Ibrani 9:27 - Allah Wene Hurumbik Keron

²⁷ Eke nit yi aphe di aphe obog epmano misihim-at waratuk nisalug, At Allahen oag deloko ninombisaharuk-o.

Ibrani 9:27 ပူးပေါင်းရင်းမြစ်များ

Lukas 20:32

Waratuk wilil, hwe etno suhwe embebagma, fobik warapag-o.

Kisah Para Rasul 17:31

Eke fobik ap misig aren fuloko og nisebahon etnowen nit kweanmon yi aphe di aphe obog-at fanoroho ninaren baltuk atlug ninombisahaku ulug hurumbik arat yig nisarisi-o. Ariroho yig nisarision etno demat ulug ninindi ebebukag ulug ap etno it warehon wereg ambehen iluksoho minduhupfirisi-o,” ulug yig isarisi.

Roma 2:5

Eke At Allah asineyen demat ninaren balepfulug onggo baloko selegma ninombisahaku etno sambit o dagma hombahakuon oke, hat hahlahiroho welahen ari fam mondog dagma-at hombahaku-o.

Roma 5:12

Eke at ap misig akelehen sebareg fam o kweanma duma alem dag surukon epmano wereg apag ari fam, alem waratukon etno inim-at wereg apag-o. Ariroho wereg apagma, it yi aphe di aphe obohen-at dag sebareg fam, nit o ahik ya da obog-at waratuk ahe-o.

1 Korintus 4:5

Eke hit At Ninowe inuk suon awan waharuk eleg heheg, hiren aphe inoag del inabuk fug-o. Eke At Ninowe inuk suon etno o ari sambit waharuk aruhureg, o hubanggo neken werehon etno selegma embeheg, eke it aphe inindimuen herako ebetukon epmano selegmaroho imbiseheg suhu-o. Ariroho suruk aruhureg, At Allahen o ari sambit aphe inakeleg inakeleg ininuk suontep isahu-o.

2 Korintus 5:10

Eke nit obog At Kristusen ninoag del ninabukag ulug At wereg ambeg minarik lahukmu, nit ninebe o kweanma duma wilil suruk atukukon epmano onggo ilitoho-at og nisahu-o. Ariroho og nisaruk wilil, fano suruk atukukon halug, o fanowon etno heag niseheg, eke dag suruk atukukon halug, o dahon etno heag niseheg suhu-o.

2 Timotius 4:1

Eke At Allah inim, At Kristus Yesus aphe inilukon inim, warehon inim oag del inabuhuon etno inil fam nune oag weregsoho yig hituk ahi-o; At Yesus etno waruhureg, aphe obog Inikni aruhu halug,

Ibrani 10:27

Ariroho ninombisaharuk eleg halug, nit ninebe o dagma ninombisahaku ulug ninakoltoho welamuk-o. Eke niren dag suruk aheon epmano sohorep isaruk eleg nisalug, it nin At Allah inambit harukon epmano ninim ninoag deloko o hondok olokma-at ninombisahaku-o.

Ibrani 6:2

Eke ikma belap inaptukon wene etno inim, eke aphe inungguluag ininggik sen inaptukon etno inim, eke fobik it aphe warehon minduhup isahuon epmano inim, eke o epma mondog welamag ulug oag del inabuhuon epmano inim, alem ariroho sukon etno obog-at niniluk-o.

1 Yohanes 4:17

Eke At Kristus aphe indimu hunduhuk welapag etno hag o kweanma niniluk wilil suruk nisalug, fobik aphe oag del inaptuk wilil, hit fanoroho welatikip ano ulug yig nisahumu, niren ninakol elegsoho-at yig imuhuk-o. Ninakol elegsoho-at yig imuhuken ulug, ninomini ninindi hunduhuk welamuk-o.

Yudas 1:15

Eke it At Allah inuk wao sohorep isalug dag sil nurukon etno inim, At Allah ari dag surukon ulug inenggal-at obam denggeltil nurukon etno inim it o dagma imbisuog ulug wamuhup-o,” ulug at Henokh etnowen amuk-at hurumbik ebag.

Wahyu 20:11

Eke fobik At misig horie uruk ambeg suon huluon etno fam horieg weregma nilanggen harikik-o. At etno olohotmen kwean inim, bohol inim inebe eleg atukmu, nilanggen harikik-o.