Kisah Para Rasul 10:15 - Allah Wene Hurumbik Keron

¹⁵ eke fobik une misig yig ituk wilil, “At Allahen yalep ehekseg fam, haren uson ulug imbisa fug-o,” ulug yig epag.

Kisah Para Rasul 10:15 ပူးပေါင်းရင်းမြစ်များ

Matius 15:11

Yi angge di angge ninelma naruk aheon etnowen dag seko ninombisaharuk eleg-o. Eke ninindimuen wilip atukon etnowen-at dag seko ninombisaharuk-o,” ulug yig isebag.

Markus 7:19

Orom naruk fano oke, ninindimu kuruk eleg-o. Arikon etno ninahum famen wilip atuk oke, orom naruk ahe etnowen dag seko ninombisaharuk eleg du haruk ahep?” ulug yig isebag. Ariroho yig isebag ari, orom inim, yi angge di angge inim nao ari fano at-o,” ulug yig isebag.

Kisah Para Rasul 10:16

Yig epahon etno dahagsoho inggik henahanam yig ituk apareg, sum etno suhuluk lisoko walug laharukmu ilanggen hebag.

Kisah Para Rasul 10:28

yig isaruk wilil, “Nit Yahudi ap Allah wene waruk aheon epmano it aphe Allah wene waruk elehon inambeg lao hai oke, Allahen yi aphe di aphe inambeg lao ari usa eleg-o, ulug yig nitisi-o.

Kisah Para Rasul 11:9

une etno boholmen yig nituk wilil, ‘At Allahen yalep ehekseg fam, haren uson ulug sohorep isa fug-o,’

Kisah Para Rasul 15:20

Eke niren holal baloko og isaruk wilil, wene alem empat dia hiren suk fug ulug yig isuk; ari alem kwanangge anggom ulug waroko umburukon epmano na fug-o. Eke wanggik suk fug-o. Eke yi angge di angge amep eleg warehon na fug-o. Eke amep ebe inim na fug-o, ulug alem holal baloko umbulug og isa fano-o.

Kisah Para Rasul 15:29

Ariroho yig hisehereg fam, wam kwanangge anggom ulug waroko umburukon epmano na fug-o. Eke amep inim na fug-o. Wam amep eleg warehon na fug-o. Eke wanggik suk fug-o, ulug wene yig hiseheon du waruk wilil, hit hinebe fano-at welamag ulug yig hisehe-o.

Kisah Para Rasul 15:9

Eke it epmano nit ninim ilitoho welamag ulug ninombisaharisimu, it epmano At awene eberoko waruk atusama, iren dag suruson epmano inapelegsoho apma imbisarisi-o.

Roma 14:14

Eke an At Ninowe Yesus ninim nindi hunduhuk wilil, yi angge di angge epmano uson eleg ulug nahla buruk wilil, demat niluk atisireg, yig hisaruk ahi-o. Eke ap misihen alem du suruk am usa-o ulug ahla buruk halug, alem ari fam ahla burukon epmano uson na fuhon-at welamag-o.

Roma 14:20

Eke At Allahen fanoroho sirision etno hiren alem yi angge di angge nawon epmano fam seberoho umbuk fug-o. Eke yi angge di angge epmano obog yuhun-at nao ari fano-at oke, at ap hinomin misig etno dahapfehep ha nowen ulug alem arion na fug yig hisihi-o.

1 Korintus 10:25

Eke it epmanowen wam inu onggo hundutuk ambeg epmanowen og hisaruk etno nao fano ano, dag ano? ulug hinahla buruk eleg wilil, og hisarukon etno obog-at nao fano-o.

Titus 1:15

Eke it ap inindi fanowon halug yi angge di angge obog-at nao ari fano at-o. Eke it ninen Allah wene ebetuk eleg wilil, inindi dahon halug, yi angge di angge nawon etno usa ulug uruk-o. Eke it ariroho urukon epmano inahla burukon inim, eke inobabut surukon inim obog-at sabele neken denggelepatalug wereg-o.

Wahyu 14:20

Baltuk atisireg, anggen etno walug selema filen bisaltuk atisi-o. O bisaltuk ambeg etnowen bisaltuk atisimu, mep-at ik eleruk ahik neken wilik wahari­sion etno, anggolo yenggel atuk atisireg, atog yaron-at larisi-o.