Kisah Para Rasul 11:23 - Allah Wene Hurumbik Keron

²³ Laruk apareg, At Allahen aphe duma ahien arat inobam imbisi, ulug ahla buruk apareg, yig isaruk wilil, “Hit hinindi At Ninowe Yesus obam ebetuk wilil, hinim hinindi hunduhuk welamiek-o,” ulug yig isebag.

Kisah Para Rasul 11:23 ပူးပေါင်းရင်းမြစ်များ

Matius 16:24

Yig ituk apareg, eke fobik omini epmano yig isaruk wilil, “Hit An ninim sil nuruk amuhuken ulug hinahla buruk ahep halug, yi angge di angge hinindi hunduhuk welahebon epmano sohorep isalug, hinahe salib etno hinomalo fam holalug, An ninim-at sil nuruk amuhuk-o.

Markus 2:5

Belapfuruk apagma, At Yesus etnowen At obam eberepfulug walug waharuk enggag isaruk apareg, ap oag elehon etno yig ituk wilil, “Namloho-o, hat dag suruk atikinon epmano sohorep isalug, hobam hapelegsoho napma hombahaki-o,” ulug yig ituk apagma,

Yohanes 15:4

Eke An hit ninim hunduhuk welamuhuk etno hag, hit An ninim hunduhuk welamuk-o. Eke e inggik misig kisiloko wilipfurukon etno akelehen anggen yihiruk eleg etno hag, hit An ninim hunduhuk eleg hisalug, anggen fanowon epmano yihikup fug-o.

Kisah Para Rasul 13:43

Yig isaruk apareg, it aphe nin wilip atuk iseheg, it nin Yahudi ap inim, eke it Yahudi aben wene yig isarukmu, warukon epmano inim, it Paulus Barnabas inombolim lebag. Laruk apagma, it mondep isebahon epmanowen yig isaruk wilil, “At Allah hinabua hisarukon awene etno eberoko waruk amiek-o,” ulug inesanggo wapag.

Kisah Para Rasul 14:22

Laruk apareg, it aphe o epma Allah wene warukon epmano inesanggo watuk wilil, “Hit At Allah weregma kuhuben yi wene di wene dahon epmano hinobam umburuk iseheg, At Yesusen wene ebahon epmano fanoroho eberoko waruk amuk-o,” ulug yanggul isaruk apareg,

Kisah Para Rasul 14:26

Laruk apareg, it etno ikma so fam o Antiokhia etno lebag. Ari, it bilin o epmen Allah wene yig isil lawag ulug inake sembahyang uruk apareg lahap isebag etno fam iniog suhuluk lebag.

Kisah Para Rasul 15:40

Laruk apagma, eke at Paulus etnowen Silas walug liog ulug surukmu, it inomini epmanowen kwalem fano-at lawag ulug inake sembahyang uruk wilil, At Allah kino yig ituk apagma, lebag.

Kisah Para Rasul 20:24

Ariroho yig nitisimu, an nebe niluk wilil, nili holao ulug yig hisaruk ahi fug-o. Eke At Ninikni Allahen ninabua nisarukon wene fano wene etno it aphe obog yig isawag ulug At Ninowe Yesusen an nebe etno minduhup naharisi-o. Ariroho yig nitisi famen an neyabuk og nitision etno-at suhuk ulug nahla buruk ahi-o.

Kisah Para Rasul 20:32

Eke kidia anden At Allah hinabua hisarukon etnowen hinaso welamag ulug At apma hinombisaharuk ahi-o. Ariroho hinombisaharukmu, eke Aren hinindi oag werehep hisaharuk wilil, At udaki ahien isaruk etno hag, hit ariroho-at ahien hisahu-o.

Kisah Para Rasul 4:36

It ninen og isa lebag etno hag, at ap misig inuk Yusuf, ungguluag Lewi, ibam o Siprus epmen endag apahon etno waharuk apagma, it mondep isebahon epmanowen ninindi fano ninaptukon ulug inuk Barnabas soalfag.

Roma 12:8

Eke nineyabuk aphe inindi oag werehep isawon etno og nisarisi halug, etno ilitoho-at suruk amuk-o. Eke yi angge di angge menag isaruk amon etno, ninindi seberoho-at wilil, menag isaruk amuk-o. Eke aphe inindi aso welamon etno yabuk ninarug fanoroho-at suruk amuk-o. Eke it aphe inabuen surukon epmano ninindi ninahientoho-at suruk amuk-o.

1 Korintus 15:58

Eke ari halug, nomini hit nindi hunduhukon wai. Hit epma hinindi oag weregsoho-at welamuk-o. Eke At Ninowe inuk suon etno eyabuk suruk wilil, o nintul nantul fanoroho suruk amuk-o. Eke hit yabuk sat anggolo suruk ahep ari, At Ninowe suon etno inuk fam eleg aruhu fug etno hit hiniluk-o.

2 Korintus 1:17

Ariroho nahla birikik ari, yuhun-at ahla birisi ulug buruk ahep ano? Eke an it apheyen uruk hag, nenggal inim, demat inim urukon buruk ahep ano?

2 Korintus 6:1

Eke At Allah ninim eyabuk suruk aheon epmanowen yig hisaruk ahe-o, “Eke hit At Allahen hinabua hisarisimu, At obam eberoko warikibon ari werlek-at warukuk ulug ehep ha nowen,” ulug yig hisehe-o.

Kolose 1:6

Eke wene fano wene ari o ahik ya da ya laheg da laheg suruk halug, hit weregma-at waharisi-o. Waharukmu, At Allah ahien inobam umburuk halug, hit ariroho-at hinesanggo holtikipseg fam At Allah ahien hinobam umburuk-o.

2 Timotius 3:10

Eke hat hag, wene yanggul isaruk ahion etno inim, eke an sil nuruk ahion etno inim, eke ariroho suhuk ulug nahla buruk ahion etno inim, eke Allah wene demat ulug nahla ebetuk ahion etno inim, eke aphe winimug yig isaruk ahi fuhon etno inim, eke aphe ninim ninindi hunduhuk welaheon etno inim, eke dahon etno nobam umburukmu nahla bugsoho welahion etno inim, obog-at hiluk welahen-o.

1 Petrus 5:12

Eke holal og hisihi ari, at nomin Allah inuk warukon Silwanus etno ninimen embehe-o. Hinindi oag wereg amag ulug yig hisaruk wilil, At Allahen ninabua nisaruk halug, hinoag werehep hisaruk aruhu-o. Eke ari halug, hit kidia hinoag weregsoho welamiek-o.

1 Yohanes 2:28

At Yesus-at inim welam fano. Eke At fobik waruhumu, ninenggali elegsoho unda yatuk wilil, Ninowe-o, ulug heahi wabuhuk-o.

3 Yohanes 1:4

Ari hit nudaki Allah inuk waruk wilil fano surukmu nesanggo holtuk atikikseg, nahien harikik-o.

Yudas 1:4

Ari it ap Allah wene uruk ahe-o ulug herako neken hinambeg waharuson epmano, inenggal uruk isalug, Allah inuk inapeleg-at hinambeg waharusareg uruk-o. Dag surukon etno fano at-o, uruk isalug, it epmanowen At Allah ninabuen surukon etno olohotma dahapfurusa-o. Eke amuk holal baleg fam wene ebahon etno ilitoho, iren At Ninowe Yesus Kristus ebe ninapeleg uruk-o. Ariroho uruk isalug, oag deloko dagma imbisahu, ulug holal fam wereg-o.