Kisah Para Rasul 10:22 - Allah Wene Hurumbik Keron

²² “At ninowe Kornelius lahap nisa waharisimu wahe-o. Eke at Kornelius ebe etno fano wilil, At Allah inuk suontepfurukmu, it Yahudi ap epmanowen ninomin ulug fog suruk-o. Eke at Kornelius etno Allah malaikat misihen yig ituk wilil, at Petrusen wene yig hiriog ulug hibam wamagsoho ayonggo lawag-o,” ulug Kornelius yig epahon etno At Roh Kudusen fobik Petrus yig epag.

Kisah Para Rasul 10:22 ပူးပေါင်းရင်းမြစ်များ

Matius 1:19

Ariroho ahumla atuk apagma, at Yusuf indi fano weregma, uhwe selegma enggali wabuk amberaken hwe etno herako sohorep isaminen ulug ahla bebag.

Matius 2:12

Og ituk apareg, nohoruk­mu, At Allahen yig isaruk wi­lil, “At Herodes weregke hiniog fene la fug-o,” ulug yig isarukmu ini og hebag. Ini og haruk apareg, iniluk atlug kwalem werlek­keyen inibam lebag.

Markus 6:20

at Herodes etnowen ahla buruk wilil, at Yohanes obabut fano mondog surukon etno ebe nakol-o, ulug ili waruk apareg, wabuk fug-o ulug maha embebag. Maha umburuk apareg, at une esanggo holfag etno fam, yi angge di angge suruk wilil, at Yohanes une esanggo holiog ulug welapag.

Markus 8:38

Eke fobik it aphe duma narlog harlog seheg, yi dag di dag seheg suruk iseheg, hit hinim-at wilil An nawene etno yig isao hinenggalien sohorep isaruk amuhup halug, fobik An Allahen minduhup naharision etno it boholma malaikat epmano ninim At An Nikni etnowen ninalontoho lahap nisa waharuk aruhumu, Anden hinili wao sohorep hisahakuk-o,” ulug yig isebag.

Lukas 2:25

Nin eke ap misig inuk Simeon etno o Yerusalem welapag. At ap etno indi fano mondog wilil, Allahen yig epahon etno-at suruk apag. Eke At Roh Kudus indimu wilil, at it Israel aphe inindi fano inaptukon etno aso welapag.

Lukas 23:50

At Yesus etno waratuk apagma, ap misig inuk Yusuf, ibam it Yahudi ap inibam o misig inuk Arimateaon welapag. At etno obabut fano mondog wilil, indi seberoho welapag. Ariroho wilil, At Allah weregmen sukon etno aso welapag. Eke at ebe wene baltukon inowe-at oke, it ominien wabuog ulug wene baltukmu, at amberaken inim wene balfag fug.

Lukas 9:26

Eke hit An ninuk inim, An nawene etno inim yig isao hinenggalien sohorep isaruk amuhup halug, fobik An Allahen minduhup naharision etno An Nikni inim, it boholma malaikat epmano inim ininuk suon wereg etno hag ninuk suontep naharuk amuhupmu, Anden hinili wao sohorep hisahakuk-o,” ulug yig isaruk apareg, eke fobik yig isaruk wilil,

Yohanes 13:20

Ariroho yig hisihireg fam, wene demat uruk amon etno yig hisamin-o, “It aphe ninen An nanggimbu lahap isa waharuk ahion epmano demat ulug heahi war inaptuk isalug, An nebe-at heahi war naptuk-o. Eke An nebe heahi war naptuk isalug, At lahap nabik waharision etno-at heahi watuk-o,” ulug yig isebag.

Yohanes 17:20

Eke An sembahyang uruk ahi ari, it inakeleg-at inake sembahyang uruk ahi fug-o. Eke iren wene yig isil nurukmu it nin An nobam eberoko wahubon inim-at inake sembahyang uruk ahi-o.

Yohanes 17:8

Eke wene Haren og nitikinon etno yig isaruk atikikmu, iren eberoko warusareg, At Yesus etno At Allahen lahabik waharisimu, ebe At Allah wereg ambeg epmen demat waharisi hehe-o, ulug iniluk atisi-o.

Yohanes 5:24

Yig isaruk apareg, eke fobik yig isaruk wilil, “An wene demat urukon etno yig hisamin-o. Eke it obohen An nawene urukon etno inesanggo holtuk wilil, At lahap nabik waharision etno obam ebetuk isalug ari, iniluk welamon etno-at holaruk-o. Ariroho holaruk isalug, it inebe warehon ilitoho werehon epmano arat inilukep isarisireg fam, fobik oag deloko o dagma imbisahu fug-o.

Yohanes 6:63

Ari halug, iniluk inaptuk ari, At Roh Kudusen-at iniluk inaptuk-o. Eke hit ebe nawon etno-at hinahla buruk ahep du, we hai neken-at buruk ahep-o. Eke An wene yig hisihi etno At Roh Kudusen iniluk inaptukon etno farim-at yig hisihi-o.

Yohanes 6:68

Yig isaruk apagma, at Simon Petrus etnowen yig ituk wilil, “Ninowe-o. Nit sa ambeg lul-o? Hat wene niniluk welamon etno unde wilil, yig nisaruk ahen-o.

Kisah Para Rasul 10:2

Ariroho wilil, at inim werehon epmano inim, Allah inuk suontepfeheg, it Yahudi ap inaharek elehon yi angge di angge og iseheg nintul nantul At Allah obam sembahyang eheg suruk apag.

Kisah Para Rasul 10:21

Yig ituk apagma, at Petrus etno minatlug amburuk apareg, it ap etano yig isaruk wilil, “Hit an heag nabil wahep halug, nebe du welahi-o. Eke hit hinebe keroho ulug wahep-o?” ulug yig isaruk apagma, it etanowen yig ituk wilil,

Kisah Para Rasul 10:30

Yig isaruk apagma, at Kornelius etnowen yig ituk wilil, “An nibamen o uwa etno hupmu jam tiga fam sembahyang uruk atikikseg weregma, ap misig asum huluon yihikon etno nolohotma binagsoho waharisireg,

Kisah Para Rasul 10:33

hat hebe wamag ulug it etna hambeg yonggo lahap isarikik-o. Lahap isarikikmu, nomin, hat nea wahen ari fano. Eke kidia At Ninowe Yesus etnowen duroho yig isimuk ulug yig hitukmu, haren yig nisamihinon etno ninesanggo holtulen ulug At Allah il fam nit obog wonggaloko welahe-o,” ulug at Korneliusen Petrus etno yig epag.

Kisah Para Rasul 10:6

Eke at Petrus etno at Simon wam ahap denetukon etno ibam horog ik ayegma epma inim wereg-o,” ulug yig ituk apareg,

Kisah Para Rasul 11:14

Lahap isamihinmu, at etno waharuk aruhureg, wene hat homini hinim hinili wawon etno yig hisaruk aruhu-o,’ ulug at Kornelius etnowen yig nitisi-o.

Kisah Para Rasul 22:12

Nombahik waharusareg weregma, o Damsyik epma ap misig inuk Ananias Allah wene holtug bilin wene duroho suruk amuk eke duroho suruk am fug ulug ebahon etno esanggo holtukmu, it Yahudi ap obohen ap du fano ulug uruk atuson etno nambeg waharisireg, yig nituk wilil, ‘Nomin Saulus wai. Hat hilanggen fenggen amin-o,’ ulug yig nituk atisimu, nilanggen fenggen atuk atikikseg, at ebe yetsoho weregma,

Kisah Para Rasul 24:15

Eke At Allahen aphe fanowon inim, dahon inim iniluksoho minduhup isahuon it Yahudi aben demat ulug inindi ebetuk etno hag, anden ariroho-at ebetuk ahi-o.

Kisah Para Rasul 6:3

Ari halug, hiren ap Roh Kudus inindimu werehon inebe sabiren angge-at heako imbisalihipmu, iren uang sumbut hisaruk amag ulug niren minduhup isul-o.

Roma 1:17

Eke o amuk wene holal balfahon etno fam yig nisaruk wilil, “It aphe inindi werehon epmano At Allah obam ebetuk isalug, alem dahon inobam werehon etno elehepfulug fanoroho ninim welamuhuken ulug dambuk inabuhu-o,” ulug wene holal balfag etno ilitoho, kidia, “It aphe wene fano wene etno eberoko waruk isalug, ari fam At Allahen alem dahon inobam werehon epmano elehepfulug fanoroho imbisahu-o,” ulug wene fano wene etnowen bukaloko yig nisaruk-o.

2 Korintus 5:18

Eke ket wal nisarision ari At Allahen-at wal nisarisi-o. Eke nit bilin At ninim healeg welatukukon etno At Kristus inuk fam At Allahen At ninim welamuog ulug dambuk ninaptisireg fam, it aphe nin epmano ilitoho-at At Allah ninim welamon dambuk inabukag ulug mondep nisaharisi-o.

1 Timotius 3:7

Ap minduhupfukon etno aren surukon etno fam aphe selemonen at abug baleheg, enggali wareheg suruk elehon welamag-o. Eke bak helema waratuk etno hag, at iblis ahele etno fam anggolop keteroho walug la nowen-o. At ap minduhupfukon etnowen surukon it aphe selemonen dindiltuk wilil, ap ari obabut fanowon-o, ulug uruk isalug, ap etno-at minduhupfuk fano-o.

Ibrani 10:38

Eke it An nudaki inobabut fanowon epmano demat ulug buruk amuhup etno fam iniluk welamuhup-o. Eke it An nudakion epmano at misig nambit ulug olohore wilip atuk halug, An nahien hahuk fug-o,” ulug ariroho ebag-o.

Ibrani 11:2

Eke it o amuk demat ulug inindi ebetuk apag etno fam, At Allahen ahien isaruk apag-o.

Ibrani 12:23

Ariroho waharikip ari, At Allah udaki manggia endohowon, boholma ininuk holal baleg werehon epmano inahien haruk wilil wonggalik waharuk ambeg etno-at waharikip-o. Eke misig, At Allah it yi aphe di aphe inoag del inaptukon epmano inim, eke it aphe fanowon inobabut fano inapahon inahurangge epmano inim wereg ambeg epmano-at waharikip-o.

2 Petrus 3:2

Eke amuk it nabi aben Allah wene ebahon etno inim, eke Ninowe dil ninaptukon omini inune fam komo yig hisebahon epmano inim obog-at hinahla ebebukag ulug holal du bal hisihi-o.

3 Yohanes 1:12

Ari halug, at Demetrius etno obabut fano-at wereg-o, ulug it obohen yig nituk-o. At obabut fano wereg ulug, Allah wene etnowen yig nituk-o. At obabut fano wereg ulug, anden ariroho demat ulug yig hituk ahi-o.

Wahyu 14:10

eke ininggikmu, eke inilahoagma walo aholal werehon etno inim, At Allahen asineroho dahon etno inobam umbuhu-o. Eke it malaikat epmano inim, eke At Wam Domba Udag etno inim inolohotmen it obog dag suruson epmano o hondok olokma welamuhup-o.