Kisah Para Rasul 1:7 - Allah Wene Hurumbik Keron

⁷ At etnowen yig isaruk wilil, “Hit An Niknien o ari sambit suhuk ulug onggarehen ahla burukon etno hinapelegsoho welamuk-o.

Kisah Para Rasul 1:7 ပူးပေါင်းရင်းမြစ်များ

Matius 20:23

Yig ituk apagma, eke At Yesusen yig isaruk wilil, “An nahik honanggo nahukon etno, hit ninim-at nahuk oke, eke hit hinebe etno hag Anden ninggik femag femag minduhup hisahuk ari eleg-o. It An Niknien ahla bebahon etno-at ariroho minduhup isaruk aruhureg, welamuhup-o,” ulug yig isebag.

Matius 24:36

Yig isaruk apareg, eke fobik yig isaruk wilil, “Eke ebe suhu etno maram suhu-o? Ari nit ninapeleg-o. Ilikia suhu ano, hupmu suhu ano ulug nit ninapeleg-o. Eke it malaikat epmano inapeleg at-o. Eke An Allahen minduhup naharision etno napeleg at-o. Eke At Ninikni akeleg-at iluk-o.

Markus 10:40

eke hit hinebe etano hag Anden ninggik femag femag minduhup hisahuk ari eleg-o. At Allahen ahla bebahon etno-at ariroho minduhup isahu-o,” ulug yig isebag.

Markus 13:32

Yig isaruk apareg, eke fobik At Yesusen yig isaruk wilil, “Eke ebe suhu etno, maram suhu-o? Ari nit ninapeleg-o. Ilikia suhu ano, hupmu suhu ano ulug nit ninapeleg-o. Eke it malaikat epmano inapeleg-at-o. Eke An Allah Amloho etno napeleg at-o. At Ninikni akeleg-at iluk-o.

Lukas 21:24

Mialoko umburuk amuhupseg, it nin karog fam inuseheg, eke it nin hele waroko o ahik ya da lahap iseheg suhup-o. Eke o mialukon etno awan arat suruk eleg iseheg, it aphe selema Allah wene inapelehon epmanowen o Yerusalem iniog hendan fil haruk amuhup-o,” ulug yig isebag.

Kisah Para Rasul 17:26

Eke Aren bilin ap misig-at wal haruk apareg, alem ari famen nit yi aphe di aphe o ahik ya da obog-at o kweanma duma ninombisahabag-o. Eke nit yi aphe di aphe obog o misihim endag aheg, eke o misihim waraheg, eke o misihim o ahik misig welaheg suruk amag ulug Aren-at ninombisahabag-o.

Efesus 1:10

Eke Aren hurumbik dindiloko yig nisebahon etno ilitoho-at suruk aruhu-o. Eke Aren sukon etno arat fanggog ik waharuk aruhumu, yi angge di angge boholma kweanma obog-at wal hebahon epmano At Kristus Ninowe suon welamag ulug dambuksoho ninombisahaku-o.

1 Timotius 6:15

Eke At Yesus Kristus wamon etno fanggog ukag ulug At Ninikni Allah suon etnowen uhu-o. Eke At Allah it ap suon Inikni-at wereg-o, eke o kweanma inowesi inowe-at wereg-o.

2 Timotius 3:1

Eke an kidia yig hipminon etno hindi ebetuk amuk-o, eke yi angge di angge angginon fobik aphe inobam wamon epmano hindi ebetuk amin-o.