Ibrani 9:14 - Allah Wene Hurumbik Keron

¹⁴ Eke At Kristus etno At ahut itog mondog werehon etno fam At ebe Allah ake warariog ulug imig sebag-o. Ari halug, niren usaroho suruk atukukon epmano sohorep isalug, At Allah iluk werehon etno anggimbu wilil At eyabuk-at suruk amag ulug, At Yesus amep fam ninindi horoho ninobabut keron neken ninombisaharuk-o.

Ibrani 9:14 ပူးပေါင်းရင်းမြစ်များ

Matius 12:28

Eke An hag, At Allah Roh Kudus etnowen oag werehon etno og nitukmu, setan lisoko wilip isaruk ahi-o. Ariroho wilip inaptuk nealug, hiren At Allah weregmen sukon etno nit weregmen arat suruk-o, ulug hinahla buruk am fano-o.

Matius 16:16

at Simon Petrus etnowen yig ituk wilil, “Hat hebe Kristus, Allah iluk werehon Amloho-at-o,” ulug yig epag.

Matius 20:28

Eke An Allahen minduhup naharision etno hag, it aphe nanggimbu neken wilil napma seberoho imbisiog ulug waharikik fug-o. An nebe etno it aphe inanggimbu wilil inilioko inake wararuhuken ulug waharikik-o,” ulug yig isebag.

Matius 7:11

Eleg-o. Ari halug, hit dahon etnowen hinudaki yi angge di angge fanowon-at og isaruk ahep halug, At Hinikni boholma werehon etno obam kino urukmu Aren fanowon-at og hisahu-o.

Lukas 1:74

‘Hinim healeg welahebon epmano hit hinapma neken imbisaruk aruhukmu, hinakol eleg wilil, An ninuk waruk amuhup-o,’ ulug yig nisebag etno hag,

Lukas 12:24

Sue holalim boholma lenggaltug larukon ari lahap isimiek-o. Iren i angge yareheg, anggen balseheg, inibam ombateheg suruk eleg wilil, inaharek ombataruk ambeg faltuk eleg oke, At Allahen-at inaharom og isaruk-o. Eke sue epmano ariroho og isaruk halug, hit dorat og nisahu buk fug-o.

Lukas 12:28

At Allahen isingga o limu yoho werehon, sono hondok yalepfuhukon etno fanoroho wantep isaruk halug, hit hinebe fanoroho wantep hisahu fug behep? Hit hinindimu dorat ebetuk ahep-o.

Lukas 4:18

“An Allah Ahurangge ninim welahe-o. Ninim wilil, Aren aphe inaharek elehon epmano wene fano wene etno yig isawag ulug minduhup naharuk wilil, ambusu amben fanowon etno nobam deltisi-o.

Yohanes 3:34

Eke it At Allahen lahap isa waharukon epmano, At Allahen Roh Kudus suroho og isaruk etno fam At Allah awene etno-at yig isaruk-o.

Kisah Para Rasul 1:2

At Yesus etno boholma lahiog ulug suruk wilil, Roh Kudus fam At omini heag inapahon epmano, hit ariroho suruk amuk-o, ulug inesanggo wapag. Inesanggo watuk apareg, ahla buruk wilil, An nebe warehon oke niluksoho minduhup naharision etno inilanggen neawag ulug lamin-o, ulug ahla buruk apareg inambeg lebag.

Kisah Para Rasul 10:38

Eke fobik At Allahen Yesus Nazaret ap etno At Roh Kudus inim, eke oag weregsoho suruk amon etno inim obog-at og itisi etno hit hiniluk-o. Eke fobik At Yesus etno Allah inim wilil, it uk warehon fano inabeheg, it setan inindimu werehon lisoko wilip iseheg o ahik ya da obog-at sil nuruk atisi-o.

Kisah Para Rasul 14:15

“Nit ninebe aphe-at oke, hit keroho ulug yi angge di angge uson epmano nininuksoho og nisuog ulug suruk ahep-o? Ariroho suruk ahebon oke, ebe uson etno hiren elegsoho umbukag ulug wene fano wene etno yig hisa wahe ari, At Allah iluk mondog werehon etnowen bohol inim, kwean inim, ik inim, eke yi angge di angge inim obog-at wal hebahon epmano inuk wahuben ulug yig hisa wahe-o.

Kisah Para Rasul 15:9

Eke it epmano nit ninim ilitoho welamag ulug ninombisaharisimu, it epmano At awene eberoko waruk atusama, iren dag suruson epmano inapelegsoho apma imbisarisi-o.

Roma 1:20

Eke At Allah yi angge di angge wal hebahon epmano fam At abug yig isarukmu, iren At Walhan oag weregsoho itog mondog werehon etno enggag haruk apag-o. Eke Aren yi angge di angge wal hebahon epmano inilanggen haruk apareg, At itog mondog werehon etno enggag haruk ahe-o ulug inahla buruk wilil oke, seberoho umburukon etno fam inenggali watuk halug, inune eleg-at bok amuhup-o.

Roma 1:4

eke At indi Allah inim welapareg fam, it aphe warehon wereg ambeg epmanowen iluksoho minduhupfebag halug, At Allahen une oag weregsoho yig nisaruk wilil, “Du An Namloho-at-o,” ulug yig nisebag.

Roma 11:12

Eke it Yahudi ap ariroho bule amburusareg fam, it yi aphe di aphe kweanmon obog-at inabua harisi-o. Eke it epmano inaharek eleg atisireg fam, fobik it aphe Allah wene inapeleg welatuson epmano inaharek anggolo atisi-o. Inaharek arat anggolo atision oke, fobik it Yahudi ap obog eberoko waruk amuhupmu, inaharek mondog anggolo atuk aruhu-o.

Roma 11:24

Eke hit bilin Allah wene hinapeleg welatikibon epmano e werlekon inggik neken weregma, yumbuksoho e fanowon inggik ubulukmu hinombisaharisi ari it apheyen suruk hag sirisi fug-o. Eke ari halug, it Yahudi ap e fanowon inggik neken werehon epmano bilin e alem fanowon fam welatusa ambeg epmano-at inubulukmu dombog imbisahu-o.

Roma 6:13

At hit hinebe warehon neken weregma hiniluksoho minduhup hisaharision etno fam At Allah apma welamuog ulug seberoho welamiek-o. Eke hit hinebe atog-atog etnowen fanoroho suhuken ulug At Allah-at og ituk amuk-o.

Roma 6:22

Ari halug, eke kidia hag, alem dag surukon epmano sohorep isalug, At Allah anggimbu-at welahep-o. Ariroho welahep etno fam, fanoroho suruk amon etno-at suog ulug wereg hiseheg, fobik hiniluk mondog welamon etno-at og hisahu-o.

1 Korintus 15:45

Eke wene Alkitab holal baleg embebahon etno fam yig nisaruk wilil, “Eke at Adam bilinon etno ebe bilin wal hebareg, indi ilukon etno fobik og epag-o.” Eke At Adam fobikon etno At ahurangge fam aphe iniluk inaptukon-at wereg-o.

2 Korintus 5:21

Eke At Kristus etno dag mondog sebag fuhon oke, niren dag suruk atukukon epmano At obam embebareg fam, alem niren dag suruk atukukon ninobam welatision epmano arat elehepfirisimu At Kristus ninim dambuksoho At Allah il fam welahe-o.

2 Korintus 6:16

Eke At Allah ibam etno kwanangge umbuk ari hai-o. Eke nit hag, At Allah ilukon etno ibam neken welahe-o. Eke At Allahen bilin yig isaruk wilil, “It wereg ambeg epma nibam falsaruk aruhukseg, inanggelegma ninim welamuhuk-o. Eke iren Ninikni Allah yig nituk isalug, it inebe An nudaki-at welamuhup-o,” ulug yig isaruk apareg, eke fobik yig isaruk wilil,

Galatia 2:19

Eke wene duroho suruk amuk eke duroho suruk am fug ulug ebahon etno anden ilitoho siog ulug sirikikon etno hai atisireg fam, alem dahon etno-at nobam wereg heheg nebe warehon neken welatikikon oke, eke kidia At Allahen wene duroho suruk amuk eke duroho suruk am fug ulug ebahon etno ilitoho siog ulug niluk-at welahi-o.

Efesus 2:5

Eke nit ariroho Allah wene ninesanggo holtuk eleg wilil ninebe warehon neken welatukukon oke, At Allah nit ninobam indi hunduhuk wilil ahmu nisaruk apareg fam, At Kristus ninim niniluksoho minduhup nisaharisi-o. Eke At Allahen hinabua hisaruk etno fam hinili warisi-o.

Efesus 5:2

Eke At Kristus nit ninobam indi hunduhuk welapag etno hag, hit hit hinindi hunduhuk welamuk-o. Eke At Kristus ari nit ninake warariog ulug onggarehen imig saruk wilil, At Allah ahien hawag ulug At ebe fanowon etno Allah ake atisi-o.

1 Tesalonika 1:9

Eke nit hit bik hisa waharukmu, heahi war ninaptuk atikibon epmano inim, eke At Allah ilukon awene etno demat ulug ebetuk wilil, anggimbu welamuog ulug hinongganangge epmano obog sohorep isalug At Allah obam ebetikibon etno inim,

1 Timotius 1:17

Fano naptisireg fam, At Ninikni Allah suon itog mondog werehon, aphe inilanggen haruk elehon etno inuk-at suontepfuruk amuk-o, ulug an demat yig hirihi-o.

1 Timotius 3:15

At Allah iluk werehon udaki etno ari wene demat urukon etno waruk wilil, o wut oag helep neken aplohok uruk elehon belabeg etno ilitoho wereg-o.

Titus 2:14

Nit yi dag di dag suruk aheon epmano onggo baloko ninili weheg, eke it fano mondog suk ulug inahla ebetukon epmano At udaki obog-at welamag ulug ho ninabeheg sukag ulug ninake og nisebag-o.

Ibrani 1:3

Ariroho wal hebag ari, At Allah boholma suon wereg etno hag, At Amloho ilitoho-at wereg-o. Eke At Allah indi ebetuk etno hag, At Amloho ariroho-at ebetuk-o. Ariroho ebetuk wilil, At une oag werehon etno fam o kweanma duma aso wereg-o. Eke Aren nit o kweanma dumen suruk atukukon epmano ho ninaptuk apareg, Allah suon boholma werehon etno inggik bikit fil horie ik lahabag-o.

Ibrani 10:10

Eke At Yesus Kristus etno At Allahen du suhu ulug ahla bebahon etno ilitoho suruk wilil, At ebe nit obog ninonggo inggik misihim-at Allah ake ombatebag etno fam, niren dag suruk aheon epmano sohorep isalug, ninindi ho ninaptuk-o.

Ibrani 10:12

It apheyen dag surukon epmano eleg amag ulug At Kristus etnowen misihim-at Allah ake ombataruk wilil, aphe obog inonggo baltuk apareg, At Allah inggik bikit fil horie ik lahabag-o.

Ibrani 10:2

Eke it aphe At Allah ake imbik waharukon epmanowen dag surukon epmano demat inobam inapelegsoho elehap inaplepmen, iren an dag suruk ahi-o ulug selegma bukaloko ukon etno sohorep iselepsehen, fobik Allah ake imbik watlep fug-o.

Ibrani 10:22

Ari halug, nit ninindi seberoho wilil, wene du demat ulug ebetuk nisalug, Aren nit dag suruk ahe ulug ninahla buruk aheon epmano ho ninabeheg, eke ninebe ik sabele elehon etno fam kume war ninabeheg suruk ari famen, nit ninindi fanoroho At Allah ambeg waharuk amuk-o.

Ibrani 11:21

Eke at Yakub etno hag indi demat ulug ebetuk wilil, ebe horog warariog ulug suruk apareg, at Yusuf udaki epmano inobam ahien embebag-o. Ahien inobam imbiog ulug, ebe wanggun fam himbisoko minduhuk wilil, At Allah obam sembahyang uruk apag.

Ibrani 13:12

Ariroho sebag etno hag, At Yesus etno At amep fam it aphe dag surukon epmano ninindi ho ninabiog ulug At ebe lehet selema fil-at warapag-o.

Ibrani 3:12

Ari halug, hit hinindi dahon wilil, wene eberoko walug eleg-at At Allah iluk werehon etno sohorep isehe ha nowen ulug hinonggarehen hinindi aso fanoroho welamuk-o.

Ibrani 6:1

Ari halug, At Kristus awene alem-at yig nisaruson etno dot awan wereg heheg, wene ebe undamon it inanggohonen inahla burukon etno niniluk amag ulug yanggul saruk amuk-o. Eke niren dag suruk atukukon sohorep isawon etno inim, eke At Allah obam ebebukon etno inim niniluk atukukseg, o andorli neken arat umburukukseg fam, fobik inim umbuk ari hai-o.

Ibrani 7:16

Eke At ap Allah unde minapahon ari, it apheyen wene duroho suruk amuk eke duroho suruk am fug ulug uruk etno fam minapag fug-o. Eke At ebe iluk itog mondog wilil oag weregsoho wereg etno fam, Allah unde apag-o.

Ibrani 7:27

Eke it ap kweanmon Allah unde suon welapag epmano hag, At Yesus ariroho wereg eleg-o. Eke it ap Allah unde suon werehon etnowen iren dag surukon etno eleg amag ulug bilin Allah ake embeheg, eke it yi aphe di aphe epmanowen dag surukon etno eleg amag ulug fobik Allah ake embeheg nintul nantul suruk etno hag, At Yesus ariroho suruk eleg-o. Eke At ebe etno Allah ake neken wararuhuken ulug onggarehen imig saruk apareg, Allah ake misig etno-at embebag-o.

Ibrani 9:12

Eke At Kristus ebe o Aren yabuk suruk ambeg epmano kuruk apareg, o bilin inuk Mondog Usabaharik welapag etno hag wereg ambeg epmano inggik misihim-at mondog mondog kebag-o. Kuruk wilil, Aren Allah ake imbiog ulug wam kambing inim, sapi udag inim inamep walug wapag fug-o. At amep etno-at walug waharuk apareg, nit ninebe ninili oko niniluk mondog welamon etno-at og nisebag-o.

Ibrani 9:26

o kweanma duma alem bilin wal hebag etno famen dahon etno obam umburukmu, nintul nantul-at waratlep-o. Ariroho selebon oke, kidia o ebe elehap sukon etno fanggog uruk heheg, At ebe etno misihim-at waharuk apareg, it apheyen dag surukon epmano elehap siog ulug At ebe misihim-at Allah ake ombatebag-o.

Ibrani 9:7

Eke baharik undamon sum fam huli balehon etno at ap Allah unde suon etno akeleg-at tahun nintul nantul inggik misihim-at kuruk apag. Etno fam kulug aren dag surukon epmano inim, eke it aphe nin inapeleg neken wilil dag surukon epmano inim eleg amag ulug, wam amep epmano Allah ake embebag-o.

Ibrani 9:9

Ari, at ap misig Allah obam sembahyang uruk wilil, yi angge di angge Allah ake embeheg, eke wam waroko At Allah ake ulug hondok yaleheg suruk etno fam, indi ho saruk eleg-o.

1 Petrus 1:19

At Kristus obabut mondog fanowon amep onggo ulug embebag etno hit hiniluk-o. Eke At Allahen o kweanma awan wal haruk wilil,

1 Petrus 2:22

At Kristus etno mondog dag seheg eleg wilil, enggal wene uruk apag fug-o. Eke inune dahon obam yig epahon oke Aren une dahon it inobam yig isebag fug-o.

1 Petrus 2:24

Eke At Kristus niren dag suruk atukukon epmano omalo fam walug e fam lenggaloko embebag etno niren dahon sohorep isalug fanowon-at suruk amag ulug embebag-o. Eke it epmanowen At ebe ele suon wapag etno fam, hinebe fano atikip-o.

1 Petrus 3:18

Eke At Kristus obabut mondog fanowon-at oke, hit dahon hinake-at warapag-o. Hiren dag suruk atikibon epmano hinapelegsoho At Allah apma imbisawag ulug warapag-o. At ebe wapahon oke, fobik iluksoho minduhupfebag.

1 Petrus 4:2

Eke ari halug, kidia o kweanma duma wilil, At Allahen komo yig nisebahon etno-at mutlug laruk amuhupseg, kweanmen dag surukon epmano obog seberep isahup-o.

1 Yohanes 1:7

At Allah weregsoho o selegma laruk nisalug, ninomini obog ninim dambuksoho welahe-o. Ariroho weregma, eke ninindi dahon At Yesus Allah Amloho amep fam ho ninaptuk-o.

1 Yohanes 3:5

Eke At Kristus mondog dag sebag fuhon oke, nit dag suruk aheon epmano ninapelegsoho apma ninombisahukag ulug kweanma ambik wapag-o.

Wahyu 1:5

Eke At Yesus Kristus wene demat urukon etno yig niseheg, eke it ap o ahik ya da suon epmano Inowe suon welaheg, eke Amloho manggia neken it warehon imbisaruk ambehen iluksoho minduhupfebahon etno ahien hinobam umburuk-o. Eke At Yesus etno nit ninebe indi hunduhuk wilil, ninake waratuk apa­reg, niren dag suruk aheon epmano ninobam ninapelegsoho Aren apma ninombisahabag-o.