Ibrani 8:6 - Allah Wene Hurumbik Keron

⁶ Ariroho yig epahon oke, it ap kweanmon Allah unde epmanowen suruk ari, doron at-o. Eke At Yesus etno Allah unde suon wilil eyabuk akelehon-at suruk amag ulug minduhupfebag-o. Eke hurumbik amukon yig nisebahon ari doron at-o. Eke hurumbik keron etno hag, At Yesusen it aphe At Allah inim dambuksoho imbisebag etno fam, At Allahen yi angge di angge fanowon-at og hisahuk ulug abug yig nisarukon ari suon-at wereg-o.

Ibrani 8:6 ပူးပေါင်းရင်းမြစ်များ

Lukas 22:20

Yig isaruk apagma, it epmano nebag. Arat naruk apagma, eke fobik ik honanggo etno ariroho-at og isaruk apareg, yig isaruk wilil, “Eke fobik hit hurumbik keron etno fam At Allah hinim dambuluhuben ulug, An namep hit hinake deloko umbuhuk etno hag, ambusu honanggo du ilitoho og hisaruk ahi-o,” ulug yig isebag.

Roma 9:4

Eke it Israel ap ari At Allahen fuloko imbisebareg, At udaki welamag ulug endag inapag-o. Endag inaptuk wilil, inebe suontep iseheg, eke ninim welamuhuken ulug wene etno yig iseheg, eke wene duroho suruk amuk eke duroho suruk am fug ulug ebahon etno yig iseheg, eke hurumbik wene etno yig iseheg sebag-o.

Efesus 2:12

Eke hit bilin At Kristus hinim welatikip fug-o. Eke hinebe huso neken wilil, At Allah udaki imig inapahon epmano hinim welatikip fug-o. Eke At Allahen At udaki yig isaruk wilil, fanowon etno demat og hisahuk ulug abug yig isebag etno hit hag yig hisebag fug-o. Eke hiren fanowon etno og nisahu ulug hinahla buruk eleg wilil, o kweanma duma Allah hinim welatikip fug-o.

1 Timotius 2:5

Eke At Allah etno misig-at wereg-o. Eke At Allah nit aphe ninim dambuk ninaptukon etno ap misig inuk Yesus Kristus etno-at wereg-o.

Titus 1:2

Eke anden wene du demat ulug yanggul isaruk ahion etno fam it apheyen niniluk welamon etno og nisahu-o ulug inindi ebetuk-o. Eke At Allah enggal uruk elehon etnowen o kweanma duma awan wal haruk eleg wilil, hini­luk welamon etno og hisahuk ulug, abug yig nisaruk apareg,

Ibrani 12:24

Eke misig, At Yesusen wene hurumbik keron yig nisaruk wilil, At Allah ninim dambuksoho ninombisahabahon etno inim, eke At amep deloko embebahon etno inim wereg ambeg waharikip-o. Ariroho waharikibon oke, at Habel amep etnowen wene dahon-at yig hisaruk heheg, At Yesus amep etnowen hag wene fanowon-at yig hisaruk-o.

Ibrani 7:22

Eke Anden Hat hitog mondog wilil nintul nantul Allah unde welaruhunen-o,” ulug yig hirihion ari sohorep isalug, fobik akelehon yig hiruhuk fug, ulug Allahen At inuk fam yig epagma, At Yesus wene hurumbik keron fanowon etno unde wereg etno fam, fobik demat suhu ulug ninahla buruk ahe-o.

2 Petrus 1:4

Eke At Allahen, yi angge di angge fanowon og hisahuk, ulug bilin yig nisarision etno holaruk amuhukseg, ninobabut dahon kweanmon etno sohorep isalug, hinindi keron-at holahuk-o.