Kisah Para Rasul 10:45 - Allah Wene Hurumbik Keron

⁴⁵ Belabik waharuk apagma, at Petrus inim, eke it Yahudi ap o Yopeyen inim wapahon epmano inimen, “Wi, it aphe duma Yahudi wene etno inapelehon oke, At Allahen Roh Kudus og isaruk-o,” ulug fog suruk apag.

Kisah Para Rasul 10:45 ပူးပေါင်းရင်းမြစ်များ

Kisah Para Rasul 10:23

Yig ituk apagma, at Petrusen it ap yonggo lebahon etano ninim nohul-o ulug yig isaruk apareg, at ibam etno inim nohobag. Nohoruk apareg, ilikia it Yope ap nin inim, eke it yonggo lebahon etano inim lebag.

Kisah Para Rasul 11:2

Inesanggo holfareg fam, at Petrus etno o Yerusalem laruk apagma, it ap obog iniyunggul ambilik balukag ulug urukon epmanowen at Petrus etno yig ituk wilil,

Kisah Para Rasul 11:3

“Hat keroho ulug ap iyunggul ambilik baleg elehon etno ambeg larikinteg, hinim orom narikip-o?” ulug inune fanggogsoho yig ituk apagma,

Kisah Para Rasul 2:33

Eke At ebe etno Allahen walug inggik bikit fil imbik laharisireg, Roh Kudus og hiruhuk ulug yig epahon etno og itisi-o. Og itisimu, eke Aren og hisahuk ulug ebahon etno ninobam belabik waharukmu hinilanggen haruk ahep-o.

Kisah Para Rasul 2:38

Yig isaruk apagma, at Petrus etnowen, “Hit hinakeleg hinakeleg dag suruk atikibon epmano sohorep isalihipmu, At Yesus Kristus inuk fam hinapelegsoho apma hinombisahukag ulug ikma belap hinabukag-o.

Roma 5:5

Eke demat fanoroho ninombisahaku ulug ninahla buruk wilil, ninindi dag atuk eleg-o. Eke nit ninindimu At Allahen bilin Roh Kudus kelegsoho og nisarision etnowen yig nisaruk wilil, “At Allahen hit hinebe indi hunduhuk wereg-o,” ulug yig nisaruk-o.

Galatia 2:15

Eke nit hag ninebe Yahudi ap endag atuk sowareg fam, it Allah wene inapelehon dag suruk etno hag suruk atukuk fuhon oke, it Yahudi aben wene duroho suruk amuk eke duroho suruk am fug ulug ebahon etno ilitoho suruk etno fam, alem dahon it aphe obog inobam werehon epmano At Allahen elehepfuruk eleg-o.

Efesus 2:11

Eke hit hinebe Allah wene hinapeleg wilil endag apahon epmano it Yahudi aben ininggiken surukon epmano fam, nit hag niniyunggul ambilik balehon welahe-o, eke hit hag hiniyunggul ambilik baleg elehon welahep-o ulug yig hisebahon etno hit bilin keroho welatukuk ulug hinahla ebetuk amiek-o.