Kisah Para Rasul 10:2 - Allah Wene Hurumbik Keron

² Ariroho wilil, at inim werehon epmano inim, Allah inuk suontepfeheg, it Yahudi ap inaharek elehon yi angge di angge og iseheg nintul nantul At Allah obam sembahyang eheg suruk apag.

Kisah Para Rasul 10:2 ပူးပေါင်းရင်းမြစ်များ

Matius 25:17

Ombataruk heheg, eke at anggimbu misig dua ribu og epahon etno fobik obam seberoho dua ribu-at ombatebag-o.

Lukas 18:1

Nin eke fobik it apheyen sembahyang nintul nantul uruk wilil, inindi arik atlug inahla bug am nowen ulug At Yesusen yanggul isebag.

Lukas 2:25

Nin eke ap misig inuk Simeon etno o Yerusalem welapag. At ap etno indi fano mondog wilil, Allahen yig epahon etno-at suruk apag. Eke At Roh Kudus indimu wilil, at it Israel aphe inindi fano inaptukon etno aso welapag.

Kisah Para Rasul 10:22

“At ninowe Kornelius lahap nisa waharisimu wahe-o. Eke at Kornelius ebe etno fano wilil, At Allah inuk suontepfurukmu, it Yahudi ap epmanowen ninomin ulug fog suruk-o. Eke at Kornelius etno Allah malaikat misihen yig ituk wilil, at Petrusen wene yig hiriog ulug hibam wamagsoho ayonggo lawag-o,” ulug Kornelius yig epahon etno At Roh Kudusen fobik Petrus yig epag.

Kisah Para Rasul 10:31

yig nituk wilil, ‘Kornelius wai, hat sembahyang irikinon etno At Allahen esanggo holtisireg, haren inabuap sirikinon epmano iluk atisi-o.

Kisah Para Rasul 10:35

Ariroho weregma, nit At ebe ninakoltoho wilil, fano mondog suruk nisalug, Aren nudaki ulug nit yi aphe di aphe kweanma werehon obog-at heahi war ninaptuk-o.

Kisah Para Rasul 10:4

Ilanggen haruk apareg, akoltoho weregma, at malaikat etnowen yig ituk wilil, “Kornelius wai,” ulug yig ituk apagma, aren, “Hat nongge yig niriog ulug wahen-o?” ulug yig ituk apagma, at malaikat etnowen, “Haren sembahyang eheg, aphe inabuen yi angge di angge og iseheg surukmu, At Allahen habua hearisi-o.

Kisah Para Rasul 10:7

at malaikat etno laharuk apagma, at Kornelius etnowen it uma yabuk surukon biren inim, at anggimbu ap sehen senehon Allah wene warukon misig inim wol inaptuk apareg, waharuk apagma,

Kisah Para Rasul 11:14

Lahap isamihinmu, at etno waharuk aruhureg, wene hat homini hinim hinili wawon etno yig hisaruk aruhu-o,’ ulug at Kornelius etnowen yig nitisi-o.

Kisah Para Rasul 13:16

at Paulus etno minatuk apareg, yig isaruk wilil, “Hinune bok amiek-o. Hit nomini Israel ap inim, eke hit Allah wene warukon inim hit obog an wene yig hisaminen an nune hinesanggo holtuk amiek-o.

Kisah Para Rasul 13:26

Ariroho yig isebag etno hag, eke kidia yig hisaruk ahi-o. Eke hit nomini Abraham etamuki inim, eke hit o duma Allah wene waruk ahebon inim obog-at yig hisamin-o. Wene ninili wawon etno nit-at yig nisaruk-o.

Kisah Para Rasul 13:50

Su atuk apagma, it Yahudi aben it hweap suon Yahudi wene warukon epmano inim, eke it o epma inowesi suon inim yig isaruk wilil, “It Paulus Barnabas du war inabiek-o,” ulug yig isaruk apagma, it epmanowen Paulus Barnabas muko wilip isebag.

Kisah Para Rasul 18:8

Eke at Krispus o Allah wene uruk ambeg aso werehon etno Allah wene eberoko waruk atisimu, it omini uma werehon epmano inim-at eberoko warusa. Waruk atusama, it Korintus aphe anggolo nin inim Allah wene inesanggo holtuk wilil eberoko waruk atusama, ikma belap inaptisi.

Kisah Para Rasul 2:5

Uruk wilil weregma, eke it Yahudi aphe Allah wene warukon o ahik ya da epmen o Yerusalem wapareg welapahon epmano une etno urukmu holtuk apareg, wonggalik lebag.

Kisah Para Rasul 22:12

Nombahik waharusareg weregma, o Damsyik epma ap misig inuk Ananias Allah wene holtug bilin wene duroho suruk amuk eke duroho suruk am fug ulug ebahon etno esanggo holtukmu, it Yahudi ap obohen ap du fano ulug uruk atuson etno nambeg waharisireg, yig nituk wilil, ‘Nomin Saulus wai. Hat hilanggen fenggen amin-o,’ ulug yig nituk atisimu, nilanggen fenggen atuk atikikseg, at ebe yetsoho weregma,

Kisah Para Rasul 8:2

it ap nin inobabut fanowon epmanowen ebe waroko embebahon etno walug obok yatuk wilil, kweanma salepfik lebag.

Kisah Para Rasul 9:11

At Allahen yig ituk wilil, “Hat minatlug kwalem inuk Fanowon etno fam laruk wilil, at Yudas ibam etno kik wapmihinteg, haren ap o Tarsus ap misig inuk Saulus etna duma wereg ano?” ulug hinog wahun-o eke, “At ap etno sembahyang uruk heheg,

Kisah Para Rasul 9:31

Lahapfuruk apagma, it o Yerusalem, Galilea, Samaria aphe Allah wene warukon epmano obog fano welapag. Fano wilil, it inebe At Roh Kudusen yalmag inaptukmu anggolo apag. Inebe anggolo atuk apareg wilil, At Allah apma seberoho welapag.

Kisah Para Rasul 9:36

Waruk apareg weregma, eke fobik o Yope epma at hwe Tabita eke it Yunani inune fam Dorkas, ari Wam rusa etno inuk fene soalfahon etnowen yi angge di angge obog fano seheg, inaharek elehon sumbut iseheg, suruk apareg, fobik uk hundoko warapag.

Kolose 4:2

Eke hit nintul nantul sembahyang uruk amuhup-o. Eke Ninikni Allah wa ulug sembahyang uruk amuhup-o.

1 Tesalonika 5:17

Eke hit ilikia hupmu sembahyang uruk amuk-o.

Yakobus 1:5

Eke at misig indi fanoroho ebetuk elehon hinim wereg hisalug, At Allah obam sembahyang uruk wilil, “Nindi fanoroho ebebukon etno-at og nimin-o,” ulug sembahyang urukmu, At Allah yi angge di angge anggolo og nisarukon etnowen og hiruhu-o.

Wahyu 15:4

Eke Hat akol hearuk elehon misig wereg ano? Eke Hat hinuk suontepfuruk elehon misig wereg ano? Hat hebe suon hoag werehon-at welahen-o. Eke it yi aphe di aphe inungguluag dombohen Hat fanowon suruk ahenon etno inilanggen hearuk atusareg fam, Hat hambeg waharuk amuhupseg, Hat holohotmen hinuk fam sembahyang uhup-o,” ulug di etno urusa-o.