Kisah Para Rasul 10:1 - Allah Wene Hurumbik Keron

¹ Eke o Kaisarea etno ap misig inuk Kornelius welapag. At etno it Italiaon Roma ap sehen senehon etno inebe seratus inowe welapag. Epma inowe wilil, ap etno Allah akol welapag.

Kisah Para Rasul 10:1 ပူးပေါင်းရင်းမြစ်များ

Matius 27:27

Og isaruk apagma, it Pilatus osi sehen seneg werehon epmanowen walug it inowe suon Gubernur etno ibam epmano kebag. Walug kuruk apareg, inomini sehen unde epmano obog At ambeg wonggalik wapag.

Matius 27:54

Nin eke at sehen senehon inowe etno inim, it osi sehen senehon epmano inim At Yesus ebe inilanggen yaharoho aso welapahon epmano o yugul inim, eke yiroho diroho obog-at surukmu inilanggen haruk apareg, inakolen uruk wilil, “Ap du Allah Amloho demat hehe-o,” ulug ebag.

Markus 15:16

Og isaruk apagma, it sehen unde epmanowen walug it inowe suon Gubernur etno ibam isilimu epmano kebag. Walug kuruk apareg, inomini sehen unde epmanowen wabukag ulug inayonggo embebag. Inayonggo umburuk apareg, balu sik wapag.

Lukas 7:2

Waharuk apareg weregma, eke it Roma ap inowe anggimbu indi hunduhukon etno uk wareg wilil, horog warariog ulug suruk apag.

Yohanes 18:12

Yig ituk apagma, it sehen seneg werehon epmano inowe inim, eke it Yahudi ap inosi epmano inimen, At Yesus ebe senetuk apareg, hele waroko walug, bilin at Hanas etno ambeg imbik lebag.

Yohanes 18:3

Ariroho iluk wilil, orom yaho ambeg epma luk-o ulug ahla bebag. Ahla buruk apagma, it Allah unde inowesi epmano inim, it Farisi ap epmano inimen, it sehen seneg werehon epmano nin inim, eke it o Allah ibam yaharoho werehon epmano nin inim, lahap isa waharuk apagma, inayikangge ininggikmu waruk apareg, inaheral epmano fam fisako wapag. Ariroho wapag etno at Yudasen og inaplug wapag.

Kisah Para Rasul 10:24

Laruk apareg, kwalema noholug misihim o Kaisarea etno wapag. Waharuk apagma, at Kornelius etno omini inimen inaso welapag.

Kisah Para Rasul 21:31

Larepfuruk atusareg, at Paulus etno wabuog ulug surukmu, o Yerusalem etnowen inahahe anggolo narlog harlog suruk atusama, it Roma ap inowe sehen senehon etno ayonggo umburusama,

Kisah Para Rasul 21:8

Laruk atukukseg, at Filipus Allah wene yig isaruk amag ulug it inebe sabiren angge o Yerusalemen bilin fuloko minduhup isaruson epmano misig ibam ninim welatukuk.

Kisah Para Rasul 22:25

at ebe hele waroko umbulug yikangge wabuog ulug weregma, at Paulusen it inowe etno epma minduhuk wereg haruk atisireg yig ituk wilil, “An Roma ap hit hinomin-at wilil dag suruk atikik fuhon oke, yikangge nowabuk ari fano buruk ahen?” ulug yig ituk atisimu,

Kisah Para Rasul 23:23

Eke fobik at inowe suon etnowen osi biren wol isaruk atisireg yig isaruk wilil, “Hiren it ap sehen senehon dua ratus epmano hinim, it ap wam kuda fam larukon tujuh puluh epmano hinim, eke it sega unde dua ratus epmano hinim hupmu jam sembilan fam o Kaisarea lalihiben hinasum dig dug seko ombataruk amiek-o.

Kisah Para Rasul 23:33

Laruk atusama, it wam kuda fam larukon etnowen walug o Kaisarea waharusa. Waharuk atusareg, holal baloko etno ap Gubernur etno og ituk wilil, at Paulus ebe inim-at ambeg imbik waharusa.

Kisah Para Rasul 25:1

Eke fobik at Festus etno o epma laruk atisireg, inggik henahan welatlug o Kaisarea etnowen o Yerusalem larisi.

Kisah Para Rasul 25:13

Eke fobik at Raja Agripa etno uhwe inuk Bernike etno inim o Kaisareaen at Festus etno heahi wabuog ulug waharusa.

Kisah Para Rasul 27:1

Eke fobik it ninen og ninaplug o Italia wamag ulug wene baltuk atusareg, at Paulus inim eke it nin hele warehon epmano inim, at Yulius it Roma ap Kaisar inowe sehen senehon misig etnowen og ninaplug wamag ulug og itusa.

Kisah Para Rasul 27:31

at Paulusen it ap sehen senehon etno inowesi inim yig isaruk wilil, “Eleg-o, it so watukon epmano herako wilip atuk isalug, hit obog iken sohorep hisahaku fug-o,” ulug yig isaruk atisimu,

Kisah Para Rasul 27:43

it inowe etnowen at Paulus ebe ili wiog ulug, aren war inabuk fug ulug osi epmano inesanggo watuk atisireg, it aphe obog so fam werehon epmano yig isaruk wilil,

Kisah Para Rasul 8:40

Lebareg weregma, eke fobik at Filipus etnowen an o Asdod welahi-o ulug ahla buruk apareg, eke o Kaisarea etno liog ulug laruk wilil, wene fano wene etno yig isil o sili misig keheg sil lebag.