Allah ibam epmano sohorep isalug lebag.

Kisah Para Rasul 1:15

At Yesus omini inim, eke it nin inim inebe seratus dua puluh wonggaltuk apareg balureg wilil, at Petrus etno inanggelegmen minatuk apareg, yig isaruk wilil,

Kisah Para Rasul 12:16

Yig ituk apagma, at Petrus etnowen sok kik hebag. Kik haruk apagma, it epmanowen ahut haruk apareg, at olohore inilanggen bikharuk wilil, “Wi, du Petrus at-o,” ulug inakol hebag.

Kisah Para Rasul 12:18

O epmano lebareg fam, o witaruk apagma, it at aso welapahon epmanowen ebe eleg haruk apareg, “At Petrus kema laha-o?” ulug heaharuk apagma,

Kisah Para Rasul 13:16

at Paulus etno minatuk apareg, yig isaruk wilil, “Hinune bok amiek-o. Hit nomini Israel ap inim, eke hit Allah wene warukon inim hit obog an wene yig hisaminen an nune hinesanggo holtuk amiek-o.

Kisah Para Rasul 15:13

Inesanggo holtuk apagma, at Yakobus etno minatlug yig isaruk wilil, “Nomini-o, an nune holiek-o.

Kisah Para Rasul 16:40

it Paulus Silas etano aphe dahon imbisaruk ambehen wilip atuk atusareg, at Lidia ibam larusa. Larusareg, omini inim heahi war inaptuk wilil, inindi inahien haon etno yig isalug, o misig larusa.

Kisah Para Rasul 19:33

Ariroho urukmu it Yahudi aben at Aleksander etno it aphe wonggaltuson epmano inolohotma umburuk atusama, it aphe ninen, “At Aleksander alem misig obam wereg hehe,” ulug yig ituk atusama, at Aleksanderen wene onggo yig isiog ulug suruk wilil, “Hit aphe hinune anggolo uruk ahebon du eleg amiek-o,” ulug yig isaruk atisimu, it ninen eleg-o.

Kisah Para Rasul 21:18

Heahi war ninaptuk atusama, nohoruk atukukseg, at Paulusen og ninaplug at Yakobus etno it ap inaso werehon obog inim weregma inambeg bik isa larukuk.

Kisah Para Rasul 21:40

it inowe etnowen halug fano at-o, ulug yig ituk atisimu, at Paulus o yal helep fam belareg ambeg etno minatuk wilil, aphe inune eleg amag ulug yig isaruk atisimu, inune bok atusa.

Kisah Para Rasul 28:15

Wamuog ulug surukmu, it ninomini Roma werehon epmano inesanggo holtuk atusareg, heahi war ninabuog ulug ninolohotma larusa. Laruk atusama, o Forum Apius, o Tres Taberne epmano ninim salkal urukuk. Salkal uruk wilil, at Paulusen ilanggen isaruk atisireg, Nikni Allah wa ulug indi ahien harisi.

1 Korintus 15:7

Eke fobik at Yakobus etnowen ilanggen hebag. llanggen hebareg fam, eke fobik it mondep isebahon epmano dambuksohoen inilanggen hebag.

Galatia 1:19

Eke ariroho wilil, it mondep isebahon nin epmano nilanggen isarikik fug-o. We at ninowe omin Yakobus etno-at nilanggen harikik-o, ulug ariroho holal bal hisaruk ahi ari demat yig hisaruk ahi-o.

Galatia 2:12

Eke it ap at Yakobusen lahap isa waharision epmano awan waharuk eleg iseheg, at Petrus etno it Allah udaki bilin awene inapeleg welatuson epmano orom inim naruson oke, eke fobik it ap epmano waharuk atusama, it ap ninen uruk wilil, “It ap bilin Allah wene inapeleg welatuson epmano iniyunggul ambilik balukag-o,” ulug ariroho uruson etno at Petrus akol haruk wilil, “It ap bilin wene inapeleg welatuson epmano ninim orom namin fug-o,” ulug imbisarisi-o.

Galatia 2:9

Eke it Yakobus, Petrus, Yohanes it du ninowesi ulug uruson epmanowen at Paulus Allahen eyabuk akeleg-at og itisi ulug inindi ebetuk atusareg, an inim, at Barnabas inim ininggik og nisarusa-o. Ariroho dambuk uruk atukukseg, at Paulus, Barnabas inim it aphe Allah wene inapelehon epmano yig isil lahup-o, eke it nin hag it Yahudi ap yig isil lahup-o, ulug wene ariroho urukuk-o.

Yakobus 1:1

An Yakobus, At Allah inim eke Ninowe Yesus Kristus inim inanggimbu etnowen holal du fam hit obog Allah udaki o kweanma welahebon heahi war hinaptuk ahi-o.