Ibrani 9:24 - Allah Wene Hurumbik Keron

²⁴ Eke it aben du Allah ibam ulug ilitoho neken falfahon epmano fam At Kristus kebag fug-o. At ebe etno boholma-at laharuk apareg, kidia At Allah inim wilil, nit ninake dug suruk-o.

Ibrani 9:24 ပူးပေါင်းရင်းမြစ်များ

Matius 18:10

At Yesus etnowen yig isaruk wilil, “An nudaki doron epmano misig hinambit haruk wilil, kimburepfuk fug-o. Eke inomalaikat ari nintul nantul Nikni inim boholma wereg-o ulug An demat yig hisaruk ahi-o.

Markus 14:58

Obam denggeluog ulug uruk wilil, “At etnowen o Allah ibam ap ininggiken falfahon du mialepfuhukseg, ninggik henahan welatlug ubulukmu it ap ininggiken faltuk etno hag faluhuk fug-o. Anden faluhuk ari akeleg neken-at faluhuk irisi-o,” ulug uruk apareg,

Markus 16:19

Yig isaruk apagma, At Ninowe inuk suon Yesus etno At Allahen walug boholma lahabag. Laharuk apareg, At inggik bikit fil epmano horie ebag.

Lukas 24:51

Ahien inobam umburuk wilil, At ebe leko laharuk neken boholma walug lahabag.

Yohanes 16:28

Eke An nebe etno Nikni wereg ambeg epma sohorep isalug, o kweanma duma ambik waharikik-o. Ariroho ambik waharikik etno hag, eke kidia o kweanma duma sohorep isalug, At Nikni wereg ambeg epmano-at lahuk-o,” ulug yig isebag.

Yohanes 6:62

An Allahen minduhup naharision etno o bilin welaheyag ambeg epmano laharukmu, hinilanggen neyelepmen, keroho elep-o?

Kisah Para Rasul 3:21

At belabik waruhuon etno boholma welatlug fobik yi angge di angge inim fano inabukag ulug belabik waruhu-o, ulug it nabi Allah wene yig isarukon epmanowen bilin hurumbik embebahon etno hiniluk-o.

Roma 8:33

Eke Allah udaki imig inapahon epmano inobam at sen une dahon yig isahu-o? It alem dahon inobam werehon epmano hag At Allahen-at elehep isaruk-o.

2 Korintus 5:1

Eke nit ninebe ari ninibam sum fam falehon etno mial atuk halug, At Allahen o boholma ninibam itog mondog welamon fal ninaptukon epmano og nisahu ari niniluk-o.

Kolose 3:2

Eke kweanmon epmano hinindi ebebuk sohorep isiek-o.

Ibrani 1:3

Ariroho wal hebag ari, At Allah boholma suon wereg etno hag, At Amloho ilitoho-at wereg-o. Eke At Allah indi ebetuk etno hag, At Amloho ariroho-at ebetuk-o. Ariroho ebetuk wilil, At une oag werehon etno fam o kweanma duma aso wereg-o. Eke Aren nit o kweanma dumen suruk atukukon epmano ho ninaptuk apareg, Allah suon boholma werehon etno inggik bikit fil horie ik lahabag-o.

Ibrani 12:2

Ariroho suruk wilil, nit ninindi demat ulug ebetuk amuhuken At Yesus ninolohot fil lebahon etno-at ninilanggen fikfag wenaharuk amuk-o. Eke At etno An e fam lenggaloko nowabuhup ulug akolen bok apag fug-o. Eke At etno An fobik nahien anggolo hahuk-o, ulug ahla buruk wilil, e fam lenggaloko waramon etno ari hai ulug ahla ebebuk sohorep isalug fanowon unug epahon etno holaruk apareg, At Allah horieg wereg ambeg inggik bikit fil horieg wereg-o.

Ibrani 4:14

Ari halug, wene demat ulug ebetuk aheon etno fanoroho seneg welamuk-o. Eke bilin At Allah unde suon etno At Allah ibam o baharik undamon etno fam kuruk apag etno hag, At Ninowe Allah unde suon Yesus, Allah Amloho etno At Ikni Allah wereg ambeg epmano-at lahabag-o.

Ibrani 6:20

At Yesus etno Ninowe Allah unde suon wilil, o At Allah wereg ambeg boholma laharuk apareg, nit ninake suruk-o. Eke bilin at Melkisedek Allah unde akeleg neken-at welapag etno hag, At Yesus Ninowe Allah unde suon akeleg neken-at nintul nantul welaruhu-o.

Ibrani 8:2

Eke At etno Allah unde suon wilil, o akeleg neken alon wereg ambeg etno eyabuk suruk-o. Ariroho suruk ari, it aben bilin o sum fam falfag ambeg epmanowen suruk eleg-o. O suon alon werehon At Allahen falfag ambeg epmanowen-at suruk-o.

Ibrani 8:5

Eke it ap kweanmon Allah unde epmanowen suruk ari, boholmen suruk heheg, ahut neken-at suruk-o. Ariroho suruk ari, bilin at Musaen sebag etno hag suruk-o. Eke at Musaen sebag etno, o Allah ibam etno faliog ulug suruk heheg, At Allahen yig ituk wilil, “Hat o duroho faliuk ulug bilin o dom fam epmanowen yig hitikikon etno ilitoho-at faliuk-o,” ulug yig epag.

Ibrani 9:1

Eke bilin wene duroho suruk amuk eke duroho suruk am fug ulug ebahon etno fam duroho sembahyang iuk ulug yig isaruk apagma, it aben o sembahyang ibam ulug misig falfag.

Ibrani 9:23

Eke yi angge di angge boholmon ilitoho ulug kweanma ahut haloko embebahon epmano wam amep etno fam ho sebahon oke, yi angge di angge boholmon epmano Allah ake fanowon misig embebahon etnowen ho inapag-o.

Ibrani 9:9

Ari, at ap misig Allah obam sembahyang uruk wilil, yi angge di angge Allah ake embeheg, eke wam waroko At Allah ake ulug hondok yaleheg suruk etno fam, indi ho saruk eleg-o.

1 Petrus 3:22

o boholma lahabareg, At Allah inggik bikit fil wilil, it malaikat inim eke it boholma suon inoag werehon epmano inim Inikni neken wereg-o.

Wahyu 8:3

Og isaruk atusama, eke at malaikat misig ik oag emas fam halehon kemenyan umburukon etno inggikmu senoko waharuk atisireg, o Allah ake umburuk ambeg At horie uruk ambeg etno horogsoho etano waharisi-o. Waharuk atisi­mu, it Allah udaki epmanowen sembahyang urukon obam seberoho umbukag ulug kemenyan anggolo og ituk atusama, At Allah ake umburuk ambeg etnowen hondok yaltisi-o.