Kisah Para Rasul 11:24 - Allah Wene Hurumbik Keron

²⁴ Eke at Barnabas etno obabut fano mondog weregma, Roh Kudus indimu kurukmu, wene fanowon etno obam ebereg mondog welapag. Weregma, eke it aphe obog epmano Yesus wene eberoko webag.

Kisah Para Rasul 11:24 ပူးပေါင်းရင်းမြစ်များ

Matius 12:35

Ari halug, ap obabut fanowon halug, indimuen fanoroho-at suruk-o; eke ap obabut dahon halug, indimuen dag-at suruk-o.

Matius 19:17

Yig ituk apagma, eke At Yesusen yig ituk wilil, “Fano sukon ulug ehen ari, nongge farim yig nerehen-o? At fano mondog werehon etno misig akeleg-at wereg-o. Eke hat niluk welamon etno holahuk hahla buruk wilil halug, wene duroho suruk amuk eke duroho suruk am fug ulug ebahon etno ilitoho suruk amuk-o,” ulug yig epag.

Lukas 23:50

At Yesus etno waratuk apagma, ap misig inuk Yusuf, ibam it Yahudi ap inibam o misig inuk Arimateaon welapag. At etno obabut fano mondog wilil, indi seberoho welapag. Ariroho wilil, At Allah weregmen sukon etno aso welapag. Eke at ebe wene baltukon inowe-at oke, it ominien wabuog ulug wene baltukmu, at amberaken inim wene balfag fug.

Yohanes 7:12

Heaharuk iseheg, it yi aphe di aphe obog-at wonggalik wapahon etnowen At abug uruk wilil inune fog fog orog-at uruk apag. Ariroho uruk wilil, it ninen, “Ap ebe obabut fanowon-at hehe-o,” ulug uruk apag, eke it ninen, “Eleg-o, Aren aphe enggal-at yig isaruk-o,” ulug uruk apag.

Kisah Para Rasul 11:21

Yig isaruk apareg, At Ninowe Yesus oag werehon etno inim sil nurukmu, it yi aphe di aphe obog-at Allah wene eberoko webag.

Kisah Para Rasul 2:4

Inilanggen hebareg weregma, eke fobik it Roh Kudus inindimu kebahon epmanowen yig isarukmu, it o ahik ya da inune iniluk wilil, inune yion dion obog-at uruk apag.

Kisah Para Rasul 2:47

Inahientoho wilil, At Allah wa ulug suontepfuruk weregma, it ninen inahien inobam embebag. Inahien isaruk apareg weregma, At Allahen nintul nantul it inili webahon epmano at misig obam seberoho embeheg, at misig obam seberoho embeheg suruk apag.

Kisah Para Rasul 24:16

Eke At Allah inim, it aphe inim obog-at inil fam nobabut fano-at welariog ulug suruk ahi-o.

Kisah Para Rasul 5:14

It nin inakolen bok apareg weregma, eke it nin Allah wene webahon epmano inim dambulik wapag.

Kisah Para Rasul 6:3

Ari halug, hiren ap Roh Kudus inindimu werehon inebe sabiren angge-at heako imbisalihipmu, iren uang sumbut hisaruk amag ulug niren minduhup isul-o.

Kisah Para Rasul 6:5

Ulug it mondep isebahon epmanowen yig isaruk apagma, it obohen, “Ari fano ehep-o,” ulug yig isaruk apareg, ap inebe sabiren angge heako imbisebag. It heako imbisebahon epmano ininuk misig at Stefanus Roh Kudus indimu kuruk apagma, Allah wene fanoroho webahon etno inim, eke misig inuk Filipus etno inim, eke misig inuk Prokhorus etno inim, eke misig inuk Nikanor etno inim, eke misig inuk Timon etno inim, eke misig inuk Barmenas etno inim, eke misig inuk Nikolaus o Antiokhia epmen Allah wene apeleg neken wilil, fobik it Yahudi aben wene urukmu webahon etno inim, heako imbisebag.

Kisah Para Rasul 6:8

Nin eke at Stefanus etno At Allah ahien obam umburukmu, oag weregsoho sil nuruk wilil, elalintoho sukfugangge sil nuruk apag.

Kisah Para Rasul 9:31

Lahapfuruk apagma, it o Yerusalem, Galilea, Samaria aphe Allah wene warukon epmano obog fano welapag. Fano wilil, it inebe At Roh Kudusen yalmag inaptukmu anggolo apag. Inebe anggolo atuk apareg wilil, At Allah apma seberoho welapag.

Roma 15:15

Eke ariroho nahla buruk ahion oke, holal du fam nune oag weregsoho hinesanggo war hinabihi ari, hiren alem nin hinindi ebebukag ulug-at yig hisihi-o. Eke an nune oag weregsoho hinesanggo war hinabihi ari, At Allahen nabua nearuk wilil,

Roma 5:7

Eke ap fanowon etno ake ap misig waram fano at-o, ahla belebon oke,