Kisah Para Rasul 11:16 - Allah Wene Hurumbik Keron

¹⁶ Belabik waharuk atisimu, At Ninowe Yesusen yig nisarision epmano nindi ebetuk wilil, ‘At Yohanesen ikma belap inaptision oke, eke hit hag Roh Kudus hinobam belabik waruhu-o,’ ulug yig nisarision etno nindi ebetikik-o.

Kisah Para Rasul 11:16 ပူးပေါင်းရင်းမြစ်များ

Matius 3:11

Eke anden hinindi wereg amag ulug ikma belap hinaptuk ahion oke, eke At an nombolim waruhuon etno, At suon an doron ulug iog eset Aren angge walug lao ari an nakol-o. At etno­wen Roh Kudus og hisaruk wilil, hondok ambulpul neken hinobam belabik waruhu-o.

Matius 3:6

Waha­ruk apareg, iren dag suruk apahon epma­no bukal­tuk apagma, aren ik Yordan ikma belap inaptuk apag.

Markus 1:8

An ikma belap hinaptuk wilil, ik-at hinobam deltuk ahion oke, eke At fobik waruhuon etnowen hag Roh Kudus etno hinobam deluhu-o,” ulug yig isaruk apag.

Lukas 24:8

Yig isaruk apagma, eke it hweap etanowen Aren yig isebahon epmano inindi ebetuk apareg,

Lukas 3:16

Ariroho inahla buruk apagma, at Yohanesen, “Anden ikma belap hinabihireg oke, eke At an nombolim waruhuon etno At suon, an doron ulug iog eset hele homahowon etno hibiluk an nakol-o. Eke At etnowen fobik Roh Kudus og hisaruk wilil, hondok ambulpul neken hinobam belabik waruhu-o.

Yohanes 1:26

Yig ituk apagma, at Yohanes etnowen yig isaruk wilil, “An ikma belap inaptuk ahion oke, ap misig hinapelehon etno hinanggelegma minduhuk wereg-o.

Yohanes 1:33

Nilanggen hihireg oke, At ebe du-o ulug napeleg heheg, At Allahen aphe ikma belap inabuhunen ulug lahap nabik waharision etnowen yig nituk wilil, ‘At fobik Roh Kudus inobam belabik waruhuon etno ungguluagma Roh Kudus etno ambik waharukmu hilanggen hamihin-o,’ ulug At Allahen yig nerehekma, nilanggen hihi-o.

Yohanes 14:26

Eke fobik hag, At Yalmag hinaptukon Roh Kudus An ninuk fam Niknien lahapfik waruhumu, Aren yi wene di wene epmano obog-at yanggul hisaruk halug, hit At Yesusen wene etno obog-at yig nisarisi ulug hinindi ebebuhup-o.

Yohanes 16:4

Eke fobik iren ariroho sukon etno arat fanggog uruk halug, hiren At Yesusen ariroho hurumbik yig nisarisi ulug, hinindi ebebuhuben ulug yi wene di wene epmano obog-at yig hisihi-o,’ ” ulug yig isebag.

Kisah Para Rasul 1:5

Yig isaruk wilil, “At Yohanesen ikma belap inaptuk apahon oke, eke hit hag Roh Kudus hinobam belabik waruhu-o,” ulug yig isebag.

Kisah Para Rasul 20:35

Ariroho ninggiken yabuk surukmu, it inaharek elehon epmano yi angge di angge og isaruk amuhuken ulug yig hisarikik-o. Eke ariroho yanggul hisaruk atikikseg, At Ninowe Yesusen ebahon etno nindimu ebetuk wilil, aphe inaharek holawon etno ninapma seberoho umbulug, yi angge di angge niren og isaruk wilil, ninahien haruk amuhuk-o, ulug At Yesusen ebahon epmano nindi ebetuk wilil, an nebe hit hinanggelegma welatikik-o,” ulug at Paulusen it Efesus ap inaso werehon epmano yig isarisi.

1 Korintus 12:13

Eke At Allahen nit obog-at Roh Kudus misig etno Kristus ebe misig-at amag ulug belap nisa wapag. Eke it Yahudi ap inim, eke it Yunani ap inim, eke it aphe inanggimbu epmano inim, eke it unde werehon epmano inim, obog ninebe misig-at amag ulug ikma belap ninapag. Eke nit obog At Roh Kudusen ambusu etno misig-at og nisebagma, naruk ahe-o.

2 Petrus 3:1

Ari halug nomini-o, hit hinahla burukon eleg amag ulug, yi wene di wene obog-at holal birenam bal hisihion du fam yig hisihi-o.