Ibrani 9:19 - Allah Wene Hurumbik Keron

¹⁹ Ariroho dambultuk apahon etno at Musaen wene duroho suruk amuk eke duroho suruk am fug ulug ebahon etno fam it aphe obog-at yig isaruk apareg, wam sapi udag amep etno ik inim dambuksoho umbulug, utdet hahon etno fam yuhuloko walug, wene duroho suruk amuk eke duroho suruk am fug ulug ebahon helep fam holal baleg etno obam inim, it aphe inobam inim obog-at deltuk apag.

Ibrani 9:19 ပူးပေါင်းရင်းမြစ်များ

Matius 27:28

Wonggalik waharuk apareg, At asum etno dulum-at loloko sum huluon etno wantepfebag.

Markus 15:17

Balu sik waharuk apareg, At Yesus etno asum huluon etno wantepfeheg, hele alog werehon etno nomolepfuruk apareg ungguluagma ilkaharle neken wantepfeheg sebag.

Markus 15:20

Enggali watuk wilil, ahunda yatuk apareg, asum huluon etno loloko walug, ubulukmu onggarehen angge etno wantepfuruk apareg, ebe e fam lenggaloko wabuog ulug walug lebag.

Yohanes 19:2

Og isaruk apagma, it sehen seneg werehon epmanowen hele alog werehon etno dambuksoho nomalepfuruk apareg, ungguluagma ilkaharle neken wantepfebag. Wantepfuruk apareg, At ebema sum huluon misig wantepfebag.

Yohanes 19:5

Yig isaruk apagma, At Yesus etno e alog werehon fam ilkaharle sepfebahon etno inim, eke sum huluon etno inim obog-at wantoho wilik wapag. Wilik waharuk apagma, at Pilatus etnowen yig isaruk wilil, “Ap ebe du hinilanggen himiek-o,” ulug yig isebag.

Ibrani 1:1

Eke o amuk At Allahen it awene yig isebahon epmano yig isarukmu, iren nit ninetamuki epmano inil fam nintul nantul sukfugangge seheg, eke yiroho diroho yig iseheg suruk apagma, alem ari fam yi wene di wene obog-at yig isaruk apahon oke,

Ibrani 10:22

Ari halug, nit ninindi seberoho wilil, wene du demat ulug ebetuk nisalug, Aren nit dag suruk ahe ulug ninahla buruk aheon epmano ho ninabeheg, eke ninebe ik sabele elehon etno fam kume war ninabeheg suruk ari famen, nit ninindi fanoroho At Allah ambeg waharuk amuk-o.

Ibrani 10:4

Ariroho umburuk oke, wam kambing amep inim, sapi kulog amep inim etnowen it apheyen dag surukon epmano inobam inapelegsoho elehap inaptuk eleg-o.

Ibrani 12:24

Eke misig, At Yesusen wene hurumbik keron yig nisaruk wilil, At Allah ninim dambuksoho ninombisahabahon etno inim, eke At amep deloko embebahon etno inim wereg ambeg waharikip-o. Ariroho waharikibon oke, at Habel amep etnowen wene dahon-at yig hisaruk heheg, At Yesus amep etnowen hag wene fanowon-at yig hisaruk-o.

Ibrani 9:12

Eke At Kristus ebe o Aren yabuk suruk ambeg epmano kuruk apareg, o bilin inuk Mondog Usabaharik welapag etno hag wereg ambeg epmano inggik misihim-at mondog mondog kebag-o. Kuruk wilil, Aren Allah ake imbiog ulug wam kambing inim, sapi udag inim inamep walug wapag fug-o. At amep etno-at walug waharuk apareg, nit ninebe ninili oko niniluk mondog welamon etno-at og nisebag-o.

Ibrani 9:13

Eke bilin it wam kambing amep inim, eke sapi kulog amep inim, eke sapi udag hondok yalepfebahon ul epmano inim waruk apareg, it aphe nin inobam amben neken werehon epmano ho amag ulug inobam delik laruk apagma, inobam amben eleg atuk apag etno hag, kidia At Kristus amep etno fam ninindi demat ho ninaptuk-o.

Ibrani 9:18

Ari halug, wene hurumbik amukon etno yig isaruk heheg, wam amep fam Allah inim dambultuk apag-o.

1 Petrus 1:2

At Allahen indi bulug fuloko hinombisaharisi etno, At Allah Roh Kudusen hinindi fano hinabukag ulug, At Yesus Kristus une holtuk hisalug, At amep fam ho hinaptisi-o. Eke kidia At Allahen ahien hinobam umburuk amag ulug sembahyang uruk ahi-o.