Kisah Para Rasul 10:38 - Allah Wene Hurumbik Keron

³⁸ Eke fobik At Allahen Yesus Nazaret ap etno At Roh Kudus inim, eke oag weregsoho suruk amon etno inim obog-at og itisi etno hit hiniluk-o. Eke fobik At Yesus etno Allah inim wilil, it uk warehon fano inabeheg, it setan inindimu werehon lisoko wilip iseheg o ahik ya da obog-at sil nuruk atisi-o.

Kisah Para Rasul 10:38 ပူးပေါင်းရင်းမြစ်များ

Matius 12:15

Iren wabuhuk ulug ebahon etno At Yesus esanggo holtuk apareg, o etno sohorep isalug, o misig lebag. Laruk apagma, it aphe anggolo-at mutlug lebag. Mutlug laruk apagma, it aphe uk warehon epmano obog-at fano inapag.

Matius 12:28

Eke An hag, At Allah Roh Kudus etnowen oag werehon etno og nitukmu, setan lisoko wilip isaruk ahi-o. Ariroho wilip inaptuk nealug, hiren At Allah weregmen sukon etno nit weregmen arat suruk-o, ulug hinahla buruk am fano-o.

Matius 9:19

At Yesus minatuk apareg, omini epmano ap etno inim mutlug lebag.

Matius 9:35

Eke fobik At Yesus etno o ahik ya da o sumu dotma epmano ya keheg lebag. Laruk wilil, it o Allah wene uruk ambeg epmanowen yanggul iseheg, eke At Allah weregmen sukon wene fano wene etno yig iseheg, eke it uk warehon epmano obog-at fano inabeheg sil nuruk apag.

Markus 6:6

Fano inaptuk apareg, ahla buruk wilil, “It aphe duma An nobam ebetuk eleg du, wi, keroho ulug suruk-o?” ulug ahla buruk apareg, o sili alilukke epmano yig isil nuruk apag.

Lukas 3:22

sue yalme etno ilitoho Roh Kudus At obam ambik wapag. Ambik waharuk apagma, boholmen une yig ituk wilil, “Hat An Namloho nindi hunduhuk atma, nindi nahien hihi-o,” ulug yig epag.

Lukas 4:18

“An Allah Ahurangge ninim welahe-o. Ninim wilil, Aren aphe inaharek elehon epmano wene fano wene etno yig isawag ulug minduhup naharuk wilil, ambusu amben fanowon etno nobam deltisi-o.

Lukas 9:42

Yig ituk apagma, udag etno waharuk heheg, at setanen waroko kweanma yinggipfuruk apagma, nenek sebag. Nenek suruk apareg weregma, At Yesusen setan dahon etno winimug yig ituk apareg, udag etno fano sebag. Fano suruk apareg, At etno ikni og epag.

Lukas 9:56

Yig isaruk apareg, it epmano o misig lebag.

Yohanes 10:32

Waruk apagma, At Yesusen yig isaruk wilil, “At An Nikni etnowen ariroho sukag ulug yig nepareg fam, yi yabuk di yabuk fanowon epmano obog-at hinil fam suruk atikikon oke, eke alem fanowon misig keroho sirikikmu helep fam nowabuog ulug suruk ahep-o,” ulug yig isebag.

Yohanes 16:32

Ariroho uruk ahebon oke, fobik hit hinibam dombog muko wilip hisaharuk amuhupmu, wilip atuk wilil, An nakeleg-at sohorep nahalug wilip amuhup-o. Eke An nakeleg-at welaruhuk ihi ari, demat ihi fug-o. An Nikni etno ninim-at welamuhuk-o.

Yohanes 3:2

o misihim hubanggo At Yesus ambeg wapareg, yig ituk wilil, “Ninowe yanggul nisarukon wai, Haren yanggul nisawag ulug At Allahen lahap habik waharisi etno nit niniluk-o. Eke at ap misig Allah inim welatlep fugmen, Haren sukfugangge suruk ahenon epmano suruk atlep fug-o,” ulug yig epag.

Yohanes 3:34

Eke it At Allahen lahap isa waharukon epmano, At Allahen Roh Kudus suroho og isaruk etno fam At Allah awene etno-at yig isaruk-o.

Yohanes 6:27

Ariroho heag nabil wahebon oke, hit orom filik atukon etno-at nuog ulug yabuk suruk am fug-o. Orom filik atuk elehon ari hiniluk welamon etno-at huluog ulug suruk amuk-o. Orom filik atuk elehon ari hinim hiniluk welamon etno-at nuog ulug suruk amuk-o. Orom ebe ari An Allahen minduhup naharision etnowen-at og hisahuk-o. Ariroho og hisahuk ari, At Nikni Allah etnowen-at nebe suon welamag ulug minduhup nahabag-o,” ulug yig isebag.

Kisah Para Rasul 10:37

Eke fobik at Yohanesen it yi aphe di aphe ikma belap inaptuk atisimu, o Galilea Yudea inim it obog-at Allah wene warusa etno hit hiniluk-o.

Kisah Para Rasul 2:22

Hit hinesanggo fanoroho holiek-o. Bilin At Yesus Nazaret ap etno hinim weregma, At Allahen Yesus inggik fam yanggul itukmu, sukfugangge seheg, eke elalintoho seheg, eke inakol hawon seheg surukmu, At Allahen lahabik waharision etno du-at ulug hit obog hiniluk atisi-o. Ari At ebe hinim wilil surukmu, hiniluk atisi-o.

Ibrani 1:9

Eke it fanoroho surukon halug, hahien isaruk ahen-o. Eke it dag surukon halug, hambit isaruk ahen-o. Ari halug, An Hikni Allah etnowen it homini epma sohorep isalug, Hat hag yi angge di angge obog unde welahen etno fam, Hat hahien hahunen ulug, Anden imig haptikik-o,” ulug yig epag.

1 Petrus 5:8

Eke hinindi fanoroho yaha welamiek-o. At selion hinim healeg welahebon iblis etno wam eli neken sil nuruk wilil, ap misig indi kahalepfulug libilik-o, ulug heag hinabil nuruk-o.

1 Yohanes 2:20

Hit halug, Roh Kudus hinobam imbirisimu, yi angge di angge epmano obog hiniluk-o.

1 Yohanes 3:8

Eke at misig nintul nantul dag surukon halug, at iblisen angge-at wereg-o. At iblis halug, dag surukon ari itog-at wereg-o. Eke at iblisen surukon etno eleg amag ulug At Yesus, Allah Amloho kweanma wapag-o.