Kisah Para Rasul 1:13 - Allah Wene Hurumbik Keron

¹³ Amburuk apareg, it wereg ambeg inibam umbo epmano lahabag. Lahabareg weregma, it Petrus, Yakobus inim, eke it Yohanes, Andreas inim, eke it Filipus, Tomas inim, eke it Bartolomeus, Matius inim, eke it Alfeus amloho Yakobus, Simon inuk misig Zelotes etano inim, eke at Yakobus ot Yudas etno inim obog dambuksoho welapag.

Kisah Para Rasul 1:13 ပူးပေါင်းရင်းမြစ်များ

Matius 9:9

Eke fobik At Yesus etno o epmano sohorep isalug, wilip atuk apareg, at ap inuk Matius etno uang onggo kino urukon welapag. At epmano o faleg ambeg horieg weregma ilanggen hebag. Ilanggen haruk apareg, yig ituk wilil, “Ninim lulen ma-o,” ulug yig ituk apagma, at Matius etno minatuk apareg inim lebag.

Markus 14:15

Ariroho yig ituk atlihipmu, at etnowen yig hisaruk wilil, ‘Hit nao ambeg umbo o baharik misig fam fanoroho haloko wereg-o,’ ulug yig hisaruk halug, nit nawon etno epma-at esetlihip-o,” ulug yig isebag.

Markus 14:33

Yig isaruk apareg, it Petrus, Yakobus; Yohanes etano hag inim lebag. Laruk apareg, At etno indi dag atuk wilil, akol anggolo hebag.

Markus 2:14

Wene yig isaruk apareg, kwalema laruk wilil, at Alfeus amloho Lewi etno uang onggo kino urukon umburuk ambeg o falegma epmano horieg weregma At Yesus etnowen ilanggen hebag. Ilanggen haruk apareg, yig ituk wilil, “Ninim lulen ma-o,” ulug yig ituk apagma minatuk apareg, Yesus inim lebag.

Markus 5:37

Yig ituk apareg, it Petrus inim, Yakobus inim, Yohanes Yakobus ot etno inim, “It ari hag An ninim lul-o,” ulug yig isaruk apareg, At Yesus inim lebag.

Markus 9:2

Eke fobik, ininggik enggalimen angge welapareg, At Yesusen it Petrus, Yohanes, Yakobus etano og inaplug o bunumu aphe eleg ambeg epmano inakeleg-at lahabag. Laharuk apareg, epmano inim wilil, At olohore akeleg neken seg apag.

Lukas 22:12

Ariroho yig ituk atlihipmu, at etnowen umbo baharik suon yi angge di angge wereg ambeg etno heag hisikon-o. Heag hisaruk arikonma, epma-at esetlihip-o,” ulug yig isebag.

Yohanes 11:16

Yig isaruk apagma, at Tomas inuk misig nit ninune fam ‘Hulip udag’ soalfahon etnowen it omini epmano yig isaruk wilil, “Nit obog-at Ninowe etno ninim waramuhuken luk-o,” ulug yig isebag.

Yohanes 14:22

Yig isaruk apagma, at Yudas Iskariot etno bilin wilip apareg fam, at Yudas misig etnowen yig ituk wilil, “Nowe-o, Hat it aphe kweanmon duma hobam ebetuk elehon epmano hawene bukaloko yig isao sohorep isalug, nit-at yig nisahun ari, keroho ulug suhun-o?” ulug yig ituk apagma,

Yohanes 18:17

Walug kuruk apagma, at hole kembatma welapahon etnowen at Petrus etno yig ituk wilil, “Hat ap du omin welahen ano?” ulug yig ituk apagma, eke at Petrus etnowen yig ituk wilil, “An At omin fug-o,” ulug yig epag.

Yohanes 21:2

Waharuk apag At Simon Petrus etno inim, eke at Tomas inuk misig Hulip udag etno inim, eke at Natanael ibam o Galilea Kanaon etno inim, eke it Zebedeus udaki etno inim, eke At Yesus omini biren inim obog-at baluroho welapag.

Kisah Para Rasul 12:17

Inakol haruk apagma, at Petrus etno inggiken, “Hinune eleg amiek-o,” ulug yig isaruk apareg, eke fobik at ebe o aphe dag surukon wereg ambeg epmanowen Yesusen wilipfebahon etno dindiloko yig isaruk apag. Yig isaruk apareg, at Yakobus, omini nin inim yig isa aliek-o, ulug yig isaruk apareg sohorep isalug o misig lebag.

Kisah Para Rasul 15:13

Inesanggo holtuk apagma, at Yakobus etno minatlug yig isaruk wilil, “Nomini-o, an nune holiek-o.

Kisah Para Rasul 2:14

Inahunda yatuk apagma, at Petrus etno omini inim minatuk apareg, une suon yig isaruk wilil, “Hit nomini Yahudi ap inim, eke hit o Yerusalem welahebon inim an wene yig hisaminen hinesanggo holiek-o.

Kisah Para Rasul 2:38

Yig isaruk apagma, at Petrus etnowen, “Hit hinakeleg hinakeleg dag suruk atikibon epmano sohorep isalihipmu, At Yesus Kristus inuk fam hinapelegsoho apma hinombisahukag ulug ikma belap hinabukag-o.

Kisah Para Rasul 20:8

Yig nisarukmu, o umbo wonggaltukuk ambeg etno minyak lampu anggolo fisaho weregma,

Kisah Para Rasul 4:13

it Yahudi ap inowesi epmanowen uruk wilil, it Petrus Yohanes du sekolah inapelehon-at oke, inakol elegsoho yig nisaruk du bilin At Yesus omini-at welatusa-o, ulug inahla burukmu,

Kisah Para Rasul 4:19

Inesanggo watuk apagma, it Petrus Yohanes etanowen yig isaruk wilil, “Eleg-o, nit hit hinune holuk ano, At Allah une holuk ano, ulug hit Allah wene unde welahebon epmanowen ilihip-o.

1 Korintus 15:7

Eke fobik at Yakobus etnowen ilanggen hebag. llanggen hebareg fam, eke fobik it mondep isebahon epmano dambuksohoen inilanggen hebag.

Galatia 1:19

Eke ariroho wilil, it mondep isebahon nin epmano nilanggen isarikik fug-o. We at ninowe omin Yakobus etno-at nilanggen harikik-o, ulug ariroho holal bal hisaruk ahi ari demat yig hisaruk ahi-o.

Galatia 2:9

Eke it Yakobus, Petrus, Yohanes it du ninowesi ulug uruson epmanowen at Paulus Allahen eyabuk akeleg-at og itisi ulug inindi ebetuk atusareg, an inim, at Barnabas inim ininggik og nisarusa-o. Ariroho dambuk uruk atukukseg, at Paulus, Barnabas inim it aphe Allah wene inapelehon epmano yig isil lahup-o, eke it nin hag it Yahudi ap yig isil lahup-o, ulug wene ariroho urukuk-o.

Yakobus 1:1

An Yakobus, At Allah inim eke Ninowe Yesus Kristus inim inanggimbu etnowen holal du fam hit obog Allah udaki o kweanma welahebon heahi war hinaptuk ahi-o.

2 Yohanes 1:1

Nahaloho-o, an ap Allah wene yig isarukon etnowen holal du baltuk ahi-o. An it Allah wene urukon epmano ninim wilil, hat inim, hat hudaki inim, hit obog nit ninindi hunduhuk welahe-o.

Yudas 1:1

An Yudas at Yakobus ot etno, Yesus Kristus anggimbu wilil, holal du umburuk ahi-o. Hit obog At Allahen wol hisebahon etno wene holal du hinombisahaki-o. At Ninikni Allah hit indi hunduhuk wereg halug, At Yesus Kristus etnowen hit bule amburukim ulug sen hinasug wereg-o.