Ibrani 9:11 - Allah Wene Hurumbik Keron

¹¹ Ariroho yig nisebahon oke, fobik At Kristus ebe etno Allah unde suon akeleg neken-at wapag-o. At ebe wapag ari, fobik yi angge di angge fanowon og nisahuon etno unde wilil wapag-o. Waharuk apareg, o aren yabuk suruk ambeg epmano suon fanowon-at wereg-o. Ariroho wereg ari, aben falehon neken wereg eleg-o, eke ebe yi angge di angge duma wal hebahon epmano ilitoho wereg eleg-o.

Ibrani 9:11 ပူးပေါင်းရင်းမြစ်များ

Matius 11:3

Lahap isaruk apagma, it epmano laruk apa­reg, At Yesus ambeg hinog waruk wilil, “Yesus wai, Haren yig nisamihin-o. At Yohanes etno­wen bilin Ap suon misig waruhu ulug hurumbik yig nisebahon etna Hat-at ano, eke fobik misig waruhumu aso welahe ano?” ulug yig epag.

Matius 2:6

‘O Betlehem Yudeaon du, hat o duma doron, o epma suon ulug uk fug-o. At an nudaki Israel ap etno og inaplug sil nurukon etno o Betlehem epmen-at endag aruhu-o,’ ulug at Mikhaen holal balfa­hon etno yig here­he-o,” ulug at Herodes etno yig epag.

Markus 14:58

Obam denggeluog ulug uruk wilil, “At etnowen o Allah ibam ap ininggiken falfahon du mialepfuhukseg, ninggik henahan welatlug ubulukmu it ap ininggiken faltuk etno hag faluhuk fug-o. Anden faluhuk ari akeleg neken-at faluhuk irisi-o,” ulug uruk apareg,

Yohanes 1:14

Eke At Wene etno ebe ap-at endag atuk apareg, aphe obog ninahla sil nuruk wilil, At ebe suon-at welapag etno fam, sukfugangge seheg, eke ninabua seheg, eke demat urukon wene etno yig niseheg surukmu ninilanggen haruk soag-o. Ariroho haruk soag ari, Ikni Allah Amloho misig-at welapag etno ebe suon-at welapag-o.

Yohanes 4:25

Yig ituk apagma, at hwe etnowen yig ituk wilil, “At Kristus fobik waruhu ulug hurumbik ebahon etno demat waruhu ari an niluk-o. Eke At ebe etno waharuk aruhureg, yi wene di wene obog-at bukaloko yig nisahu-o,” ulug yig ituk apagma,

Kisah Para Rasul 7:48

Faloko embebahon oke, eke Allah Ninikni suon etno apheyen inibam hanteg etno hag, hanteg eleg-o, ulug eke at nabi ap etnowen yig isaruk wilil,

2 Korintus 4:18

Eke yi angge di angge ninilangge isaruk ahe fuhon etno hag huluog ulug ninahla buruk ahe-o. Eke yi angge di angge ninilanggen isaruk aheon ari fahe eleg atuk oke, yi angge di angge ninilanggen isaruk ahe fuhon ari initog mondog-at welamuhup-o.

2 Korintus 5:1

Eke nit ninebe ari ninibam sum fam falehon etno mial atuk halug, At Allahen o boholma ninibam itog mondog welamon fal ninaptukon epmano og nisahu ari niniluk-o.

Kolose 2:11

Ari halug, hit it Israel ap suruk etno hag, hiniyunggul ambilik balfag fug-o. Hit hinindi dahon etno At Kristus inuk fam sohorep isawag ulug, hinindi ayeg waroko hinombisahabag-o.

Ibrani 10:1

Eke it Yahudi aben wene duroho suruk amuk eke duroho suruk am fug ulug ebahon etno fobik suhuon ilitoho neken-at ebahon oke, ebe demat fano inaptukon neken eleg-o. Eke yi angge di angge Allah ake ulug umburukon ari, tahun nintul nantul suruk wilil, ilikia hupmu-at umburukon oke, ari fam it aphe At Allah ake imbik waharukon epmano fam inindi fano inaptuk eleg-o.

Ibrani 12:27

Eke une fobik suhuk ulug ebag ari fam, yi angge di angge wal hebahon epmano obog-at aplohoksepfuhukseg, elehapsuhuk-o. Eke yi angge di angge mondog aplohok suhuk fuhon epmano welamuhup at-o, ulug hurumbik etno selegma-at yig nisaruk-o.

Ibrani 13:14

Eke o kweanma duma hag nit ninibam mondog neken wereg eleg ari famen, nit o fobik mondog welaruhuon etno-at heahil sil nuruk ahe-o.

Ibrani 2:17

Eke ariroho inilioko imbisiog ulug wapareg fam, it apheyen dag surukon sohorep isiog ulug, At Allah unde inuk suon neken wilil, apheyen At obam ebebukag ulug fanoroho yig iseheg, eke inabua seheg suruk ariog ulug, At omini ilitoho-at inambeg waharuk apareg, suruk apag-o.

Ibrani 3:1

Nomini, Kristus udaki du wai, nit hit ninim At Allahen wol nisebareg fam, At Yesus etno wene demat uruk aheon etno unde wilil inuk suon welamag ulug lahabik waharision etno hinilanggen haruk amiek-o.

Ibrani 4:15

Eke At Ninowe Allah unde suon etnowen nit ninoag elegsoho suruk aheon epmano ahmu nisaruk wereg-o. Ariroho wereg ari, nit ninindi kahalik waharuk etno hag, At indi kahalik wapahon oke, At dag sebag fug-o.

Ibrani 7:1

At Melkisedek etno o Salem inowe suon wilil, At Allah itog mondog werehon etno unde welapag. Ariroho weregma, at Abraham etnowen it ap inowesi suon epmano warep isaruk apareg, iog suhuluk waharukmu, at Melkisedek inim salkal uruk apareg, at Melkisedek etnowen Abraham obam ahien embebag.

1 Yohanes 5:20

Eke At Allah Amloho etno waharuk apareg, aren Allah wene du demat yig hisaruk ahi-o ulug yangguloko yig nisebag. Wene ariroho yig nisebag halug, At Allah ninim, Amloho Yesus Kristus etno ninim ninindi hunduhuk welahe-o. Ari At Allah Ninikni-at wereg-o. Aren niniluk wilil ninitog mondog welamon etno-at og nisaruk-o. Ari demat-o, ulug nit niniluk atuk-o.

2 Yohanes 1:7

Eke alem misig du inim-at yig hituk ahi-o. Ari At Yesus Kristus aphe inebe hahon o kweanma wapag fug-o, ulug aphe inindi kahalik wamag ulug it inenggal urukon inebe anggolo atusareg wereg-o. Inindi kahalik wamuog ulug o duma waharusareg wereg-o. Ari aphe inindi kahaltukon halug, at antikristus, Kristus inim healeg werehon etno-at waharisireg wereg-o.