Kisah Para Rasul 1:2 - Allah Wene Hurumbik Keron

² At Yesus etno boholma lahiog ulug suruk wilil, Roh Kudus fam At omini heag inapahon epmano, hit ariroho suruk amuk-o, ulug inesanggo wapag. Inesanggo watuk apareg, ahla buruk wilil, An nebe warehon oke niluksoho minduhup naharision etno inilanggen neawag ulug lamin-o, ulug ahla buruk apareg inambeg lebag.

Kisah Para Rasul 1:2 ပူးပေါင်းရင်းမြစ်များ

Matius 12:28

Eke An hag, At Allah Roh Kudus etnowen oag werehon etno og nitukmu, setan lisoko wilip isaruk ahi-o. Ariroho wilip inaptuk nealug, hiren At Allah weregmen sukon etno nit weregmen arat suruk-o, ulug hinahla buruk am fano-o.

Matius 3:16

Belaptuk apagma, ikmen lahik wapag. Lahik waharuk apagma, bohol heal haruk neken, Roh Kudus etno sue yalme ilitoho At unggu­luagma belabik waharukmu ilanggen hebag.

Markus 6:30

Eke fobik At Yesusen omini mondep isebahon epmano iniog suhuluk ambeg waharuk apareg, yig ituk wilil, “Nit ariroho yanggul iseheg, eke ariroho fano inabeheg sil nuruk atukuk-o,” ulug olmadiloko yig irik wapag.

Lukas 24:51

Ahien inobam umburuk wilil, At ebe leko laharuk neken boholma walug lahabag.

Lukas 9:51

Eke fobik At Yesus boholma walug lahukon etno horog fanggog uruk apagma, indi ebetuk apareg, o Yerusalem kwalema liog ulug sebag.

Yohanes 1:16

Ariroho yig isebareg fam, At etnowen ninabua haruk wilil, nit obog nintul nantul ahien ninobam umburuk-o.

Yohanes 13:1

Eke fobik it epmanowen o sono esoho Paskah etno esebuhuken ulug inahla buruk iseheg, At Yesus etno hag o kweanma duma sohorep isalug Ninikni ambeg lawon etno arat fanggog ehek-o, ulug iluk welapag. Ariroho iluk wilil, At udaki kweanma werehon epmano indi hunduhuk welapag etno hag, fobik ariroho-at nintul nantul indi hunduhuk welapag-o.

Yohanes 13:18

Ariroho hinahien hahup ulug yig hisihi ari, hit obog-at hinawene yig hisihi fug-o. Hit hinebe An nomini welamag ulug heako hinombisaharikikon epmano hag An niluk-o. Eke at Alkitab wene baleg etno fam yig nisaruk wilil, ‘At ap misig An ninim wilil naharom naruk atision etno oke, kidia ninim healeg neken wilil, nowariog ulug nabug baltuk-o,’ ” ulug wene embebahon etno demat sirisi-o, ulug inahla bukag ulug ariroho nabug baltuk-o.

Yohanes 13:3

Ariroho indi kahaltuk apagma, eke At Yesus etno ahla buruk wilil, “An noag weregsoho welamag ulug At Niknien yi angge di angge obog-at ninggikmu imbirisi-o. Eke An nebe etno At Allah wereg ambehen ambik waharikik halug, fobik At Allah wereg ambeg-at lahuk-o,” ulug ahla buruk apareg,

Yohanes 16:28

Eke An nebe etno Nikni wereg ambeg epma sohorep isalug, o kweanma duma ambik waharikik-o. Ariroho ambik waharikik etno hag, eke kidia o kweanma duma sohorep isalug, At Nikni wereg ambeg epmano-at lahuk-o,” ulug yig isebag.

Yohanes 17:13

Eke An hambeg wariog ulug suruk ahion oke, kidia o kweanma duma wilil, it inindimu inahien anggolo haruk amag ulug yi wene di wene obog-at yig isarikik-o.

Yohanes 20:17

Yig ituk apagma, eke At Yesusen yig ituk wilil, “An Nikni ambeg awan laharuk eleg neyeheg, hinggik sen nea fug-o. Ari halug, hat An nomini epmano inambeg lamihinteg, yig isaruk wilil, ‘At Ninowe etnowen hit An ninim Ninikni Allah etno ambeg laharuk ahi-o,’ ulug yig nerehek-o, ulug haren yig isa lag-o,” ulug yig epag.

Yohanes 20:21

Inahien haruk apagma, At Yesusen fobik inim yig isaruk wilil, “Nomini wahinaniog. At An Niknien An nebe lahap nabik waharisi etno hag, Anden hit lahap hisa wahi-o,” ulug yig isaruk apareg,

Yohanes 3:34

Eke it At Allahen lahap isa waharukon epmano, At Allahen Roh Kudus suroho og isaruk etno fam At Allah awene etno-at yig isaruk-o.

Yohanes 6:62

An Allahen minduhup naharision etno o bilin welaheyag ambeg epmano laharukmu, hinilanggen neyelepmen, keroho elep-o?

Yohanes 6:70

Yig ituk apagma, At Yesus etnowen yig isaruk wilil, “Anden hit hinebe dua belas epmano fuloko minduhup hisaharikikon oke, hat misig etno iblis amloho-at welahen-o,”

Kisah Para Rasul 1:11

yig isaruk wilil, “Hit o Galilea ap du, keroho ulug hinilanggen boholma lahaboho welahep-o? At Yesus boholma walug lahakek etno ilitoho, fobik boholmen ambik waharuk hinilanggen hahup-o,” ulug yig isebag.

Kisah Para Rasul 1:13

Amburuk apareg, it wereg ambeg inibam umbo epmano lahabag. Lahabareg weregma, it Petrus, Yakobus inim, eke it Yohanes, Andreas inim, eke it Filipus, Tomas inim, eke it Bartolomeus, Matius inim, eke it Alfeus amloho Yakobus, Simon inuk misig Zelotes etano inim, eke at Yakobus ot Yudas etno inim obog dambuksoho welapag.

Kisah Para Rasul 1:9

Yig isaruk apareg, fobik At ebe walug laharukmu it epmano inilanggen hebag. Inilanggen lahaboho weregma, fobik hena sal haruk apagma, At ebe laharukon inilanggen hebag fug.

Kisah Para Rasul 10:38

Eke fobik At Allahen Yesus Nazaret ap etno At Roh Kudus inim, eke oag weregsoho suruk amon etno inim obog-at og itisi etno hit hiniluk-o. Eke fobik At Yesus etno Allah inim wilil, it uk warehon fano inabeheg, it setan inindimu werehon lisoko wilip iseheg o ahik ya da obog-at sil nuruk atisi-o.

Galatia 1:1

An Paulus wene yig isil lawag ulug ap misihen mondep nahabag fug-o, eke it apheyen minduhup naharusa fug-o, eke At Yesus Kristus inim, eke At Ninikni Allah, At Yesus Kristus aphe warehon wereg ambehen iluksoho minduhupfebahon etno inimen, wene yig isil lawag ulug minduhup naharusa-o.

Efesus 2:20

eke it Allah wene yig isil lawag ulug mondep isebahon epmano inimen o andorli neken oag weregsoho embebag etno fam, At Kristus Yesus ebe-at o wut oag neken wereg heheg, hit epmano o hobat neken hinombisaharisi-o.

1 Timotius 3:16

Eke wene herahowon ninindi ebetlug nit obog uruk aheon etno du at-o, At ebe ap kweanmon neken-at selegma apag-o. Eke At Roh Kudus etnowen ap du demat ulug yig epag-o. Eke it malaikat epmanowen inilanggen hebag-o. Eke At awene etno o ahik ya da yig isa wilip apag-o. Eke o ahik ya da it aphe epmanowen At demat-o ulug inahla buruk apag-o. Eke At ebe o selegma anduhunmu epma imbik lahabag-o, ulug ninindi ebetuk ahe-o.

Ibrani 9:24

Eke it aben du Allah ibam ulug ilitoho neken falfahon epmano fam At Kristus kebag fug-o. At ebe etno boholma-at laharuk apareg, kidia At Allah inim wilil, nit ninake dug suruk-o.

1 Petrus 3:22

o boholma lahabareg, At Allah inggik bikit fil wilil, it malaikat inim eke it boholma suon inoag werehon epmano inim Inikni neken wereg-o.

2 Petrus 3:2

Eke amuk it nabi aben Allah wene ebahon etno inim, eke Ninowe dil ninaptukon omini inune fam komo yig hisebahon epmano inim obog-at hinahla ebebukag ulug holal du bal hisihi-o.

Wahyu 1:1

Wahyu wene du fam At Yesus Kristus etnowen bukaloko yig epahon etno wereg-o. Ariroho embebag ari, fobik suhuon wene etno it Allah anggimbu obog iniluk amag ulug, At Allahen Yesus Kristus yig ituk apagma, At Kristus etnowen anggimbu Yohanes etno yig emag ulug omalaikat misig ambeg belabik wapag-o.

Wahyu 2:11

Eke hinesanggo wereg halug, At Roh Kudusen it jemaat yig isarukon epmano hinesanggo fanoroho holtuk amiek-o. Eke it inoag weregsoho welamuhubon halug, birenam waramon etno inobam umbuhu fug-o,” ulug yig nitisi-o.

Wahyu 2:17

Eke hine­sanggo wereg halug, At Roh Kudusen it jemaat yig isarukon epmano hinesanggo fanoroho holtuk amiek-o. Eke it inoag weregsoho anduhunmu welamuhubon halug, orom manna herahoma werehon epmano og isahuk-o. Og isaruk aruhukseg, obam seberoho helep huluon etno fam ininuk keron etno inakeleg sik iniluk amag ulug wene holal baloko og isahuk-o,” ulug yig nitisi-o.

Wahyu 2:29

Eke hinesanggo wereg halug, At Roh Kudusen it jemaat yig isarukon epmano hinesanggo fanoroho holtuk amiek-o,” ulug yig nitisi-o.

Wahyu 2:7

Eke hine­sanggo wereg halug, At Roh Kudusen it jemaat yig isarukon epmano hinesanggo fanoroho holtuk amiek-o. Eke it inoag weregsoho anduhunmu welamuhubon halug, At Allah eyabukmu e iniluk welamon etno anggen nawag ulug minduhup isahuk-o,” ulug yig nitisi-o.

Wahyu 21:14

Ariroho baleg weregma, o etno andorli helep dua bela­sen angge etno fam it At Wam Domba Udag etnowen omini mondep isebahon epmano ini­nuk dua belas holal baleg weregma harikik-o.

Wahyu 3:13

Eke hinesanggo wereg halug, At Roh Kudusen it jemaat yig isarukon epmano hinesanggo fanoroho holtuk amiek-o,” ulug yig nitisi-o.

Wahyu 3:16

Eke hit kidia holon eleg olokon eleg we yuhun-at enahan welahep ari fam, An nelmen sup­soho hinombisahiug ulug suruk ahi oke,

Wahyu 3:22

Eke hinesanggo wereg halug, At Roh Kudusen it jemaat yig isarukon epmano hinesanggo fanoroho holtuk amiek-o,” ulug yig nitisi-o.