Kisah Para Rasul 12:11 - Allah Wene Hurumbik Keron

¹¹ Eleg atuk apagma, at Petrusen ahla buruk wilil, “Wi, an ni neken wilik waharukmu hihion etno demat wilik wahi-o. Eke At Ninowe etnowen omalaikat misig belabik wahama, an nebe at Herodesen it Yahudi ap inil fam ninggik seneg wilil enggali wabuhuk irision etno oke, nili oko wilip nahik waha-o,” ulug ahla bebag.

Kisah Para Rasul 12:11 ပူးပေါင်းရင်းမြစ်များ

Lukas 15:17

Ariroho suruk atisireg, fobik indi wereg atlug ahla buruk wilil, an nikni anggimbu ari inahumsoho naruk oke, eke an hag orom oboken warariog ulug suruk ahi-o.

Kisah Para Rasul 12:7

At Allah malaikat misig hetnogsoho o baharik at werehon etno fam waharuk apareg, o etno selegsepfebag. Selegsepfuruk apareg, at Petrus etno omalo seneg wilil, aplohoksoho ilukepfuruk apareg yig ituk wilil, “Hat dulum minamin-o,” ulug yig ituk apagma, hele etno abusag-at hibiloko ambebag.

Kisah Para Rasul 24:27

Eke fobik it etano tahun biren welatusareg, at ap misig inuk Perkius Festus etno at Feliks ubulukmu Gubernur suon welamag ulug minduhupfuog ulug suruk iseheg, at Feliks etno it Yahudi ap inim dambuksoho welamag ulug at Paulus hele wareg-at sohorep isarisi.

Kisah Para Rasul 25:9

Yig isaruk atisimu, at Festus etno it Yahudi ap inim dambuk uruk apareg, at Paulus etno yig ituk wilil, “Hat o Yerusalem lahunteg o epma weregma, iren inune dahon etno hobam denggeltuk isalug, anden haren baluhuk ano?”

Kisah Para Rasul 5:19

Kolap isaruk apagma, o hubanggo At Allah malaikat misig ambik waharuk apareg, it mondep isebahon hele wareg weregma, sok husoko selema wilip isebag. Wilip isaruk apareg, yig isaruk wilil,

Ibrani 1:14

Ari halug, it malaikat etno sa ilitoho wereg buruk ahep-o? It inebe ari, aphe inahut neken wilil, At Allah inuk yig isarukon At anggimbu-at wereg-o. Eke it aphe inili holahubon etno inaso welamag ulug At Allahen-at lahap isaruk-o. Ariroho lahap isaruk halug, it ineyabuk ari-at wereg-o.

2 Petrus 2:9

Eke bilin at Lot ili webag etno hag, fobik At Allahen it aphe inobabut fanowon epmano o fanoma imbiseheg, it dag surukon o dagma imbiseheg suhu-o. Eke it Allah wene ninambit-o, ulug urukon epmano inim, it kweanmen surukon etno inim obog-at dagma imbisiog ulug wereg-o.