Kisah Para Rasul 1:15 - Allah Wene Hurumbik Keron

¹⁵ At Yesus omini inim, eke it nin inim inebe seratus dua puluh wonggaltuk apareg balureg wilil, at Petrus etno inanggelegmen minatuk apareg, yig isaruk wilil,

Kisah Para Rasul 1:15 ပူးပေါင်းရင်းမြစ်များ

Matius 13:31

Eke fobik At Yesus etnowen wene ilitoho neken yig isaruk wilil, “At Allah weregmen sukon etno hag, e wile anggen ari mondog doron-at wereg-o.

Lukas 22:32

Simon wai. Ariroho suhu ari fam, hat hindimuen demat ulug ebetuk ehenon etno eleg am nowen ulug hake sembahyang irikik ari fam hindi wereg atuk halug, haren it homini inindi werehep isahun-o,” ulug yig epag.

Yohanes 14:12

Ari halug, Anden wene demat uruk amon etno yig hipmin-o, it yi aphe di aphe obog An nobam ebetukon epmanowen Anden yabuk suruk ahi epmano ilitoho suruk amuhup-o. Eke An nebe Nikni ambeg lahukseg fam, iren fobik sukfugangge anggolo-at suruk amuhup-o.

Yohanes 21:23

Ariroho yig epahon etno it ap At Yesus awene warukon epmanowen iniluk atuk apareg uruk wilil, “Ap At Yesus omin misig du wararuhu fug-o,” ulug inahla bebahon oke, At Yesusen ap ari mondog wararuhu fug ulug ebag fug-o. We ap du An awan waharuk eleg neyeheg iluk-at welamag-o, ulug nahla belemen, haren elen fug-o, we nakelehen-at nahla bele-o, ulug wene ebe eta-at yig epag-o.

Kisah Para Rasul 10:23

Yig ituk apagma, at Petrusen it ap yonggo lebahon etano ninim nohul-o ulug yig isaruk apareg, at ibam etno inim nohobag. Nohoruk apareg, ilikia it Yope ap nin inim, eke it yonggo lebahon etano inim lebag.

Kisah Para Rasul 11:1

Eke fobik it mondep isebahon epmano inim, it inomini obog o Yerusalem werehon epmano inimen it aphe Allah wene waruk elehon epmano obog-at warusa-o, ulug inesanggo holfag.

Kisah Para Rasul 11:12

Waharuk atusama, eke At Roh Kudusen yig nituk wilil, ‘Hat hambit iseheg eleg-at hinim alu-o,’ ulug yig nituk atisimu, it nomini enggalimen angge etano ninim o Kaisarea laruk atukukseg, at Kornelius ibam etno kurukuk-o.

Kisah Para Rasul 11:26

Laruk apareg, ebe heako walug inim o Antiokhia etno wapag. Waharuk apareg, it Antiokhia aphe Allah wene warukon epmano tahun misig inim wilil, it yi aphe di aphe obog-at yanggul isaruk apag. Yanggul isaruk weregma, o Antiokhia etnowen it Yesus, Allah wene warukon ininuk Kristen ap ulug soal inapag.

Kisah Para Rasul 11:29

Yig isebareg weregma, it Allah wene warukon epmanowen uang it inomini o Yerusalem werehon epmano og isuog ulug balu sebag.

Kisah Para Rasul 12:17

Inakol haruk apagma, at Petrus etno inggiken, “Hinune eleg amiek-o,” ulug yig isaruk apareg, eke fobik at ebe o aphe dag surukon wereg ambeg epmanowen Yesusen wilipfebahon etno dindiloko yig isaruk apag. Yig isaruk apareg, at Yakobus, omini nin inim yig isa aliek-o, ulug yig isaruk apareg sohorep isalug o misig lebag.

Kisah Para Rasul 14:2

Waruk apagma, eke it Yahudi ap nin wene du ninambit ulug ebahon epmanowen it Allah wene inapelehon epmano yig isaruk wilil, “Iren wene urukon wa fug-o,” ulug inindi kahaltuk apag.

Kisah Para Rasul 15:1

Fobik it ap nin o Yerusalemen Antiokhia waharuk apareg, o epma it aphe Allah wene warukon epmano yig isaruk wilil, “At Musaen hinudaki iniyunggul ambilik baliuk ulug yig isebahon etno baltuk eleg hisalug, fobik hinili wahu fug-o,” ulug yig isaruk apagma,

Kisah Para Rasul 15:3

it etano o Fenisia, Samaria epmano laruk wilil, “It Allah wene inapelehon epmano obog-at warusa-o,” ulug yig isaruk apagma, inomini obog inahien hebag.

Kisah Para Rasul 16:2

Ariroho weregma, it o Listra Ikonium inimen at Titus etno obabut fano hehe, ulug urukmu isaruk apareg,

Kisah Para Rasul 16:40

it Paulus Silas etano aphe dahon imbisaruk ambehen wilip atuk atusareg, at Lidia ibam larusa. Larusareg, omini inim heahi war inaptuk wilil, inindi inahien haon etno yig isalug, o misig larusa.

Kisah Para Rasul 17:10

Eke o hup atuk atisimu, it inomini epmanowen Paulus Silas inim o Berea lahap isarusa. Lahap isaruk atusama, laruk atusareg, it Yahudi ap o Allah wene uruk ambeg etno kurusa.

Kisah Para Rasul 17:14

Waharuk atusama, at Paulus omini epmanowen ebe dulum-at ik laut ayegma lahapfuruk atusareg, it Silas Timotius inim o Berea etno welatusa.

Kisah Para Rasul 17:6

Kik haruk atusareg, inebe elehen, at Yason omini nin inim lit inaplug wilik waharusareg, it ap o etno werehon inowesi inambeg imbisa laruk wilil, “It at Paulus Silas etano o ahik ya da epmano aphe inindi kahaltil larusareg, nit ninibam waharusama,

Kisah Para Rasul 18:18

At Paulus etno omini inim o Korintus inggik anggolo welatisireg, fobik o epma sohorep isalug, it Priskila Akwila etano inim og inaplug ik so fam o Siria larusa. Eke o Siria awan luog ulug wilil, at Paulus etno o Kengkrea epmen ariroho suhuk ulug At Allah hurumbik yig ituk atisireg, iruk baltisi.

Kisah Para Rasul 18:27

Yanggul ituk atusama, at Apolos o Akhaya lahuk ulug ahla buruk atisimu, it omini o Akhaya werehon epmanowen, “At Apolos ninambeg waruhumu, heahi wabuhuken,” ulug holal baloko lahap isarusama, at ebe inambeg waharisi. Waharuk atisireg, it bilin At Allahen inabua isalug wol inaptisimu, Allah wene eberoko waruson epmano inindi oag wereg amag ulug yi wene di wene obog-at yig isarisi.

Kisah Para Rasul 21:17

Eke fobik o Yerusalem laruk atukukmu, it ninomini epmanowen inahien nisaruk wilil, heahi war ninaptusa.

Kisah Para Rasul 21:20

Yig isarukmu, it epmano inesanggo holtuk atusareg, it obohen At Allah inuk suontepfurusa. Suontepfuruk atusareg, at Paulus yig ituk wilil, “Ninomin-o, kidia nit dumen surukukon yig himul-o. It Yahudi ap epmano inebe beribu ribu Yesus inuk warusareg oke, it at Musaen wene duroho suruk amuk eke duroho suruk am fug ulug ebahon etno-at senetuk-o.

Kisah Para Rasul 21:7

Kurukukseg laruk wilil, so etno fam o Tirusen o Ptolemais larukuk. Laruk atukukseg, it ninomini epma werehon ninim heahi waroko nininggik misig ninim welatukukseg, fobik sohorep isalug, o Kaisarea larukuk.

Kisah Para Rasul 22:5

Ariroho yig hisihion ari, it imam ap suon inim, it Yahudi ap inowesi inimen demat uruk ulug iniluk-o. It Yahudi ap inowesi epmanowen holal baloko og nituk apagma, an nebe it ninomini Yahudi ap o Damsyik werehon epmano inambeg lalug, holal etno og isahuken ulug suruk wilil it aphe obog Yesus wene warukon epmano hele waroko og inaplug o Yerusalemen war inabukag ulug nahla buruk aheyareg, o Damsyik laruk seyag-o,” ulug at Paulusen yig isarisi.

Kisah Para Rasul 28:14

Waharuk atukukseg, o epma it aphe Yesus wene warukon nin heag inaptuk atukukmu, iren sembahyang misig ninim welamuhuk ulug yig nisarusa. Yig nisaruk atusama, ninim welatukukseg, fobik o Roma wamuog ulug surukuk.

1 Korintus 15:6

Inilanggen hebareg fam, eke fobik it ninomini lima ratus nin inimen misihim-at inilanggen hebag-o. It inilanggen hebahon etno it nin inebe anggolo kidia iniluk wereg-o, eke it nin inebe dorat arat waratusa-o.

Wahyu 11:13

Lahap isarusama, eke fobik hetnogsoho o yugul suon suruk wilil, aphe inibam o ahik sumu werehon epmano anggolo miale­heg, aphe inebe tujuh ribu war inabeheg sirisi-o. Ariroho suruk atisimu, eke it aphe iniluk welatuson epmanowen inakolen elekelek suruk wilil, Allah boholma werehon etno inuk suontepfuruk atu­sa-o.

Wahyu 3:4

Eke hit Sardis aphe nin epmano hinasum nintul nantul ho saruk ahep-o. Ariroho ho saruk ahep ari fam, fobik hinasum huluon wantep hisaharuk aruhukseg, og hinaplug ninim lahuk-o.