Kisah Para Rasul 10:31 - Allah Wene Hurumbik Keron

³¹ yig nituk wilil, ‘Kornelius wai, hat sembahyang irikinon etno At Allahen esanggo holtisireg, haren inabuap sirikinon epmano iluk atisi-o.

Kisah Para Rasul 10:31 ပူးပေါင်းရင်းမြစ်များ

Lukas 1:13

Akol haruk apagma, eke At Allah malaikat etnowen yig ituk wilil, “Zakharia wai. Hiren sembahyang uruk atikibon epmano At Allah esanggo holtisireg fam, hat huhwe Elisabet etno hit hinahudag ap angge at enderuhu-o. Endetuk aruhumu, hiren inuk Yohanes-at soaluhup-o.

Kisah Para Rasul 10:30

Yig isaruk apagma, at Kornelius etnowen yig ituk wilil, “An nibamen o uwa etno hupmu jam tiga fam sembahyang uruk atikikseg weregma, ap misig asum huluon yihikon etno nolohotma binagsoho waharisireg,

Kisah Para Rasul 10:32

Ariroho iluk atisireg fam, haren ap misig inuk Simon Petrus o Yope ap Simon wam ahap denetukon ibam ik ayegma inim wereg epmano wamag ulug yonggo lahap isin-o,’ ulug yig nitisimu,

Kisah Para Rasul 10:4

Ilanggen haruk apareg, akoltoho weregma, at malaikat etnowen yig ituk wilil, “Kornelius wai,” ulug yig ituk apagma, aren, “Hat nongge yig niriog ulug wahen-o?” ulug yig ituk apagma, at malaikat etnowen, “Haren sembahyang eheg, aphe inabuen yi angge di angge og iseheg surukmu, At Allahen habua hearisi-o.

Filipi 4:18

Eke hiren nombaharikibon etno arat og nitisimu, kidia yi angge di angge obog-at wereg-o. Eke hiren yi angge di angge nombaharikibon epmano at Epafroditus etnowen og nirik waharisireg fam, kidia an naharek obog-at wereg-o. Eke hiren an nombaharikibon epmano ambusu amben fanowon neken At Allah ake ulug umburuk atikipseg fam, At Allah ahien hisahu-o.

Ibrani 6:10

Eke At Allahen dahan fahan suruk eleg-o. Ari halug, hit yabuk fanowon suruk atikibon etno inim, eke At Allah hinindi hunduhuk wilil hinomini At Kristus awene warukon epmano inabuen yi angge di angge nintul nantul og isaruk atikibon epmano inim obog-at apeleg aruhu fug-o.

Wahyu 5:8

At Wam Domba Udag etnowen hola­ruk atisimu, it inebe empat iniluk werehon epmano inim, eke it penatua inebe dua puluh empat epmano inim At Wam Domba Udag etno ambeg inindibahal yungguksoho horie uruk wilil, binggon inuk kecapi etno inim, eke At Allah udakien sembahyang urukon epmano ilitoho ulug ik oag emas fam sehon etno inim ininggikmu senetu­sa-o.