Kisah Para Rasul 10:34 - Allah Wene Hurumbik Keron

³⁴ At Petrus etnowen yig isaruk wilil, “Kidia At Allahen yi aphe di aphe obog ilitoho-at ilanggen nisaruk hihi-o.

Kisah Para Rasul 10:34 ပူးပေါင်းရင်းမြစ်များ

Matius 22:16

Ariroho wene baltuk apareg, it inosi nin inim, eke it Herodian ap nin inim At Yesus ambeg lahap isaruk apagma, it epmano laruk apareg, yig ituk wilil, “Ninowe yanggul nisarukon wai, Hat hebe henggal eheg eleg, demat urukon ulug nit niniluk-o. It apheyen inahla burukon inim, eke ap misig suon ano doron ano ulug inahla burukon inim obog-at hahlahiroho wilil, honggarehen-at hakol elehepfulug yangguksoho uruk ahenon du, At Allahen wene duroho suruk amuk eke duroho suruk am fug ulug yig isebahon etno demat yangguloko yig isaruk ahen-o.

Matius 5:2

Ambeg waharuk apagma, wene yig isiog ulug yanggul isaruk wilil,

Lukas 20:21

Inahla buruk apagma, it uang anggen herako og isebahon epmano At Yesus ambeg laruk apareg, yig ituk wilil, “Ninowe yanggul nisarukon wai, Haren wene yig isaruk wilil, demat yanggul isaruk ahenon epmano niniluk-o. Eke it apheyen ap misig suon ano, doron ano ulug inahla burukon etno hahlahiroho wilil, Haren yig isaruk ahen ari, At Allahen wene duroho suruk amuk eke duroho suruk am fug ulug yig isebahon etno demat yig isaruk ahenon etno niniluk-o.

Kisah Para Rasul 10:33

hat hebe wamag ulug it etna hambeg yonggo lahap isarikik-o. Lahap isarikikmu, nomin, hat nea wahen ari fano. Eke kidia At Ninowe Yesus etnowen duroho yig isimuk ulug yig hitukmu, haren yig nisamihinon etno ninesanggo holtulen ulug At Allah il fam nit obog wonggaloko welahe-o,” ulug at Korneliusen Petrus etno yig epag.

Kisah Para Rasul 15:9

Eke it epmano nit ninim ilitoho welamag ulug ninombisaharisimu, it epmano At awene eberoko waruk atusama, iren dag suruson epmano inapelegsoho apma imbisarisi-o.

Kisah Para Rasul 8:35

Yig ituk wilil, wene holal bilin wane sebahon etno fam At Yesus wene fano wene etno yig epag.

Roma 2:11

Eke ariroho suhu ari, it apheyen inaren baltuk wilil, it inominien surukon halug seberoho embeheg, eke it werlekonen surukon halug selegma bukaleheg suruk ari hag, suhu fug-o. At Allah ninaren baltuk wilil, it dag surukon epmano onggo dagma imbiseheg, eke it fano surukon etno fanoma imbiseheg suhu-o.

Roma 3:29

Eke At Allah it bilin Allah wene inapeleg welatuson epmano hag Inikni fug, nit Yahudi ap-at Ninikni ulug hinahla buruk ahep ano? Ari eleg-o. Nit obog-at dambuksoho Ninikni wereg-o.

Galatia 2:6

Eke it Allah udaki inowesi epmanowen at Paulus wene misig apeleg ulug yig nitusa fug-o. Eke it inowesi ari bilin ap kerohon welapag ulug an napeleg yuhun-at welahi-o. Eke At Allahen ap du olohore dahon, du olohore fanowon ulug yig isaruk eleg-o.

Efesus 6:9

Eke hit hinanggimbu iniknisi ari hag, it hinanggimbu epmano hinune fanoroho-at yig isaruk amuk-o. Eke inusuog ulug hinune fanggogsoho yig isaruk ahebon etno sohorep isiek-o. Eke hit inim, it hinanggimbu etno inim, At Hinowe boholma misig-at wereg-o. Eke Aren it aphe kweanmon epmano nin dag nin fano ulug uruk eleg-o, obog ilitoho-at yig isaruk-o.

Kolose 3:11

Inobabut ketoho imbisarukon etno, it ap bilin Allah wene inapeleg welatuson inim, eke it Yahudi ap inim, it iniyunggul ambilik balehon etno inim, eke baleg elehon inim, it Barbar ap epmano inim, eke it Skit ap epmano inim, ari it aphe inune ninilukon epmano inim, eke inune ninapelehon epmano inim, eke ap suon inim, eke ap kimbu inim, it obog-at Kristus inim wilil, inebe misig-at inindi hunduhuk wereg-o.

Kolose 3:25

Eke it yabuk inahlahiroho wilil yuhun-at surukon halug, At Allahen onggo og isahu fug-o. Eke it yabuk dagsoho suruk amuhubon halug, At Allahen it suon inim, eke it doron inim obog-at inabua isalug eleg-at o dagma imbisahu-o.

Yakobus 2:1

Nomini-o, hit At Ninowe inuk suon Yesus Kristus udaki welahep halug, ap hiren angge suon etno inuk suontepfeheg, eke ap aharek elehon etno inuk apmarepfeheg suk fug-o.

Yakobus 2:4

It aphe inebe obog ilitoho-at heheg, inasum selemon etno farim hiren dag ulug hinahla buruk wilil, heal inabuk fug-o, nomini.

Yakobus 2:9

hiren it aphe inolohore selema fil werehon hinil isaruk wilil, heal inaptuk ahep ari, hai neken suruk ahep-o. Eke ariroho suruk wilil, wene duroho suruk amuk eke duroho suruk am fug ulug yig nisebahon etno dahap suruk ahep-o.

1 Petrus 1:17

Eke hit At Allah obam sembahyang uruk wilil, Ninikni-o ulug yig ituk ahep-o. Ariroho yig ituk ahep ari, At Allahen aphe obog ninaren baltuk weregma, At apma wilil o kweanmen hiniluk wilil dia, At Ninikni une-at holtuk amuk-o, ulug hinindi ebetuk amiek-o.