Kisah Para Rasul 1:16 - Allah Wene Hurumbik Keron

^16-17 “Nomini-o, at Yudas etno nit ninim At Yesus omin ulug heako minduhupfebahon oke, eke At Roh Kudus etnowen Daud yig itukmu ebag etno hag, at Yudasen fobik At Yesus ebe du at-o, ulug irisi famen, it ap Yesus hele watuson epmano inowe neken atisi ari Roh Kudus etnowen Daud yig itukmu iluk apag etno hag seg atisi-o.

Kisah Para Rasul 1:16 ပူးပေါင်းရင်းမြစ်များ

Matius 26:14

Yig isaruk apagma, At Yesus omini inebe dua belas at misig inuk Yudas Iskariot etnowen it Allah unde suon epmano inambeg laruk apareg,

Matius 26:47

Awan yig isarukmu, at Yudas bilin omini dua belas neken inim sil nuruk apahon etno wapag. Waharuk apareg, it Allah unde suon etno inim, eke it Yahudi ap inowesi suon epmano inimen ap karog inim, yikangge inim unde werehon etno inim lahap isa waharuk apagma, at etno inim wapag.

Matius 26:54

Eke An ariroho elemen, Alkitab wene baleg etno fam ariroho wabuhup ulug nahurumbik ebahon etno demat seg atisi ulug inahla belep fug-o,” ulug yig epag.

Matius 26:56

eke kidia sen naptuk ahep ari, amuk it nabi ap Allah wene hurumbik yig isaruk apahon etnowen Alkitab wene baleg fam duroho senebuhup ulug embebahon etno demat seg atisi ulug inahla bukag ulug ariroho-at sen naptuk ahep-o,” ulug yig isebag. Yig isaruk apagma, At omini obog-at sohorep isalug hite wilip apag.

Markus 12:36

“Eleg-o, At Roh Kudus etno at Daud indimu kuruk apagma, aren yig isaruk wilil, ‘At Ninikni Allah etnowen At Ninowe etno yig ituk wilil, ‘It aphe Hat hinim healeg welahebon ari, Anden Hat hiog apma imbisahukon epmano inaso welaruhunen ninggik bikit fil horie ik ma-o,’ ulug At Allahen An Nowe etno yig erehek,’ ulug at Daud etnowen At Kristus farim Nowe ebahon oke,

Markus 14:43

Awan yig isarukmu, at Yudas bilin omini dua belas neken inim sil nuruk apahon etno wapag. Waharuk apareg, it Allah unde suon epmano inim, it wene baleg unde epmano inim it inowesi epmano inimen ap karog inim, yikangge inim unde werehon etno inim lahap isa waharuk apagma, at etno inim wapag. Inebe awan wamuog ulug suruk wilil, bilin at Yudas etnowen ininggik ariroho seneriuk-o ulug yig isebag.

Lukas 22:47

Awan yig isarukmu, it ap dohaleg epmano wapag. Waharuk wilil, at Yudas bilin omini dua belas neken inim sil nuruk apahon etno kwalem yanggul isil bilin waharuk apareg, aren Yesus mitig hiog ulug suruk apagma,

Yohanes 10:35

Ariroho wereg halug, yi wene di wene Alkitab fam yig nisaruk ari, demat yig nisaruk hiniluk-o. Eke At Allahen, hit hinebe At Allah ilitoho suon welahep, ulug yig isebag it ap At awene yanggul isebahon epmano-at yig isebag-o.

Yohanes 13:18

Ariroho hinahien hahup ulug yig hisihi ari, hit obog-at hinawene yig hisihi fug-o. Hit hinebe An nomini welamag ulug heako hinombisaharikikon epmano hag An niluk-o. Eke at Alkitab wene baleg etno fam yig nisaruk wilil, ‘At ap misig An ninim wilil naharom naruk atision etno oke, kidia ninim healeg neken wilil, nowariog ulug nabug baltuk-o,’ ” ulug wene embebahon etno demat sirisi-o, ulug inahla bukag ulug ariroho nabug baltuk-o.

Yohanes 17:12

Eke An nebe bilin it ninim wilil, Haren An nindi oag werehep naharikin etno hag, Anden Hat hinuk fam inindi oag werehep isarikik-o. Eke it inebe Haren og nitikinon epmano An inaso wereg neyeheg, misig eleg atisi fug-o. Eke misig eleg atisi ari, bilin wene baleg fam ariroho eleg aruhu-o, ulug ebahon etno demat ebag ulug inahla bukag ulug eleg atisi-o.

Yohanes 19:36

Eke it ariroho sebahon epmano bilin Alkitab wene baleg fam hurumbik uruk wilil, “At iog misig yumbuk suhup fug-o,” ulug ebahon etno demat ebag inahla bukag ulug ariroho sebag-o.

Kisah Para Rasul 1:20

Ariroho soaltuk atusama, an wene du buku Mazmur fam weregma, yig hisaruk ahi-o, ‘At awen etno yuhun-at wereg halug, ap misihen wa fug-o.’ Eke wene misig du yig hisaruk ahi-o, ‘At ubulukmu ap misig minduhupfuk-o,’ ulug ebahon etno wene holal baleg du wereg-o,” ulug at Petrusen yig isaruk wilil,

Kisah Para Rasul 13:15

Horie uruk apareg weregma, it wene urukon epmanowen at Musaen wene holal embebahon etno inim, eke it nabien wene holal embebahon epmano inim yig isaruk apagma, it o Allah wene uruk ambeg unde werehon epmanowen at Paulus omini epmano inim yig isaruk wilil, “Nomini-o, wene misig wereg halug, nit nindi ninahien hulen ulug yig nisimiek-o,” ulug yig isaruk apagma,

Kisah Para Rasul 13:38

Ari halug, nomini-o, hit dag suruk atikibon sohorep isawon wene etno At Yesus inuk fam hit obog-at yig hisaruk ahi-o. Eke at Musaen wene duroho suruk amuk eke duroho suruk am fug ulug ebahon etno hinesanggo holtuk wilil, dag-at surukmu, kidia hit obog Yesus inuk eberoko waruk hisalug, hiren dag suruk atikibon epmano sohorep isalug apma hinombisaharuk-o.

Kisah Para Rasul 15:13

Inesanggo holtuk apagma, at Yakobus etno minatlug yig isaruk wilil, “Nomini-o, an nune holiek-o.

Kisah Para Rasul 15:7

at Petrus etno minatuk apareg yig isaruk wilil, “Nomini-o, it Allah wene waruk elehon epmano yig isarukmu inesanggo holtug eberoko wawag ulug At Allahen amuk hit hinanggelegmen minduhup nahabag etno hiniluk-o.

Kisah Para Rasul 2:23

Eke At Allahen indi ebetuk wilil, At Yesus senebukagsoho og isahuk ulug ahla buruk apareg og hisarisimu, hiren it ap selemon dahon epmanowen e fam lenggaloko paku waroko umbukag ulug og isarikipseg, hinim watikip-o.

Kisah Para Rasul 2:37

Yig isaruk apagma, it epmano wi ulug inakol anggolo haruk apareg, at Petrus omini epmano inim yig isaruk wilil, “Halug nit keroho suk-o nomini?” ulug hinog yig isebag.

Kisah Para Rasul 22:1

Bok atusama, at Paulusen it Yahudi inune fam yig isaruk wilil, “Niknisi, nowesi-o, hit obog hinil fam wene misig bukaloko yig hisaminen hinune bok amiek-o,” ulug yig isaruk atisimu,

Kisah Para Rasul 23:1

Minduhupfuruk atisimu, at Paulusen it Yahudi ap inowesi suon epmano inolohotma ilanggen yet isaruk atisireg, yig isaruk wilil, “Nomini-o, an amuk inim eke kidia inim At Allah il fam dag sirikikon napelegsoho apma nombaharuk atisimu nindi nahlahiroho-at welahi-o,” ulug yig isaruk atisimu,

Kisah Para Rasul 23:6

Yig isaruk atisireg, at Paulusen it Yahudi ap inowesi wonggaltuson epmano nin Farisi ap, eke nin Saduki ap weregma ilanggen isaruk atisireg, it obog yig isaruk wilil, “Nomini-o, an nebe bilin nikni ebe Farisi aben endag napagma, nebe Farisi ap welahi-o. Eke fobik it aphe obog iniluksoho minduhup isahu ulug nindi ebetukmu, naren baltuk ahep-o,” ulug yig isarisi.

Kisah Para Rasul 28:17

Imbik laruk atusama, inggik henahanam welatisireg, at Paulusen it Yahudi ap inowesi Romaon epmano wonggaliek ulug yig isaruk atisimu, it epmano obog-at wonggalik waharuk atusama, at Paulusen yig isaruk wilil, “Nomini-o, an it ninetamukien wene duroho suruk amuk eke duroho suruk am fug ulug yig nisebahon etno seberoho imbirikik fuhon oke, it Yahudi aben o Yerusalemen hele warep naharuk atusareg, nebe it Roma ap og isarusa.

Kisah Para Rasul 28:25

Ariroho suruk atusareg, wilip amuog ulug, at misihen eheg, at misihen eheg surukmu, at Paulusen yig isaruk wilil, “At Yesayaen Roh Kudus fam it ninetamuki yig isebahon etno yig hisamin-o. Ari bilin at Yesayaen yig isaruk wilil,

Kisah Para Rasul 7:2

Hinog waruk apagma, at Stefanus etnowen yig isaruk wilil, “Niknisi, nomini-o, hit an nune holtuk amiek-o. At ninetamu Abraham etno o Haran wariog ulug o Mesopotamia weregma,

1 Petrus 1:11

Hurumbik etno uruk wilil, “O maram waruhureg, og hisahu-o,” ulug inahla burukmu, At Kristus Roh Kudus etnowen yig isebag, “Fobik At Kristus wabuhup oke, iluksoho suon-at minduhupfuhu-o”, ulug hurumbik yig isebag.

2 Petrus 1:21

It bilin hurumbik ebag etno iren ebag fug-o, At Roh Kudusen Allah une yig isarukmu, hurumbik etno ebag-o.

2 Petrus 2:21

Eke ap etno bilin kwalem fanowon lelep fugmen fano-o. Kidia Yesus kwalem etno dorat iluk wilil, fobik sohorep isarisi etno fam, onggarehen o dagma imig saruk.