Kisah Para Rasul 11:20 - Allah Wene Hurumbik Keron

²⁰ Yig isil laruk apareg weregma, it nin o Siprus inim, o Kirene inim Allah wene webahon epmano o Antiokhia waharuk apareg, Ninowe Yesus wene fanowon etno it Allah wene inapelehon inim obog-at yig isebag.

Kisah Para Rasul 11:20 ပူးပေါင်းရင်းမြစ်များ

Matius 27:32

Walug larukmu, ap ibam Kireneon misig inuk Simon etno inim salkal uruk apareg, yig ituk wilil, “Hat e du wimin-o,” ulug inune fanggogsoho yig ituk apareg,

Yohanes 7:35

Ariroho yig isaruk apagma, it Yahudi ap etnowen irit uruk wilil, “At ap duen hiren An heag nabuhup fug ulug yig nisaruk du, At ebe kema liog ulug uruk-o?

Kisah Para Rasul 11:19

Eke at Stefanus etno helep fam waroko umburuk apareg, eke it Allah wene warukon epmano inusuog ulug urukmu hite wilip apahon epmanowen o Fenisia inim, eke o Siprus inim, eke o Antiokhia inim wene fano wene etno it Yahudi ap-at yig isil lebag.

Kisah Para Rasul 11:22

Warukmu, it Yerusalem aphe Allah wene warukon epmanowen inesanggo holtuk apareg, at Barnabas etno o Antiokhia etno lahapfebag.

Kisah Para Rasul 11:26

Laruk apareg, ebe heako walug inim o Antiokhia etno wapag. Waharuk apareg, it Antiokhia aphe Allah wene warukon epmano tahun misig inim wilil, it yi aphe di aphe obog-at yanggul isaruk apag. Yanggul isaruk weregma, o Antiokhia etnowen it Yesus, Allah wene warukon ininuk Kristen ap ulug soal inapag.

Kisah Para Rasul 11:27

Soal inaptuk apareg wilil, it nabi ap inebe dorat o Yerusalemen Antiokhia wapag.

Kisah Para Rasul 13:1

Eke it o Antiokhia aphe Yesus wene webahon epmano inanggelegma wilil, Allah wene yig iseheg, eke yi wene di wene yanggul iseheg surukon epmano ininuk Barnabas inim, Simeon eke inuk misig Niger etno inim, eke at Lukius, Kirene ap etno inim, eke at Menahem, inowe Herodes endag inapahon etno misig inim, eke at Saulus etno inim it obog welapag.

Kisah Para Rasul 14:26

Laruk apareg, it etno ikma so fam o Antiokhia etno lebag. Ari, it bilin o epmen Allah wene yig isil lawag ulug inake sembahyang uruk apareg lahap isebag etno fam iniog suhuluk lebag.

Kisah Para Rasul 15:22

Yig isaruk apagma, it mondep isebahon epmano inim, eke it ap inaso werehon epmano inim, it Allah wene warukon obog inim wene baltuk apareg, nit obog ninanggelegmen it ap misig misig fuloko imbisalug, it Paulus Barnabas inim o Antiokhia epma lahap isul-o, ulug uruk apareg, at Yudas, inuk Barsabas inim eke at Silas inim it biren etano inobabut fano isaruk apareg, heag inapag. Heag inaptuk apareg, holal etno og isebag.

Kisah Para Rasul 15:23

Holal etno og isuog ulug wene holal umburuk wilil, “Hit ninomini o Antiokhia, Siria, Kilikia epma wilil, Allah wene hinapeleg welatikipseg warikibon epmano nit hinomini At Yesusen mondep nisahebahon inim, eke nit ap inaso werehon inimen heahi war hinaptuk ahe-o.

Kisah Para Rasul 15:30

Ari arat nomini,” ulug holal baloko etno og isaruk apareg, it ap etano lahap isaruk apagma, o Antiokhia etno wapag. Waharuk apareg, it Allah wene warukon epmano obog wonggalepfulug holal baloko etno og isebag.

Kisah Para Rasul 17:18

Ariroho suruk atusama, it ap Epikuros wene etno inim Stoa wene etno inim yanggul isarukon epmano inimen inune ayeg waroko uruk wilil, “At ap kimbu angge du nit nongge yig nisiog ulug uruk-o?” ulug uruk atusareg, it nin At Allah ninapelehon ahusa alem etno farim yig nisaruk ano, ulug at Paulusen Yesus Allahen minduhupfirision wene etno yig isarukmu ariroho yig itusa.

Kisah Para Rasul 18:22

Laruk atisireg, epmanowen o Kaisarea kuruk atisireg, o Yerusalem larisi. Laruk atisireg, it aphe o epma Allah wene warukon epmano heahi war inaptuk atisireg, fobik o Antiokhia larisi.

Kisah Para Rasul 2:10

eke Frigia ap inim, eke Pamfilia ap inim, eke Mesir ap inim, eke horog Kirene o Libia ap inim, eke nit Romaen waharukukon inim,

Kisah Para Rasul 4:36

It ninen og isa lebag etno hag, at ap misig inuk Yusuf, ungguluag Lewi, ibam o Siprus epmen endag apahon etno waharuk apagma, it mondep isebahon epmanowen ninindi fano ninaptukon ulug inuk Barnabas soalfag.

Kisah Para Rasul 5:42

Laruk ap nintul nantul o Allah ibam inim, it aphe inibam epmanowen Yesus Kristus awene fano wene etno yanggul isil nuruk apag.

Kisah Para Rasul 6:1

Eke fobik, it nin anggolo Allah wene waruk apagma, it Yahudi ap Yunani une urukon epmano uruk wilil, “Nintul nantul uang sumburoko og isaruk ahebon oke, hweap niron suhweon etno sohorep isehep-o,” ulug it Yahudi ap inune urukon epmano inim winimug apag.

Kisah Para Rasul 6:5

Ulug it mondep isebahon epmanowen yig isaruk apagma, it obohen, “Ari fano ehep-o,” ulug yig isaruk apareg, ap inebe sabiren angge heako imbisebag. It heako imbisebahon epmano ininuk misig at Stefanus Roh Kudus indimu kuruk apagma, Allah wene fanoroho webahon etno inim, eke misig inuk Filipus etno inim, eke misig inuk Prokhorus etno inim, eke misig inuk Nikanor etno inim, eke misig inuk Timon etno inim, eke misig inuk Barmenas etno inim, eke misig inuk Nikolaus o Antiokhia epmen Allah wene apeleg neken wilil, fobik it Yahudi aben wene urukmu webahon etno inim, heako imbisebag.

Kisah Para Rasul 6:9

Sil nurukmu, it Yahudi ap nin inim winimug apag. Winimug apag etno, it Yahudi ap Allah wene uruk ambeg inuk Libertini soalfahon etno alem weregma, it Yahudi ap Sireniaon inim, eke Aleksandriaon inim, eke Kireniaon inim, eke Asiaon inim it obohen at Stefanus inim winimug apag.

Kisah Para Rasul 8:35

Yig ituk wilil, wene holal bilin wane sebahon etno fam At Yesus wene fano wene etno yig epag.

Kisah Para Rasul 8:5

Nin eke at Filipus etno o Samaria laruk apareg, Kristus wene fano wene etno it aphe obog yig isebag.

Kisah Para Rasul 9:20

it o Allah wene uruk ambeg epmano kuruk apareg, At Yesus awene etno yig isebag. Yig isaruk wilil, “At Yesus etno Allah Amloho at-o,” ulug yig isebag.

Kisah Para Rasul 9:29

Yig isaruk wilil, it Yahudi ap inune Yunani une urukon epmano inim wene aptuk apareg, iren wabuog ulug sebag.

1 Korintus 2:2

Eke anden hit hinanggelegma epmen wene werlekon yig hisarikik fug-o. At Yesus Kristus awene etno-at yig hisarikik-o. Eke At Kristus e fam lenggaloko embebagma warapahon wene etno-at yig hisao nahla birikik-o.

Galatia 2:11

Eke fobik at Petrus etno o Antiokhia waharuk atisimu, aren dahan fahan sirision etno farim it aphe obog inil fam esanggo watikik-o.

Efesus 3:8

Eke an nebe it Allah udaki epmano inahla mondog doron-at seberoho welahion oke, it Allah wene inapeleg welatuson epmano wene fano wene yig isil lawag ulug minduhup naharisi-o. Eke anden yig isaruk wilil,